इथेच जमवा कंपू, इथेच टाका तंबू !

प्रेर्ना - पिरा तैं चा धागा
मूळ कविता - गदिमा

चला जाउ द्या पुढे हि चर्चा
अजुनी नाही धागा संपला
इथेच जमवा कंपू
इथेच टाका तंबू !

आणखी थोडा व्हिजा वाढवू
काही वर्षं अजून थांबू
इथेच जमवा कंपू
इथेच टाका तंबू !

नाही गर्दी नाही प्रदूषण
जीवन इथले असे विलक्षण
उतरा ओझी, विसरा नाती
डॉलर पळभर चुंबू
इथेच टाका तंबू !

घट्ट धरूया आपली संस्कृती
सण वार अन रितिभाती
ढोल ताशे जोरात वाजवू
हिरव्या नोटा छापू
इथेच टाका तंबू !

नॉस्टलजीक कधी होऊ
आंजा वरती धागे काढू
हिअर ऑर टू गो असे संभ्रमु
भारत प्रेमाची नशा झिंगु
इथेच जमवा कंपू
इथेच टाका तंबू !

मिस यू मिस यू
मम् मातृ भू
मिस यू मिस यू
मम् मातृ भू
अधे मध्ये गळे काढू
इथेच जमवा कंपू
इथेच टाका तंबू !

जय मराठी जय आम्रविका