रिसेशनचा उहापोह

आय टी ही सर्विस इंडस्ट्री असल्यामुळे, आय टी ला स्वतःचे भवितव्य नसते. मॅन्युफॅक्चरिंग आणि आर्थिक क्षेत्रामध्ये परिस्थिती सुधारल्याशिवाय, आय टी मध्ये काही सुधारणा होण्याची शक्यता नाही.

टेलिकॉम, कृषी ही क्षेत्रे त्या मानाने चांगल्या स्थितीत असावा.

आय टी (किंवा कुठलेही क्षेत्र) निवडण्याचा निर्णय तात्कालिक स्थितीवर अवलंबून नसावा. कोणत्याही क्षेत्रात प्रवेश करण्यासाठी त्याची आवड आणि कुवत जास्त महत्त्वाची.

खराटा
(येथे उत्तम काथ्या बारीक कुटून मिळेल)

आय टी मधे जे लोक जॉब करतात त्यांच पण सध्या असं सुरु आहे.. चेक करा..

जोक अपार्ट :- सध्या आयटी चं भवितव्य भारतात तरी फारसं ब्राइट नाही. माझ्या मित्राच्या मुलाला फक्त १.६ लाख पॅकेज मिळालं पास आउट झाल्या बरोबर..

हे रेसेशन कमित कमी १ वर्ष तरी चालेलं असं माझं मत आहे.
मुंबईत आणी पुण्याला कन्स्र्ट्रकशन बिझिनेस कमी होईल आणि रिअल इस्टेट मार्केट पण स्टॉक मार्केट प्रमाणेच कोसळेल असा माझा अंदाज आहे.

एक्स्पर्ट लोक आपलं मत देतिलच..
महेंद्र

कन्स्ट्रक्शन इक्विप्मेंट कंपनिज जेसिबी सारख्या कि ज्यांचं प्रॉडक्शन महिना भर बुक असायचं त्यांची पण वाट लागली आहे. टोटल प्रॉडक्शन २० ते २५ टक्के झालं आहे. त्याला वापरण्यात येणारी किर्लोस्कत इंजिन्स च्या कंपनी चे पण ३रर्ड क्वार्टर चे निकाल एनकरेजिंग नाही. आमचा एक मित्र कळवतॉ की त्या कंपनिने ऑलरेडी ५ दिवसांचा आठवडा केला आहे आणि पगारात पण २० टक्के कपात केली आहे.
इतर कंपन्यांची अवस्था पण काही फार वेगळी नाही. इंजिनिअरींग कंपन्यांना पण रेसिशन चा त्रास आहेच..हेच कारण आहे प्रॉपर्टी मार्केट कॅश होण्याचे माझ्या मते...
ह्या सगळ्या गोष्टींचा परिणाम म्हणजे मार्केट ची वाट लागणार...

महेंन्द्र

मंदाबाईचा फेरा इकडेतिकडे येवो न येवो पण मराठीभाषेला मात्र मंदीचा फेरा चांगलाच विळखा घालतोय. जरी थोडासा प्रयत्न केला तर चांगली आणि गोंडस मराठी शब्द वापरता येतील.

उदा. रेसेशन ( मंदी), बुक ( नोंदणी), कंस्ट्रक्शन ( बांधकाम, इमारती), ३र्ड क्वार्टर (तिमाही), बिल्डर ( बांधकाम व्यावसायीक), जोक अपार्ट ( विनोदाचा भाग सोडून द्या),

अरे, मित्रांनो, थोडावेळ विचार केलातरी कितीतरी मराठी शब्दांना पुर्नसंजीवन देता येईल.

तेजी / मंदी ही चालुच असते.
एक सरकारी नोकरी सोडली तर मंदी चा तडाखा हा जवळ्पास सर्वच क्षेत्रांना बसला आहे. वित्त, सेवा, माहीती तंत्रज्ञान, उत्पादन ही सगळी क्षेत्रे कुठे तरी एक दुसर्‍यावर अवलंबुन असतात. सरकारी नोकरी मिळवायची तरी बरीच दिव्ये पार पाडावी लागतात. त्यातही केवळ घर चालवणे हा हेतु असेल तर ठीक आहे. चाकोरीबाहेर जाउन काही करायचे असेल / समाधान शोधायचे असेल तर थांबा. आपल्या आवडत्या क्षेत्रात काम करायची संधी नक्की येइल.

सुक्या (बोंबील)
मु. पो. डोंबलेवाडी ( आमच्या गावात पोस्ट हापीस नाय. लिवायचं म्हुन लिवलं.)

आजच अमेरिकन काँग्रेसच्या सबकमिटीने इथल्या सगळ्या मोठ्या बँकांच्या सीईओजना डिपोझिशन देण्यासाठी बोलावलं होतं. सिटीबँकेचे आपले विक्रम पंडितही होते त्यात!
या सगळ्या बड्या धेंडांना काँग्रेसच्या मेंबर्सनी खरपूस भाजून काढलं....
रोख होता तो मुख्यत्वे बोनसेस विषयी आणि आउट्सोर्सिंग विषयी....
आता या निमित्ताने आउटसोर्सिंगबद्दलचा सगळा विरोध बाहेर पडतोय...
आणि त्याला इथल्या पब्लिकमध्येही भरपूर पाठिंबा मिळतोय....
बहुतेक सरकारकडून मदत घेणार्‍या उद्योगांच्या आउटसोर्सिंगवर तरी निर्बंध येणार...

तेंव्हा बॉटमलाईन ही की सांभाळून रहावे....
पुढले वर्ष-दीडवर्ष (घराचा हप्ता भरून) घरखर्च चालवता येईल इतके तरी सेव्हिंग्ज (इन्व्हेस्टमेंट नव्हे; तर कधीही बँकेतून काढता येईल अशी रक्कम) ठेवावे...
म्हणजे जरी जॉब गेला तरी आपले कुटूंब अगदी रस्त्यावर यायची वेळ येणार नाही....
इकॉनॉमी वर यायला तितका काळ लागेल असे वाटते आहे....

नवीन जॉब शोधणारांचे तर जास्तच कठीण! कारण ले-ऑफ झालेल्या अनुभवी लोकांचे तांडे त्याच पोझिशन्ससाठी ऍप्लाय करणार....

वरील मजकूर लिहायला दु:ख्ख वाटते पण इथे तरी ही वस्तुस्थिती आहे. आपल्या भारतातल्या मित्रांना 'हेडस अप' द्यावा म्हणून लिहिले...

अरे, मित्रांनो, थोडावेळ विचार केलातरी कितीतरी मराठी शब्दांना पुर्नसंजीवन देता येईल. (कलंत्री साहेब)

पुनर्सन्जिवन म्हनाय्चे आहे का आप्ल्याला? :-०