कसे पारिजातास सांगू सख्यांनो जरा आवरी रे गंधा तुझ्या
सखी मोगरीही धुंदावली बघ विसरून अस्तित्वगंधा तिच्या
नको देखणे ते सडे सोनपुष्पी, नसे रातराणी ध्यानीमनी
प्राजक्त दारी ओघळावा, दरवळ रुजावा मुग्ध मातीतुनी
फुलावे किती सडे मौक्तिकांचे जणू प्रित तुजवर मोगरीची जडे
कधी सांडती आंसवे दोन, पाठी कधी थाप ती कौतुकाची पडे
इथे आज शब्दांत घडे आगळे शिल्प सुखे मोहरे ताज स्वप्नांतला
नसे शाश्वती श्वास कुठवर टिकावा? फुले नित्य प्राजक्त दारातला .
विशाल कुलकर्णी
प्रतिक्रिया
5 Apr 2016 - 11:21 am | पैसा
अहा! उन्हाळ्याच्या तलखीत एकदम थंड वाटलं!
5 Apr 2016 - 11:24 am | अत्रुप्त आत्मा
मससस्त!
5 Apr 2016 - 11:45 am | नाखु
विशाल्याला चोपा रे कूणी तरी !!!
जीवघेण्या कवीता रचून राहलाय !!
मिपावच्या कडक उन्हाळी धाद्यातही झुळकीने हरकलेला नाखु
26 Apr 2016 - 5:01 pm | विशाल कुलकर्णी
कसचं कसचं नाखुकाका ;)
6 Apr 2016 - 6:38 am | मदनबाण
वाह्ह...
मदनबाण.....
आजची स्वाक्षरी :- ए सनम आँखों को मेरी खुबसुरत साज दे... :- रंगा पतंगा
6 Apr 2016 - 6:50 am | एक एकटा एकटाच
सही
विशाल दा
6 Apr 2016 - 11:37 am | रातराणी
अप्रतिम!!
6 Apr 2016 - 7:17 pm | बोका-ए-आझम
आणि वातावरण एकदम सुगंधित, प्रफुल्लित झालेलं आहे!
6 Apr 2016 - 11:25 pm | अमृता_जोशी
कातिल..
6 Apr 2016 - 11:49 pm | निशदे
सुंदर.........
""इथे आज शब्दांत घडे आगळे शिल्प सुखे मोहरे ताज स्वप्नांतला
नसे शाश्वती श्वास कुठवर टिकावा? फुले नित्य प्राजक्त दारातला .
""
इथे कवितेने कळस गाठला.........
26 Apr 2016 - 5:02 pm | विशाल कुलकर्णी
_/!\_
26 Apr 2016 - 4:57 pm | विशाल कुलकर्णी
धन्यवाद मंडळी.
26 Apr 2016 - 5:06 pm | मिसळलेला काव्यप्रेमी
अतिशय सुंदर रचना...
26 Apr 2016 - 9:54 pm | नूतन सावंत
सुगंधी कविता आवडली.