नाडीग्रंथ ताडपट्टीच्या त्या फोटोचे इतके महत्व ते काय ?

http://www.misalpav.com/node/4247

http://www.misalpav.com/node/3968

तुम्ही तुमच्या नाडीचा काही व्यवहारातही वापर करणार आहात की नाही. आम्ही खास धागे काढले नाडीचा वापर व्यवहारात व्हावा म्हणुन.
मला असे आढळुन आले आहे, जेव्हा जेव्हा आम्ही (मिपाकर) ह्या विषयावर विधायक चर्चा घडवुन आणण्याचा प्रयत्न करतो तेव्हा आम्हाला जोतीष मधील लोकांकडुन पुरेसा प्रतिसाद मिळत नाही.

---
तुम्हाला थंडी वाजेल, तेव्हा लक्षात ठेवा की कोणाच्या तरी उबीने तुमची थंडी दुर होउ शकते. त्या उबीला लाख सलाम.

ओकसाहेब, आपल्याला दिपावलीच्या लक्ष लक्ष शुभेच्छा...

बाकी चालू द्या, :)

आपला,
(चट्टेरीपट्टेरी चड्डीची नाडी चांगली घट्ट आवळून बांधणारा) तात्या.

(हो, नायतर तिच्यायला सुटायची आणि पब्लिकला 'विश्वरूप दर्शन' व्हायचं! :)

नाडी तपासून घ्यावी लागणार...

आम्ही एकदाच "प्रतिक्रिया प्रकाशित करा" दाबलं... तरीही आमचा प्रतिसाद दोनदा कसा प्रकाशित झाला :S

सतीश गावडे
मी शोधतो किनारा...

तुमचे सगळे लेख वाचलेत. मागे एकावर प्रतिसादही टाकला होता. अगदी राहावत नाही म्हणून परत लिहितोय.

जरावेळ आपण असे धरून चालू कि ज्योतिष एक शास्त्र आहे, खरे आहे. ज्योतिष कथनाचे अनेक प्रकार आहेत हे ही मान्य करू.
अगदी असेही धरून चालू कि प्रत्येक प्रकार अगदी शास्त्रोक्त रित्या सिद्ध झालेला आहे.
पण पुढे काय? या ज्योतिष/भविष्याच्या भानगडीतून आपण काय मिळवणार? कशासाठी आपण हे सर्व करायचे? जास्तीत जास्त तुम्ही स्वतःचे/दुसर्‍यांचे भविष्य अगदी छातीठोकपणे सत्य म्हणुन सांगाल. होणार्‍या घटनांसाठी मानसिकरित्या तयारी कराल. यापेक्षा जास्त काय होणार? मानवाच्या/समाजाच्या उन्नतीची कोणती गरज या "शास्त्रातून" भागणार?

न पेक्षा, भविष्य जाणून घेण्याच्या उत्सुक मानसिकतेचा लाभ घेऊ पाहणार्‍या, लोकांना धंदा चालू करण्याचा एक चांगला मार्ग उपलब्ध होईल अन् चांगल्यापैकी पैसा गाठीला बांधता येईल हा एक व्यवहारीक फायदा मात्र नक्की होईल. सध्या सर्वत्र या गोष्टींचा सुकाळ झालेला आहेच.

माझ्या मते तर हे भविष्य वगैरे खरे-खोटे करण्यात वेळ वाया न घालवता त्याची गरज कशी नाही हेच पटवून दिल्यासच समाजाचा पुष्कळ फायदा होईल.

असो. ही माझी वैयक्तीक मते आहेत. पण कुणावर व्यक्तिगत रोख नक्कीच नाही. तरीही कुणास वाईट वाटल्यास आधीच क्षमस्व म्हणतो.

जे झालंय, जे होतंय अन् जे होणारंय ते सर्व चांगल्यासाठीच यावर पूर्ण विश्वास असलेला
अन् भविष्य बघण्याची यत्किंचितही गरज न वाटणारा
मुमुक्षु

नाडी व नाडा ह्यात फरक काय?
चड्डीला नाडी असते का नाडा?
वेताळ

नाडीज्योतिषाचे पोवाडे हल्ली बरेच गायले जाताना ऐकू येतात.

आमचे वैयक्तिक मत म्हणजे नाडीज्योतिष हे केवळ अनाकलनीय आहे. जगात पुढे हजारो वर्षे जन्मणार्‍या सर्वांची भविष्ये ऋषीमुनींनी लिहून ठेवली आहेत, असा अपसमज समाजात पसरवणे हेच चुकीचे आहे.

बहुतेक नाडीग्रंथ तामिळ भाषेत असल्यामुळे सर्व ऋषीमुनींना तामिळ येत होते काय? हा प्रश्न पडतो. तसे जर असते तर त्याकाळच्या सर्व ग्रंथरचना संस्कृत ऐवजी तामिळ भाषेत झाल्या असत्या.

दुसरी गोष्ट म्हणजे त्या पद्धतीला कोणताही शास्त्र नाही. अनुमान कशाच्या आधारावर? तर ऋषीमुनींनी लिहून ठेवले आहे म्हणून. त्यांनी तसे लिहिले आहे याला पुरावा काय? त्या पट्ट्या तुम्हाला बघायला मिळतात का? तामिळ ज्याला येते त्या माणसाकडून त्यावर नक्की काय लिहिले आहे याची खात्री करता येते काय?

नाडीज्योतिषाबद्दल एकाच गृहस्थांचे दोन किस्से सांगतो.

आमच्या परिचयातील एक गृहस्थ तीन चार महिन्यापूर्वी पुण्याच्या कुठल्यातरी नाडी/परकर वाल्यांकडे जाऊन आले आणि त्यांचे खूप कौतुक करत होते.

त्यांच्या गर्भवती मुलीला मुलगा होईल आणि मुलगाच होईल असे खात्रीलायकपणे , कोणतीही प्रश्नकुंडली न मांडता आणि शनीचे स्थान न पाहता, त्या नाडी़वाल्यांनी केवळ त्या नाडीपत्रावरून सांगितले. त्या गृहस्थांची मुलगी प्रसूत होऊन तिला मुलगी झाली. नाव 'अवनी' ठेवले. सुंदर नाव आहे.

तसेच त्यांच्या मुलाचे ऍरेन्ज्ड मॅरेज होणार असेही भाकित नाडीवाल्यांतर्फे करण्यात आले होते.

मुलाची कुंडली आम्ही पाहिली होती, तेव्हा त्याचा प्रेमविवाह होईल असे आम्ही त्यांना सांगितले होते. कारण आमच्या कृष्णमूर्ती पद्धतीप्रमाणे, त्याच्या सप्तमस्थानाचा सबलॉर्ड हा पंचमाचा बलवान कार्येश आहे. इतकेच नव्हे तर त्याला सुरू असलेल्या सध्याच्या दशेच्या सुरूवातीपासूनच हा एका मुलीच्या प्रेमात आहे असेही आम्ही त्यांना सांगितले होते.

त्यामुळे नाडीवाल्यांनी ऍरेन्ड मॅरेजच होईल हे केलेले भाकित त्यांनी आम्हाला घोळवून घोळवून ऐकवले. आम्ही म्हटले , " ठीक आहे. घोडामैदान जवळ आहे."

दाखवलेली प्रत्येक मुलगी तो मुलगा नाकारू लागल्यावर या गृहस्थांनी आणि त्यांच्या सौभाग्यवतींनी त्याला एक दिवस आडवा घेतला. तेव्हा त्याने कबूल केले की , " धोंडोपंतांनी सांगितल्याप्रमाणे माझे एका मुलीशी गेले दोन वर्षे प्रेमसंबंध आहेत पण तिच्या वडिलांचा प्रचंड विरोध आहे. त्यामुळे यातून पुढील मार्ग निघेपर्यंत, सांगून आलेल्या मुली नाकारणे हाच पर्याय मला योग्य वाटला. पण काहीही झालं तरी आम्ही दोघे लग्न करणार आहोत." असो.

आपला,
(शब्दवेल्हाळ) धोंडोपंत

आम्हाला इथे भेट द्या: http://dhondopant.blogspot.com

(जय जय महाराष्ट्र माझा! गर्जा महाराष्ट्र माझा!)

प्रकाटाआ.

तुमचे नाडी वरील पुस्तक ४/५ वर्षान्पुर्वी विकत घेतलेले, माझ्या सन्ग्रही पेटीत आहे! :)
हिन्दुस्थानी गुढशास्त्रान्बद्दलच्या "विज्ञानवादी" लोकान्च्या प्रतिक्रियान्च्या माझ्या अनुभवानुसार, ते लोक स्वतः काही एक करणार नाहीत, व दुसरा करत असेल तर मधे मधे "टान्ग" घालतील.
एक उदाहरण देतो, ज्योतिषात पत्रिकेवरून व्यसनाधीनता बघता येते, तसेच व्यसनमुक्ती होण्याचि शक्यता देखिल आजमावता येते, पण त्याचा आकडेवारीनिशी अभ्यास करायचा झाल्यास, व्यसनमुक्ती केन्द्रात दर महिना शेकड्याने ट्रिटमेण्ट घेणार्‍या व्यक्तिन्च्या कुन्डल्यान्चा अभ्यास करावा लागेल! जमल्यास व्यसनातून बाहेर न पडलेल्या व्यक्तिन्च्या कुन्डल्या तपासाव्या लागतील.

व्यक्तीला वेड लागेल (वेडाचे झटके अथवा पूर्ण वेड) किन्वा कसे हे देखिल पत्रिका तसेच हातावरील रेषान्वरुन सान्गता येते, पण त्यात अधिक अचूकता येण्यास, आधीपासूनच वेडे झालेल्या असन्ख्य लोकान्च्या पत्रिकान्चा तौलनिक अभ्यास करावा लागेल! त्यासाठी वेड्यान्च्या इस्पितळान्चे, मनोवैज्ञानिक/मानसिक उपचार देणार्‍या डॉक्टरान्चे सहाय्य लागेल

साधे, जगात वा भारतात दर मिनिटाला किती मानव जन्माला येतात याचे प्रमाण मिळू शकते, पण याचा अर्थ असा नाही की खरोखरच प्रत्येक मिनिटाला तेवढ्या सन्ख्येने जीव जन्माला येतात, जर दवाखान्यात्/अन्य ठिकाणी, जन्मदिनान्काबद्दलची माहिती सक्तिची करतानाच जन्मवेळही नोन्दवणे सक्तिचे केल्यास कोणत्या योगात किती, कुठे, कसे जीव जन्माला येतात याची आकडेवारी तयार मिळू शकेल, पण मूळात हे सर्व "धादान्त खोटे" असा पूर्वग्रह असलेल्यान्कडून वेगळी कशाची अपेक्षा करणार?
इथेच घोडे पेण्ड खाते!
तथाकथित विज्ञानवादी, या गूढ विद्या ही "शास्त्रे" नाहीतच या पूर्वगृहितकाने भारावून, आणि असे हे अभ्यासाचे कष्ट करण्याऐवजी, "आम्ही अमुक तमुक तेवढ्या पत्रिका देतो, सान्गा तुम्ही", अशा तर्‍हेची आव्हाने देत रहातात!

गूढशास्त्रान्ची निखळ परिपूर्ण आकडेवारीनिशी सिद्ध होणारी वाढ होणे दूरच राहिले, उलट आहे ते ज्ञान टिकवणे, पुर्वीच्या परकीय आक्रमणान्मुळे व सध्याच्या "अतिविज्ञानवादी अन्धश्रद्धेमुळे" धोक्यात आहे.

हे असेच चालणार! (उगिच नाही "कलियुग" असे म्हणले आहे)

नाडी बद्दल मला उत्सुकता हे, पण अजुन अनुभव घेतलेला नाही! (अनुभवावीण्/अनुभुतीशिवाय त्यावर काहीएक बोलणे व्यर्थ हे, तेव्हा परत कधीतरी, तुमचे चालूद्यात!)

आपला, लिम्बुटिम्बु (मायबोलीवरुन विनाभार ट्रान्स्फर) :D :P

शेणिमात पण एक वेगळ नाडीशास्त्र असते. डॉ. येतो. हिरॉइनची सगळ्यादेखत नाडी तपासतो. ३२ दात दाखवत उदगारतो, "मुबारक हो, आप मा बननेवाली है". आजपर्यंत ही जादू तो कशी काय करतो ते मला अजिबात कळले नाही.
लेखातले हे नाडिशास्त्र असेच मला न कळणारे काही तरी असावे.
शशिकांत साहेब सर्व काही आपल्या आडनावात आहे.
अवांतरः माझे नशीब थोर हो. माझ्या लग्नापर्यंत नाडीची फॅशन जाउन इलॅस्टिक आले होते.

श्री. सुभाषचन्द्र बसु.

म्हणजे एकदाचा निकाल लागेल की ते
कोणत्या सालापर्यन्त जिवन्त होते.

हे नाडी भविष्य जर फक्त जिवन्त लोकान्साठी असेल
तर मग

श्री.अफझल गुरु
म्हणजे राष्ट्रपती त्यानुसार निर्णय देतील फाशी बद्दल.

ओकसाहेब नमस्कार
सर्वप्रथम मी एक गोष्ट स्पष्ट करू इच्छितो की, माझा ज्योतिषावर विश्वास आहे. गेली अनेक वर्षे प्रतिकूल परिस्थितीमुळे कंटाळून गेलो असतानाच २००२साली एकदा पुण्यात स्टेशनवरील बुकस्टॉलवर आपले पुस्तक पाहिले आणि त्यात दिलेल्या कल्याणीनगरमधील पत्त्यावर असलेल्या नाडीकेंद्रात जाऊन भविष्य पाहिले. प्रथम जनरल कांडम आणि नंतर सप्तम कांडम यांचे वाचन केले.
त्यावेळी कथन करण्यात आलेल्या भविष्यानुसार सप्टेंबर २००३ व्यवसायात बदल होईल व विवाह होईल असे म्हटले होते. त्यावेळी माझे वय ३९ होते. ४०व्या वर्षी व्यवसाय व जागा बदल होईल त्यासाठी मित्रांची मदत होईल असेही म्हटले होते. वयाच्या ४२ नंतर पतीचे पहिले अबॉर्शन होईल व त्यानंतर एक मुलगा व एक मुलगी अशी अपत्ये असतील असे भविष्य वर्तविण्यात आले होते. आज हे सर्व टप्पे ओलांडून मी त्या पुढील वयाचा आहे. परिस्थितीत जराही सुधारणा नाही त्या उलट अधिकच प्रतिकूल बनलेली आहे.आणि आजही त्यात्यासारखा अविवाहीतच आहे. म्हणजेच माझे वर्तविण्यात आलेले भविष्य शंभर टक्के चुकलेले आहे. अर्थात त्याबद्दल मी नाडी ज्योतिषाला दोष देत नाही, पण असे का घडले असावे? आपण यावर काही प्रकाश टाकू शकता का? या निमित्ताने नेमके काय चुकते आहे ते तरी कळेल. कळावे, प्रतिसाद यावा. हवेतर आपण गुगल टॉकवर बोलू.

माझे तर आधीचे उत्तरच उडविले प.पु. तात्यांनी... नो प्रोब्लेम

ओक...भारत आज चंन्द्रावर पोहोचला आहे आणी तुम्ही अजुनसुद्धा हे दकियानुस नाडीपुराण घेवुन बसला आहात. तुम्ही जर हे नाडी लफडे बंद नही केले तर, तुमच्या वर गरीब जनतेला मानसिक त्रास देण्याची कलम लावुन बंद केले पाहीजे...... ~X( ~X(

ओक साहेब
नमस्कार
आपण पाठविलेले ई पत्र मिळाले मात्र गेले दोन तीन दिवस आमचेकडे मिसळपाव संकेतस्थळ उघडतच नव्हते त्यामुळे मला आज आत्ता आपण लिहिलेला मजकूर दिसला आहे आपण त्यात नमूद केलेले पुस्तक मी वाचलेले नाही हे प्रामाणिकपणे कबूल करतो. हे पुस्तक पुण्यात कोठे मिळेल? वादविवाद करत बसण्यापेक्षा भविष्य का चुकले या मुद्द्यावर चर्चा करण्यात मला रस आहे. त्यातून या शास्त्रावर काही अधिक प्रकाश पडून मला अधिक माहिती झाली तर ते बरे होईल. माझा या बाबतील दृष्टीकोन असा आहे, तेव्हा बोलूयात. आपण उत्तर देण्यात दाखविलेल्या तत्परतेबद्दल धन्यवाद!

माननीय श्री. ओकसाहेब,

आम्ही उपस्थित केलेले मुद्दे अजूनही अनुत्तरीतच आहेत. कृपया सवड मिळेल तेव्हा त्यावर प्रकाश टाकावा ही विनंती.

मुख्य मुद्दा असा होता की या नाडीपट्टया तामिळ भाषेत असल्याचे सांगतात. तर त्या काळच्या सर्व ऋषीमुनींना तामिळ येत होते काय?

जर का येत होते तर आपले धर्मग्रंथ संस्कृतमध्ये निर्माण झाले नसते. ते तामिळ मध्येच लिहिले गेले असते.

या नाडीपट्टया नाडीवाले जातकाला वाचायला देतात काय? समजा आम्ही एखादा तामिळ भाषेचा जाणकार घेऊन गेलो तर त्यावर काय लिहिले आहे ते त्याला वाचायला मिळेल काय?

आम्ही जी दोन उदाहरणे दिली आहेत त्यांबद्दलही आपण काही भाष्य केलेत तर आमच्या ज्ञानात भर पडेल असे वाटते.

आपला,
(अडाणी) धोंडोपंत

आम्हाला इथे भेट द्या: http://dhondopant.blogspot.com

(जय जय महाराष्ट्र माझा! गर्जा महाराष्ट्र माझा!)