उदासल्या अंबरी तो
कधीचा दाटलेला
आसवांत होई रिता
परी उरी साचलेला........
लाख अडवू पाही तो
या आठवांच्या लाटां
ज्या डिवचूनी जाती
त्या उध्वस्त तटाला........
उन्हे पेटवूनी गेली
त्याची गाफिल स्वप्ने
आता उरले ना काही
ह्या रात्रीस जाळण्याला.....
उतरती सांज बोले
सावर रे वेडया
ना तिचा दोष काही
होता तुच फसलेला.........
ती येईल माघारी
तुझ्यासाठी एकदातरी
का आस ही वैरी
झुलवी त्या जिवाला.....
बहरला गुलमोहर
जेव्हा तिच्या अंगणात
निरोपाच्या फुलांनी होता
मग तोही सजलेला.........
प्रतिक्रिया
22 Jan 2016 - 10:44 pm | कविता१९७८
मस्त
22 Jan 2016 - 10:51 pm | सूड
.
22 Jan 2016 - 10:52 pm | पैसा
कविता आवडली.
22 Jan 2016 - 11:09 pm | मित्रहो
कविता छान
23 Jan 2016 - 3:34 am | चांदणे संदीप
आवडली कविता!
Sandy
23 Jan 2016 - 3:53 am | पद्मावति
:(
23 Jan 2016 - 4:00 am | रसिकामहाबळ
मस्त रे अमोल
23 Jan 2016 - 11:45 am | पालीचा खंडोबा १
प्रचंड उंची गाठणारी कविता शेवटचे कडवे खास समारोपाचे . अश्या कविता वाचून काही तरी सकस वाचल्याचे खासमखास वाचल्याचे समाधान मिळते. ते समाधान प्राप्त करून दिल्याबद्दल आभार.
असेच लिहित रहा आम्ही वाचत राहू
बहरला गुलमोहर
जेव्हा तिच्या अंगणात
निरोपाच्या फुलांनी होता
मग तोही सजलेला.........
23 Jan 2016 - 9:47 pm | एक एकटा एकटाच
आपल्या प्रतिसादाने उत्साह वाढला.
नक्कीच प्रयत्न करीन...
23 Jan 2016 - 12:21 pm | यशोधरा
सुरेख.
23 Jan 2016 - 9:43 pm | एक एकटा एकटाच
हुश्श.....
मला वाटलं की ही कविता देखिल "फ़ेंटसी" सारखी वांझोटी बोर्डावरुन खाली उतरते की काय...
पण वाचलो.......
:-)
23 Jan 2016 - 10:01 pm | किसन शिंदे
अतिशय सुरेख भो कविता.
4 Feb 2016 - 1:53 am | शब्दबम्बाळ
अत्यंत प्रभावी!
कशी काय राहून गेली होती वाचायची काय माहित...
खूपच परिणामकारक शेवट केलाय!
लिहित राहा!!
4 Feb 2016 - 11:08 am | विजय पुरोहित
मस्तच अमोल...
4 Feb 2016 - 11:13 am | स्पा
एक नंबर साहेब
9 Feb 2016 - 4:05 pm | एकप्रवासी
खरच फारच छान आहे.
22 Mar 2016 - 9:42 pm | एक एकटा एकटाच
धन्यवाद
सगळ्यांचे आभार