लोहगडच्या पायथ्या पर्यंत चार-चाकी जाईल का?

जाते. तीन वर्षांपूर्वी तुम्ही म्हणत आहात त्याच रस्त्याने आम्ही चार मिपाकर आय टेन घेऊन गेलो होतो.
आम्ही गेलो तेव्हा गडाच्या पाय्थ्यापर्यंत डांबरी रस्ता असल्यासे पुसटसे आठवते.

लोहगडवाडीपर्यंत म्हणजे लोहगड आणि विसापूर यांच्यातील खिंडीत वसलेल्या गावापर्यंत गाडीरस्ता आहे.

रस्ता साधाच असावा . पण गेलाच अन Non veg
खात असाल तर गावात ढाकोळ चे घरगुती हॉटेल आहे चिकन अन तांदुळाची भाकरी आवश्य खा. २ वर्षापूर्वी खाल्लीय अजून आठवणीत आहे अशी चव .

पवना धरणाकडून लोणावळ्याला जाताना जी खिंड लागते, ती दुधीवरे खिंड आहे.

मागच्या वर्षीचा एक किस्सा सांगतो.
दुचाकी खिंडीच्याच एका कोपर्‍यात पार्क करून मी आणि माझा मित्र खिंडीचे फोटो काढत होतोत.
तेव्हढ्यात पवनेकडच्या रस्त्याने एक इंडिका गाडी भरधाव वेगात हॉर्न वाजवत आम्हाला कट मारून गेली.
आणि अगदी पाचच मिनिटात झाडांच्या फांद्या तुटल्याचा आवाज आला आणि लगेच माणसांचा आरडा ओरडा सुरू झाला.
आम्ही गाडी घेऊन लगेच कोपर्‍यावरच्या चहाच्या टपरीवर पोहोचलो. (इथूनच उजव्या हाताला लोहगडकडे जाणारा रस्ता सुरू होतो.)
२०-३० लोक जमा झाले होते.
त्यातल्याच एकाला आम्ही काय झाले हे विचारले असता त्याने दरीकडे बोट दाखवले.
आम्हाला कट मारून गेलेली गाडी त्या तीव्र चढावर चढता न आल्यामुळे मागे घसरत येऊन खाली ३०-४० फूट दरीत कोसळली होती.
सुदैवाने गावातलीच काही मंडळी त्या टपरीजवळ थांबलेली होती.
त्यांच्यापैकी ४-५ जणांनी खाली जाऊन गाडीतल्या माणसांना बाहेर काढले.
माझ्या मते एकूण ५ जण होते गाडीमध्ये. कुणालाही गंभीर दुखापत झालेली नव्हती.

तो सुरूवातीचा चढ आहेच थोडा अवघड.
आणि त्यावेळी तर तिथे गिट्टी टाकून ठेवलेली होती.
हा अपघात होण्याच्या थोड्याच वेळापूर्वी अजून एक फोर व्हिलरवाला वर चढण्याचा प्रयत्न करत होता, पण त्यालाही ते न जमल्यामुळे त्याने घाटातल्याच थोड्या मोकळ्या असलेल्या जागेत गाडी पार्क केली आणि पायीच वर जायचे ठरवले.

पण काल याच रस्त्याने मी लोणावळ्याला जाऊन आलो तेव्हा त्या जागी गार्ड स्टोन लावलेले दिसले.

भाजे लेणी ( मळवली )कडूनही बरेच पुढे जाऊन गाडी पार्क का नाही करत ?लोहगडवाडीतली मुले रोज मळवलीला खाली शा ळेत जाऊन येतात.

व्यवस्थित जाते.

संपूर्ण डांबरीकरण झालेले आहे ... प्लॉटिंग ही झालेय.

नुसता लोहगड नाही तर संपूर्ण पवना काठ विकला गेला आहे. दोन वर्षापूर्वी अनेक मुंबई-पुणेकरांचे बंगले बघितलेत... असो !!

विकासाच्या नावाखाली पर्यावरणाची जी हानी चाललेली आहे ती बघवत नाही. आमची मूले मोठी
होतील तेव्हा त्याना अनुभावायला थोड़ातरी निसर्ग शिल्लक राहावा हीच इच्छा.

मळवली फाट्यावरुन भाजे लेणीच्या पायथ्याला जा तेथुन लोहगड ला गेल्या वर्षि नवीन डांबरि रस्ता झाला आहे तो थेट लोहगड च्या पायथ्याशि जातो, हाच रस्ता पुढे त्या खिंडित जाउन मिळतो. मळवली वरुन लोहगड पायथा ८ - ९ कि.मी अंतर पडेल.