बागकाम - एक छंद

छान उपक्रम आणि चांगली टिप. कोथिंबीर पण अशीच लावता येईल ना? तो फुलपाखराचा फोटो मस्त आलाय.

तुमची बाग खूप आवडली. पहिला अन फुलपाखराचा फोटो तर खासंच आहे.

वा! आमच्या बोन्सायप्रयोगांचे फोटो जमेल तितक्या लवकर टाकतो.

मस्त धागा.बागकाम माझा अतिशय आवडता छंद!लवकरच फोटो टाकते.

खुप छान आहे बाग!!!

मस्त धागा.
तुम्ही किंवा स्वॅप्स किंवा कुणीही....जमल्यास बोन्साय बाबत अधिक लिहा!

पहिला फोटू आणि ते फुलपाखरू मस्स्स्स्स्स्स्त आहे. ते फुलपाखरू म्हणजे, बालवाडीतून पहिलीत गेलेलं मूल्,वाढदिवसाला नवे कपडे घालुन शाळेला जाताना सारखं गोंदुश गोंदुश दिसतय. :)

खुपच उपयुक्त धागा!! अजुन तरी मुलगा पान तोडत बसतो म्हणुन फार झाडं लावली नाहीयेत. पण तरीही इथे वाचनमात्र राहीन..

अप्रतिम...... फुलपाखरू मस्त......

Garden Planing/ Garden Designing काही कोर्सबाबत कोणास माहिती असल्यास जरूर कळवा......

खूप धन्यवाद.... माहिती बद्दल बरेच दिवस शोध घेत होतो... पण माहिती मिळत नव्हती .... मी दोन वर्षाचा कृषी पदवीका कोर्स केला आहे.... पुढे काहीतरी करायच होत.... सध्या मुंबई महापालिकेत आहे..... पुन्हा एकदा धन्यवाद...

तुमच्या गॅलरीत तर माथेरानच अवतरलय की +)

छान कल्पना!! इथे जमेल तसे फोटो टाकते .

बागकामाची लय हौस आहे.. पण जल्ला आमच्या बालकनीत सुर्यप्रकाशच येत नाय..
त्यामुळे फुलांचे ताटवे टिकत नाही... :(
सावलीत येणारी काही चांगली फुलझाडे सांगता येतील का ?

एका चांगल्या प्रकल्पाची सुरुवात केली आहे. अभिनंदन आणि शुभेच्छा :)

हे माझ्या बागेतले काही क्षण.
चित्रबद्ध करण्याचे श्रेय माझे नाही. फोटो इथे नीट टाकायलाही येत नव्हते. शिकण्याचा आत्ताच प्रयत्न केला. पाहू कसा आहे प्रयत्न ते. :)
टोमॅटो.

जास्वंद

रातराणी

अडुळशाच्या फुलांतला मध खायला आलेला (सनबर्ड) सूर्यपक्षी.

घरटे बांधण्यासाठी कापूस घेऊन चाललेला (टेलरबर्ड) शिंपीपक्षी.

(टेलरबर्ड) र्शिंपीपक्षी कुटुंब.

थोड्या वेळासाठी बागेत येऊन खाऊ खाउन जाणारी ही एक पाहुणी खारुताई.

आहेत सगळे

आता माझे फोटो टाकणे आले.
काढते आणी टाकते फोटो माझ्या शेताचे.

मस्त फोटो... :)

मदनबाण.....
आजची स्वाक्षरी:- लुटा तुम्ही ऐवज इष्काचा... ;) { Bugadi Maazi Sandali Ga }

खूप दिवसांपासून माझ्या बागेचे फोटो टाकायचे होते.आज मुहुर्त मिळाला!.मोबाईलवर काढलेले फोटो आहेत सर्व.

जरुर जरुर या.

ते शेवग्यासारखे एक प्रकारचे कॅक्टस आहे.बिनकाट्याचे.दुर्मिळ जात आहे.माझ्या बागेतलं एक आवडतं झाड आहे ते.मेंटेनन्स शुन्य.एकापासुन आपोआप बाकीची येत रहातात.गुलाबाचे फोटो मात्र नाही देता आले.हिवाळ्यात एकेका झाडाला मोठ्ठे पाच सहा गुलाब आले होते.त्यांना दृष्ट नको लागायला म्हणून फोटो नाही काढले!!!

खुप सुंदर आहे.मलाही बागकामाची खूप आवड आहे.परंतु जागा नाही त्यामुळे ग्यालरी मध्येच कुंड्यांमध्ये झाडे लाऊन बागकामाची हौस पूर्ण करून घेत असते

घरी मेहनीतीने फुलविलेली बाग असली की बाहेरगावी जाताना रोपट्यांना पाणी कोण देणार हा प्रश्न येतो. ऑफिसमधे एका मित्रानी प्रयोग करून पाहीलेत आणि निकाल उत्साहवर्धक होते.
एक मोठी बादली किंवा पसरट भांडे घ्या, पाण्यानी पूर्ण भरा. आता ज्या कुंड्यात पाण्याची सोय करायची आहे त्या कुंड्यांच्या मातीत एक जाड दोरी खोचा या दोरीचे दुसरे टोक पाण्याच्या बादलीत घाला. शक्यतोवर ही बादली उंच जागी असावी. केशाकर्शण सिद्धांतानूसार कुंड्या पाणी शोशून घेतील. हा उपाय २ ते ३ दिवसांसाठी नक्कीच फायदेशीर आहे. बादल्यांची संख्या कुंड्यांच्या संखेप्रमाणात कमी जास्त करा. शक्यतो पांढरा सुती नाडा या प्रयोगासाठी वापरावा.
टु बी ऑन सेफर साईड घरी असतानच हा प्रयोग करून बघा म्हणजे अंदाज येइल.