अवेळी असे मेघ दाटून येता
जुन्या वेदनांनी पुन्हा पाझरावे.
जरी कष्ट झाले विसरण्यास ज्याना
जुन्या त्या क्षणांना पुन्हा आठवावे.....
कितीदा पडावे, कितीदा वहावे
धडे अनुभवांचे किती साठवावे.
किती आर्जवे अन किती ती प्रतीक्षा
किती चातकाने मना समजवावे ....
पुरे ओढ वेडी घनांची अनावर
दुरूनी अता पावसा न्याहळावे..
जपावा मनातील पाऊस थोडा
परी भावनांच्या पुरा थोपवावे....
अवेळी असे मेघ दाटून येता
मनाच्या नभाला जरा आवरावे....
प्रतिक्रिया
28 Feb 2015 - 6:52 pm | भिंगरी
मनाच्या नभाला कसे आवरावे?
28 Feb 2015 - 7:30 pm | संदीप डांगे
तुमच्या या प्रश्नाने 'संक्षि'प्त आठवणी दाटून आल्या... :-)
(कविता ज्याम आवडली... आताही बाहेर नभ दाटून आले आहेत आणि पाऊस सुरू आहे. कविता एकदम समयोचित झाली.)
28 Feb 2015 - 7:41 pm | अत्रुप्त आत्मा
>>> शत प्रतिशत सहमत! :Happy:
28 Feb 2015 - 7:30 pm | एस
मस्त गेय आणि सुमधुर कविता.
1 Mar 2015 - 12:39 pm | पलाश
+१.
28 Feb 2015 - 9:01 pm | अजया
सुरेख कविता.बाहेर अवेळी पाऊस पडतोय आणि समोर तुमची कविता!जीयो!!
28 Feb 2015 - 9:19 pm | चाणक्य
छान लयबद्ध झालीये. आजच लिहीलीत का? आजही अवेळी पाऊस आलाय म्हणून विचारलं.
28 Feb 2015 - 10:24 pm | चुकलामाकला
हो आजच लिहिलिय. :)
1 Mar 2015 - 12:17 am | इन्दुसुता
अतिशय आवडली.
1 Mar 2015 - 2:10 am | शब्दबम्बाळ
कितीही आवर घातला तरी पाऊस लिहायला भाग पाडतोच! :)
1 Mar 2015 - 12:48 pm | प्रा.डॉ.दिलीप बिरुटे
कितीही आवर घातला तरी पाऊस लिहायला भाग पाडतोच !
सहमत. आवडली कविता.
-दिलीप बिरुटे
1 Mar 2015 - 1:07 pm | चलत मुसाफिर
फारच छान.
1 Mar 2015 - 5:37 pm | पद्मश्री चित्रे
सुरेख
1 Mar 2015 - 6:30 pm | मिसळलेला काव्यप्रेमी
मस्त रचना.. आवडली.
2 Mar 2015 - 9:23 am | नाखु
मागील काही भू छत्रांच्या गर्दीत ही "शब्दवेल" लई भारी !!!!
1 Mar 2015 - 8:00 pm | अनुप ढेरे
मस्तं आहे कविता!
1 Mar 2015 - 8:38 pm | तिमा
पुरे ओढ वेडी घनांची अनावर
दुरूनी अता पावसा न्याहळावे..
जपावा मनातील पाऊस थोडा
परी भावनांच्या पुरा थोपवावे....
ह्या ओळी विशेष आवडल्या.
4 Mar 2015 - 4:26 pm | राशी
सुंदर रचना!!
4 Mar 2015 - 7:43 pm | एक एकटा एकटाच
भावना अतिशय सुंदर उतरल्या आहेत.
4 Mar 2015 - 9:58 pm | चुकलामाकला
धन्यवाद मित्र हो!
4 Mar 2015 - 10:18 pm | मनीषा
ह्या ओळी विशेष...