साहित्य :- १ मोठा बीट, ३ तिखट हिरव्या मिरच्या बारीक तुकडे करून, कढीपत्ता १५ पान, कोथिंबीर १/२ वाटी स्वच्छ धुवून व चिरून , लसून ठेचून, जिरे, मोहरी, तेल, मीठ.
कृती :- प्रथम बीटाची शेपूट व डोक कापून बीटाची वरची पातळ साल काढून घ्यायची. नंतर बीट स्वच्छ धुवून कोरडा करून किसणीवर किसून घ्या. कढईत तेलावर मोहरी व जीरा खमंग फोडणी करा नंतर त्यात टेच्लेला लसून, मिरची व कढीपत्ता खमंग परतवा. नंतर त्यात किसलेला बीट घालून परता. चवीपुरता मीठ घालून मंद आचेवर भाजी शिजवा. १५ मिनटात भाजी व्यवस्थित शिजते. शेवटी कोथांबीर घालून १ मिनिट परतावा. चविष्ट बीट भाजी तयार.
टीप :- फोडणी खमंग व जरा जास्तच परतावी. आवडत असेल तर कढीपत्ता व कोथांबीर पण जास्त घालावा. त्याने भाजीला चव तर येतेच पण बीट व कोथांबीर या दोघांच्या रंगाच मेळ पण खूप चं छान जमतो.
प्रतिक्रिया
4 Mar 2013 - 10:43 pm | Mrunalini
पाकृ आवडली... पण ती बीटाची एक तुराट आणि गोड चव असते... ती चव बदलते का?
5 Mar 2013 - 7:39 am | कच्ची कैरी
नक्किच करुन बघेल
http://mejwani.in/
5 Mar 2013 - 9:40 am | पैसा
साधी सोपी पाकृ. पुढच्या वेली फोटो पिकासावरून किंवा फ्लिकरवरून अपलोड करायचा प्रयत्न करा.
5 Mar 2013 - 3:22 pm | त्रिवेणी
पाकृ आवडली.
मी बीट कुकरमध्ये 1 शिट्टी घेवून किसते व वरून फोडणी घालते. आता अश्याप्रकारे करून पाहीन.
5 Mar 2013 - 3:31 pm | अनन्न्या
फोटो असता तर रंगाचा मेळ प्रत्यक्ष दिस्ला असता!!
5 Mar 2013 - 5:28 pm | श्रिया
बीट आवडत नाही, पण पाकृ चांगली वाटत आहे.
5 Mar 2013 - 7:18 pm | प्रतिज्ञा
मृणालिनी ..... बीटाची तूरट चव पूर्ण जाते पण गोडसर पणा थोडासा राहतो.
त्यासाठीच मिरची जास्त तिखट वाली घ्यावी.
5 Mar 2013 - 7:20 pm | प्रतिज्ञा
श्रिया ... बीट सहसा कोणालाही जास्त आवडत नाही ग... पण हि भाजी तुला नक्कीच
5 Mar 2013 - 7:22 pm | प्रतिज्ञा
अनन्या , पैसा ..... अग मी इथे एकटीच राहते.... त्यामुळे फोटो काढण जमत नाय ग... पण पुढे नक्की प्रयत्न करेल....
5 Mar 2013 - 7:40 pm | प्रतिज्ञा
त्रिवेणी ..... मला बीटाच जास्त काही येत नाही . हलवा, बर्फी डोसा न हि भाजी सोडून...:(... पण मी बर्याच वेळा बीट सरळ धुवून किसून मिक्सर मध्ये घालून वाटून घेते व चपाती बनवताना त्यात हे वाटण, मीठ व लागेल तेवढ पाणी घालून कणिक मळते व चपाती बनवते.... छान होते ग चपाती... रंग छान येतो बीट पण खाल्ल्या जात. त्यात ताटात कधी नव्हे ते रंगीत चपाती पण दिसते... तेवढाच समाधान ....
5 Mar 2013 - 7:53 pm | निवेदिता-ताई
छान छान