बीट भाजी

प्रतिज्ञा's picture
प्रतिज्ञा in पाककृती
4 Mar 2013 - 8:57 pm

साहित्य :- १ मोठा बीट, ३ तिखट हिरव्या मिरच्या बारीक तुकडे करून, कढीपत्ता १५ पान, कोथिंबीर १/२ वाटी स्वच्छ धुवून व चिरून , लसून ठेचून, जिरे, मोहरी, तेल, मीठ.

कृती :- प्रथम बीटाची शेपूट व डोक कापून बीटाची वरची पातळ साल काढून घ्यायची. नंतर बीट स्वच्छ धुवून कोरडा करून किसणीवर किसून घ्या. कढईत तेलावर मोहरी व जीरा खमंग फोडणी करा नंतर त्यात टेच्लेला लसून, मिरची व कढीपत्ता खमंग परतवा. नंतर त्यात किसलेला बीट घालून परता. चवीपुरता मीठ घालून मंद आचेवर भाजी शिजवा. १५ मिनटात भाजी व्यवस्थित शिजते. शेवटी कोथांबीर घालून १ मिनिट परतावा. चविष्ट बीट भाजी तयार.

टीप :- फोडणी खमंग व जरा जास्तच परतावी. आवडत असेल तर कढीपत्ता व कोथांबीर पण जास्त घालावा. त्याने भाजीला चव तर येतेच पण बीट व कोथांबीर या दोघांच्या रंगाच मेळ पण खूप चं छान जमतो.

प्रतिक्रिया

पाकृ आवडली... पण ती बीटाची एक तुराट आणि गोड चव असते... ती चव बदलते का?

कच्ची कैरी's picture

5 Mar 2013 - 7:39 am | कच्ची कैरी

नक्किच करुन बघेल
http://mejwani.in/

पैसा's picture

5 Mar 2013 - 9:40 am | पैसा

साधी सोपी पाकृ. पुढच्या वेली फोटो पिकासावरून किंवा फ्लिकरवरून अपलोड करायचा प्रयत्न करा.

त्रिवेणी's picture

5 Mar 2013 - 3:22 pm | त्रिवेणी

पाकृ आवडली.
मी बीट कुकरमध्ये 1 शिट्टी घेवून किसते व वरून फोडणी घालते. आता अश्याप्रकारे करून पाहीन.

अनन्न्या's picture

5 Mar 2013 - 3:31 pm | अनन्न्या

फोटो असता तर रंगाचा मेळ प्रत्यक्ष दिस्ला असता!!

बीट आवडत नाही, पण पाकृ चांगली वाटत आहे.

प्रतिज्ञा's picture

5 Mar 2013 - 7:18 pm | प्रतिज्ञा

मृणालिनी ..... बीटाची तूरट चव पूर्ण जाते पण गोडसर पणा थोडासा राहतो.
त्यासाठीच मिरची जास्त तिखट वाली घ्यावी.

प्रतिज्ञा's picture

5 Mar 2013 - 7:20 pm | प्रतिज्ञा

श्रिया ... बीट सहसा कोणालाही जास्त आवडत नाही ग... पण हि भाजी तुला नक्कीच

प्रतिज्ञा's picture

5 Mar 2013 - 7:22 pm | प्रतिज्ञा

अनन्या , पैसा ..... अग मी इथे एकटीच राहते.... त्यामुळे फोटो काढण जमत नाय ग... पण पुढे नक्की प्रयत्न करेल....

प्रतिज्ञा's picture

5 Mar 2013 - 7:40 pm | प्रतिज्ञा

त्रिवेणी ..... मला बीटाच जास्त काही येत नाही . हलवा, बर्फी डोसा न हि भाजी सोडून...:(... पण मी बर्याच वेळा बीट सरळ धुवून किसून मिक्सर मध्ये घालून वाटून घेते व चपाती बनवताना त्यात हे वाटण, मीठ व लागेल तेवढ पाणी घालून कणिक मळते व चपाती बनवते.... छान होते ग चपाती... रंग छान येतो बीट पण खाल्ल्या जात. त्यात ताटात कधी नव्हे ते रंगीत चपाती पण दिसते... तेवढाच समाधान ....

निवेदिता-ताई's picture

5 Mar 2013 - 7:53 pm | निवेदिता-ताई

छान छान