अरुंधती रॉय वर देशद्रोहाचा गुन्हा दाखल व्हावा काय?

संसदेला टॉयलेट म्हटलं तरी देशद्रोह ठरत नाही हे नुकतंच कोर्टाने सांगितलंय. ;)
हा हल्ला ज्या वेळी झाला होता त्या वेळच्या काहींच्या मासलेवाईक प्रतिक्रिया अजून लक्षात आहेत. त्याच लोकांकडून हल्ल्याची निर्भत्सना होताना बघून डोकं काम करेनासं झालंय.

त्यांनीसुद्धा असेच तारे तोडले आहेत.

यु.पि.ए.चा घटक आणि काश्मीरमधे काँग्रेससह सत्तेत असलेल्या मंत्रीमंडळाचे हे प्रमुख आहेत.

अरूंधती रॉय यांचे विचार मला अजिबात पटत नाहीत. त्या समाजभेदी आहेत आणि त्यांचे लेखन वाचणार्‍या पब्लीकची त्या दिशाभूल करत आहेत असे माझे स्पष्ट मत आहे. तरी देखील ज्या लोकशाहीला डाग पडला आहे असे त्या म्हणत आहेत त्या लोकशाहीच्या तत्वानुसारच त्यांना लेखन-भाषण स्वातंत्र्य आहे. आणि ते त्यांना मिळाले पाहीजे...

"I disapprove of what you say, but I will defend to the death your right to say it." - Evelyn Beatrice Hall

आधीच भारतीय न्यायव्यवस्था प्रलंबित खटल्यांच्य ओझ्याने पिचून गेली आहे. अन अशा लोकांना खटला दाखल झाल्याने अधिक प्रसिद्धी मिळून त्यांचा हेतू सफल होईल.

अरुंधती रॉय सारखी बांडगुळे फक्त प्रसिद्धी साठी जगत असतात. प्रत्येक गोष्टीवर काय बोलले की प्रसिद्धी मिळेल हे त्यांना पक्के माहिती असते. त्यांच्या कडे दुर्लक्ष केले तर आपोआप च ही लोक संपतील.

न्यायालयात दावा ठोकला तर ह्यांना भाषणबाजी करायला मोठा फोरम च मिळेल.

मुळात लेखात अरूंधती रॉय ला काय म्हणायचे आहे तेच कळले नाही :(

एकीकडे ती पोलीस तपासाला नावे ठेवते तर दुसरीकडे बीजेपी च्या नेत्यांची सेन्टेन्स काय आहेत ते लिहीते आहे. पोलीस तपासाच्या आधारावर कोर्ट शिक्षा ठोठवते , मग आरोपी कुणीही, कुठल्याही प्रांताचा, धर्माचा असला तरी न्यायदेवतेला त्याने फरक पडत नाही, आणि जर तो पडणार असेल तर तो योग्य त्या मार्गाने कोर्टापुढे ठेवावा लागतो , जनहित याचिका ई.ई. ...

तिथे उसगावात बसलेलं ईन्टेलेक्च्युल किती सडलेल आहे, हेच यावरून दिसते ..असो ..

जय जवान जय किसान जय शेझवान ;)

अरुंधती रॉय विचारवंत आहे.

;)

हाच लेख "हिंदू" दैनिकात १० फेब्रुवारी २०१३ ला छापला आहे.

http://www.thehindu.com/opinion/lead/a-perfect-day-for-democracy/article...

एकच लेख दोन वेगवेगळ्या दैनिकात छापता येतो का? आपल्या प्रकाशनात छापल्या गेलेल्या लेखावर दैनिकाचा प्रताधिकार नसतो का?

अरुंधती रॉय सारखे निधर्मांध प्रसिद्धीसाठी हपापलेले असतात. त्यामुळे प्रस्थापित गोष्टींना विरोध करूनच ते प्रसिद्धि मिळवितात. पूर्वी देखील रामायणातील कैकेयी, रावण, पेशवाईतील आनंदीबाई इ. ना निर्दोष सिद्ध करण्याची एक लाट आली होती. आता देखील कसाब, अफझल गुरूच्या बाजूने लिहिले की अमाप प्रसिध्दी मिळते हे त्यांना माहीती आहे. सुरवातीला अनेक वर्षे, संसदेवरील हल्ला हे वाजपेयी व अडवाणींनी रचलेले कारस्थान आहे असे ही रॉय बाई म्हणत होती. दंगल घडवून आणण्यासाठीच संघाच्याच लोकांनी गोध्रा येथे रेल्वेचा डबा पेटवून दिला, अमेरिकेत जागतिक व्यापार
केंद्रावर आदळलेली विमाने हे धाकट्या बुशचे कारस्थान होते असे जावई शोध हेच निधर्मांध लावत असतात.

अरुंधती रॉय विचारवंत आहे.

मग इम्रान हाशमी ब्रह्मचारी साधू आहे, आशिष नेहरा जलदगती गोलंदाज आहे, आणि युपीए सरकार अत्यंत सज्जन नेत्यांनी भरलेलं आहे... :D

दोन वेळा परीक्षण करून सर्वोच्च न्यायालयाने फाशीची शिक्षा कायम केली.कायद्यानुसार ह्याच्या नंतर फक्त राष्ट्रपति यांना आपल्याला जास्त अक्कल आहे असे दाखवण्याचा अधिकार आहे. इतरांनी असे उद्योग केले तर तो फक्त मतस्वातंत्र्य या अधिकाराचा दुरुपयोग आहे.
यावर दुर्लक्षस्वातंत्र्य या मुलभूत अधिकाराचा सर्व माध्यमे आणि नागरिक यांनी उपयोग केला पाहिजे..
अन्नुलेखाने मारणे हा एक प्रभावी उपाय आहे.

आता फेसबुकवर एकाने हा फोटो शेअर केलेला पाहिला.यासिन मलिकबरोबर अरुंधतीबाई.

बाई फार बदमाश आहे. भारताचे दुर्दैव आहे. काय म्हणनार अजुन>

फक्त २ वर्षे वाट पहा म्हणावं अरुंधतीबाईना.
रेल्वे सुरु झाल्यावर श्रीनगरचे पटना होते कि नाही ते पहा.

प्रस्थापित विचार तपासून बघण्यासाठी अरुंधती रॉय, बशारत पीर, अंगना चटर्जी हे विचारवंत कसोटीच्या दगडासारखे महत्वपूर्ण आहेत. आणि लोकशाहीत त्यांची खरोखर गरज आहे. सध्याच्या बर्यापैकी सवंग पत्रकारितेच्या जमान्यात आणि सुमारसद्दी कळसाला पोचलेली असतांना रॉयबाई नेहमीच वेगळ्या दृष्टीकोनातून परिस्थितीचे विश्लेषण करत असतात. कोणास पटो न पटो, प्रसिद्धी मिळो की कुप्रसिद्धी त्यांना जे वाटते ते त्या निर्भीडपणे मांडतात.एका विचारवंताची हीच तर ओळख असते. अफजल गुरू खटल्याबद्दलचे त्यांचे आक्षेप जर योग्यरित्या खोडून काढता आले तर त्यातून आपलीच कायदा आणि न्यायव्यवस्था उजळ होईल. हा एक रोचक लेख.

प्रस्थापित विचार तपासून बघण्यासाठी अरुंधती रॉय, बशारत पीर, अंगना चटर्जी हे विचारवंत कसोटीच्या दगडासारखे महत्वपूर्ण आहेत.

या प्रकारणात (अफझल गुरू - फाशी) वैचारिक गोंधळ उडवण्यात संबंधीत दहशतवादी चांगलेच यशस्वी झाले आहेत.
कुणाही दहशतवाद्याल अटक झाली की तो कसा सरळमार्गी माणूस आहे यासंबंधी बातम्या पेरल्या जातात. मराठवाड्यातल्या अबु जुंदालबद्दलही असेच पसरवले गेले.

संसद हल्ला खटल्यात एस ए आर गिलानी याची सुटका झाली. पोलिसांना खोटे पुरावे तयार करून अडकवणे खरंच शक्य असते तर त्याचीही सुटका झाली नसती. सत्र न्यायालयात एक वेळ कमी अधिक झाले असेलही. पण उच्च व सर्वोच्च न्यायालय फाशीच्या शिक्षेच्या अपीलावर काळजीपूर्वकच निकाल देत असते.

तिथेही कुणावर इतक उघड उघड अन्याय होईल इतकी वाईट परिस्थिती भारतीय न्यायव्यवस्थेची कदापी नाही. आपल्या न्यायव्यवस्थेचे मूलतत्वच १०० गुन्हेगार सुटले तरी चालतील पण एकाही निरपराधाला चुकून शिक्षा होऊ नये.

अफझल गुरूबद्दल माहिती वाचून त्याच्या बुद्धिमत्तेविषयी काही शंकाच नाही. त्याने बनवलेली कथा सत्यच वाटते.

बाकी केंद्रीय गॄहमंत्रालयाने थोडी कल्पकता दाखवून (उदा. तो आजारी आहे असे सांगून कुटूंबियांना दिल्लीला आणून अखेरची भेट घालून व त्यांना फाशी होईपर्यंत प्रतिबंधात्मक अटकेत ठेवून (संपर्कसाधनांपासून लांब) फाशी झाल्यावर शेवटचे दर्शन घेण्याचे संधी देऊन सोडायला हवे होते). मानवाधिकारवाल्यांना संधी द्यायला नको होती.

अर्थात गृहमंत्रालयाने कुठलाही धोका न पत्करण्याचा तुलनेत सोपा पर्याय निवडला...

माझ्या माहितीप्रमाणे आणि आठवणीप्रमाणे
१. अफझल गुरु हा प्रत्यक्ष हल्ल्यात सहभागी नव्हता. त्याच्यावरील आरोप हे "कट" या सदरातील आहेत.
२. अफझल गुरु हा शरण आलेला दहशतवादी होता, आणि त्याच्यावर सुरक्षा दलांची/ पोलीसांची नजर असणे अपेक्षित होते. (त्यामुळे त्याने हा कट रचला असेल, तर त्याच्यावर नजर ठेवणारे लोक काय करत होते असा प्रश्न अवाजवी नाही.)
३. या आरोपींचे वकीलपत्र राम जेठमलाणी आणि शांती भूषण (टीम अण्णा फेम) या दोन नामांकित वकीलांनी (आणि माजी कायदामंत्र्यांनी) घेतले होते (विनामूल्य). अर्थात बचावाची रीतसर व्यवस्था होती.

ही माझी माहिती आहे. चुकीची असल्यास जाणकारांनी प्रकाश टाकावा.

नारायण आपटे हा गांधींचा खून झाला त्यावेळी घटनास्थळी हजर नसताना सुद्धा न्यायमूर्ती आत्मचरण यांनी त्याला कटाचा मुख्य सूत्रधार म्हणून फाशीची शिक्षा दिली आणि ही शिक्षा कोणताही उहापोह अथवा दिरंगाई केल्याशिवाय अमलात आणली गेली. माझ्या आठवणीप्रमाणे त्यांनी दिलेल्या निवाड्यात-
" He was the brain behind the assassination conspiracy."
-अशा अर्थाचे लिहिले आहे.