तुम्हाला काय /कोण सेक्सी वाटते

बेळगावचे चित्रकार के बी कुलकर्णी यांच्या चित्रातील पाठमोरी ललना . तसेच चित्रकार प्रताप
मुळीक यांच्या शैलीत साकार होणारी ललना " सेक्सी" वाटते. मादक असा सेक्सीचा अर्थ घेतला
आहे.

ह्म्म्म्म्म्म,
सेक्सी य शब्दाची व्याख्या आधी तयार करावी लागेल. सुंदरता आणि शृंगार या दोन भिन्न गोष्टी आहेत.
कुणाला कधी कोण सुंदर वाटेल हा फिजिक्स, केमीस्ट्री आणि बायोलॉजीकल अभ्यासाच्या विषय आहे, तुम्ही म्हण्ता तसं ( तुम्ही स्त्री आहात असं गृहीत धरून) स्त्रीयांना एखादी स्त्री सेक्सी वाटणे, किंवा पुरुषाला पुरुष हादेखील चर्चेचा विषय ठरु शकतो.

लेख आणखी विस्तारीत असता तर मुळ विषय काय आहे आणि चर्चा कशावर करायची हे कळाले असते. ;)

चरचरीत फोडणी - या लेखाचे शीर्षक.
निःसत्व ढोकळा - लेखनातील आशय.
आजची सकाळ वाईट जाणार होती तर... तरीही हा धागा उघडून ठेवावा म्हणतोय... ;-)

वन ओव्हर कॉस सी

जसा Fuck हा शब्द नाम, क्रियापद, उभयान्वयी अव्यय, विषेशण, क्रियाविषेशण असा कसाही वापरला जाण्याच्या ताकतीचा आहे, तसाच Sexy हा शब्द. त्याची व्याप्ती फार मोठी आहे.

ह्या लेखात नेमके काय अपेक्शित आहे ते कळल नाही सबब माझा पास.

-( सेक्सी) सोकाजी

सेक्सी ह्या शब्दाचा नक्की अर्थ काय घ्यायचा?

१) provoking or intended to provoke sexual interest:
२) interesting, exciting, or trendy:

१) म्हणजे बघा रिचर्ड गिअर चा संयत अभिनय पाहून हा इसम आत्ताच्या आत्ता माझ्या मिठीत असावा आणि...

२) की अरे वा! जर अशी भुमीका कोण्या अन्य अभिनेत्याला करायची झाली तर त्याने ही अशी करावी , आदर्शवत, चपखल, योग्य वढवलेली, परफेक्ट भूमीका. इतकी मी ह्या खोट्या खोट्या कथेतही स्व:ताला हरवून बसले. असा अर्थ?

अजुन काही उदाहरणे म्हणजे..

१) हा शर्ट/ड्रेस माझ्या जोडीदाराने घातला तर मला आत्ताच्या अत्ता त्याला/तिला ....

२) एखादी म्हणेल हा दागिना मी घातला तर माझा मूड दिवसभर छान असतो, अमुक ब्रँड्चा पर्फ्युम सकाळी लावला तरी अगदी रात्रीपर्यंत टिकतो. ह्या हेअरकट मधे मीच मला सुंदर वाटते.
एखादा म्हणेल अमुक गॅजेट/ऑब्जेक्ट घेउन बरेच दिवस झाले तरी आजही ते नव्या सारखे सुंदर दिसते, तितकेच इफिशियंटली चालते. अमुक खेळाडू आज अगदीच भारी खेळला, सचिनने मारलेले स्ट्रेट कट, कव्हर ड्राईव्स..

-------

भाग १ जो आहे त्याला सेक्सी म्हणणे हे साधारणता विशिष्ट एन्ड रिझल्ट ओरीएन्टेड असते. व भाग २ आहे जो स्वताचाच मूड चांगला करतो, फिल गुड रिलेटेड विदाउट द नीड ऑफ अनदर पर्सन ऑर फिजीकल अ‍ॅक्शन.

अवांतर - माफी मागतो.
मला वाटते सेक्सी हा शब्द न वापरताही तितकाच/तोच निर्मल आनंद विविध क्रियांमधे उपभोगता येण्यासारखा आहे. तो शब्द वापरुन आपण काहीतरी स्पेशल, हिप, ट्रेंडी आहोत हेच दाखवायचे असेल तर तो हेतू साध्य होत असेलही म्हणा. मला पडणारा प्रश्न सेक्सी हा शब्द उच्चारायची गरजच का पडते? हा शब्द न वापरता कोणताही अंतिम हेतू सहजसाध्य आहेच. इथे मला फक्त वरणभात भाषा, शी बै अच्र्त बाव्ल्त असे काही म्हणायचे नाही. ललित लेखकाला स्व:ताच्या भाषेत जे काय लिहायचे आहे त्याच्या स्वातंत्र्याचा आदर आहेच. पण बोलाचालीच्या भाषेत, एकमेकांशी सार्वजनीक संवादात गरज आहे? हे असे एक एक शब्दाचे स्वातंत्र्य घेत पुढच्या पिढीला जास्त ज्ञानी करत, आपण त्यांची निरागसता लवकर तर संपवत नाही आहोत ना? अशी एक शंका येते. होपफुली आय एम राँग. पण लहान मुलांची निरागसता जितकी जास्त जपता येईल तितकी जपावी असे मला तरी वाटते. मागे लिटील चँप्स की तसल्याच एका कार्यक्रमामधे सेक्सी सेक्सी शब्द असलेली गाणी ८ - १० वर्षाची लहानगी म्हणाली होती असे अंधुकसे आठवते. किंवा अगदीच "प्रौढ" असे अंगविक्षेप नाचात बसवणे हेही आढळते. अर्थात हे माझे मत आहे. इतरांवर लादण्याचा प्रकार नाही.

सेक्सी, शिट, ओह फक, बास्टर्ड्,अजुन कुठली शिवी, वाऽऽअ अप?, यो मॅन असले शब्द आपल्या रोजच्या शब्द कोशात असायची खरच गरज आहे का? असले शब्द वापरुन वापरुन / तेच लक्षात ठेवून आजवर प्रचलित असलेले त्यातल्या त्यात अलंकारीत, अर्थवाही शब्द आपण विसरत चाललो आहोत काय? असो हे अवांतर फार झाले. शुचिताई माफ करा.

एकंदर कोणाला कशात काय वाटतं - यात आता पुन्हा व्यक्ती तितक्या प्रकृती ते तुमचं आमचं सेम असतं अशी आवडनिवड असणारच.

स्त्रियांच्या बाबतीत म्हणाल तर ज्या क्षणी स्त्रि इतर कुठल्याही फाफट पसार्‍यातुन कमोत्तकजतेकडे वळते ( वा एखादी नटी तसा अभिनय करते) तो क्षण मला भयंकर सेक्सी वाटतो. अर्थात, याबाबत एक हाय पास फिल्टर आहे... हुमा खान, मल्लीका शेरावत वगैरे त्यातुन कट होतात.
पंजाबी ड्रेस + लांबसडक केस + जरा उंच बांधा+ गोरा वर्ण + थोडा कडक सुर तुफान सेक्सी वाटतं. सावळ्या वर्णाला टपोरे/मीनाक्षी डोळे (द्विरुक्ती झाली) + सरळ नाक + मंजुळ सुर... एक्दम समा बन गया वाटतं.

काहि भडक रंगांचे कॉम्बीनेशन्स आणि लाईट कलरच्या छटा सेक्सी वाटतात... त्याच्याशी संध्याकाळची शीतल हवा रिलेट करता आली पाहिजे मात्र.

ज्येनुइन मराठी गजल (मालवुन टाक दीप वगैरे), निवांत भाव दर्शवणारे संगीत , पाण्याच्या थेंबांचा हळुवार टप टप आवाज एकदम जानदार.

पेंटींग वगैरे मध्ये म्हणाल तर कमनीय बांधा क्लीक होतो.

असो... यादी बरीच लांब होईल :)

अर्धवटराव

२) "प्रेटी वूमन" मधील "रिचर्ड जेरे" चा संयत अभिनय मला सेक्सी वाटला

________________________

ऊऊऊऊऊऊऊऊऊउ........आपण तर लाखोंदा फीदा रीचर्डच्या ' प्रीटी वूमन ' मधल्या अ‍ॅक्टींगवर
:)

सेक्सी म्हणजे मादक, कामोत्तेजीत करणारे, आव्हानात्मक, संमोहीत करणारे, धुंदावणारे, वेडावणारे यापैकी सर्व अथवा काहीही धरा ना.

व्याख्या काही पटली नाही.

'सेक्सी म्हणजे मादक, कामोत्तेजीत करणारे' इथेच 'सेक्सी' शब्दाची व्याक्या संपते. (असे मला वाटते).

आव्हानात्मक, संमोहीत करणारे, धुंदावणारे, वेडावणारे यापैकी सर्व अथवा काहीही..... ह्यात 'सेक्सी' काय आहे?

चित्रकाराला एखादे चित्र, छायाचित्रकाराला एखादे दृश्य, एखादी प्रकाश योजना, कुस्तीगिराला एखादी ,तगड्या पहिलवानाबरोबरची, कुस्ती आव्हानात्मक वाटू शकेल पण ती 'सेक्सी' कशी होईल?

एखाद्या फर्ड्या वक्त्याचे भाषण 'संमोहित' करणारे असू शकते पण म्हणून ते काही 'सेक्सी' ठरत नाही. इथिओपियाच्या 'त्या' उपासमारीने मरणासन्न बालकाचे आणि त्याच्या मरणाची वाट पाहणार्‍या गिधाडाचे छायाचित्रही एखाद्याला संमोहित करेल अशा ताकदीचे होते पण ते 'सेक्सी' नव्हते.

'धुंदावणारे' 'वेडे करणारे' ('वेडावणारे' नाही. त्यात एकाने दुसर्‍याला 'वाकुल्या' दाखविणे अभिप्रेत आहे) निसर्गात खुप काही आहे. पावसाळ्यातील हिरवागार निसर्ग, थंडीत धुक्यात लपेटलेला परिसर, मस्त मातीचा सुगंध, फुलांचा सुगंध 'धुंदावणारा' असू शकतो.

व्याख्येतील 'सेक्सी म्हणजे मादक, कामोत्तेजीत करणारे' असा थेट अर्थ घेतला तर ती एक भावना असल्याकारणाने सर्वांसारखी समान असू शकत नाही. ती २ +२ = ४ इतकी रुक्ष, व्यावहारीक नसते. व्यक्तीगणिक बदलणारी असते. पुरुषाला स्त्री आणि स्त्रिला पुरुष 'सेक्सी' वाटणे नैसर्गिक आहे. (पुरुषाला पुरुष आणि स्त्री ला स्त्री 'सेक्सी' वाटू शकते पण तो वेगळा आणि गहन विषय बाजूला ठेऊ या.)

पुरुषांच्या 'सेक्सी' स्त्री बद्दलच्या कल्पनांमध्ये स्त्रियांच्या अनेकविध वैशिष्ट्यांचा समावेश असतो. सुंदर चेहरा, गोरा रंग, प्रमाणबद्ध-बांधेसूद शरीर, आवाजातील गोडवा, उंची, चालण्याची, बोलण्याची लकब इ.इ.इ. सर्वसाधारण बाबी असल्या तरी व्यक्तिमत्त्वातील 'चुंबकिय आकर्षकता' (Magnetism) ह्याचीही प्रखर भूमिका 'सेक्सी' शब्दात सामावलेली आहे. एखाद्याला सावळा रंग, किंचित घोगरा आवाज, मादक डोळे, हाताचे थंडगार तळवे, काहीही उद्दीपित करू शकतात. त्याच्यासाठी त्या एका वैशिष्ट्यासाठी ती स्त्री 'सेक्सी' वाटत असते.

काही जणांना ऐश्वर्या राय 'सेक्सी' वाटते तर काही जणांना सुश्मिता सेन तिच्या आकर्षकतेमुळे 'सेक्सी' वाटते. माधुरी तिच्या अदांमुळे 'सेक्सी' वाटते तर हेलन तिच्या कॅब्रे मुळे 'सेक्सी' ठरायची. व्यक्ती तितक्या प्रकृती आणि आपापल्या प्रकृतीला झेपतील अशा 'सेक्सी'पणाच्या कल्पना.

अविनाश कु. श्रिराम दिवट आदि मान्यवरान्च्या प्रतिक्शेत . :-)

अनसेक्सि स्पा

उदाहरणार्थ - कोका कोलाची जाहीरात आणि त्यामधील हसरी अन अतिशय बांधेसूद तरुणी, विशेषतः पार्श्वभूमीवरील होकारार्थी उद्गार-

ते होकारार्थी उद्गार म्हणजे खरेतर एका प्रसिद्ध वन लाइनरची कमाल आहे.
"Sex is not the answer. Sex is the question. 'Yes' is the answer."

पुढच्या कट्ट्याला हा विषय झीरो अवरला चर्चिला जावा अशी मागणी करत आहे. मला खात्री आहे की २ - ४ पेग्जनंतर अश्या प्रतिक्रिया यायला लागतील की एक ग्रंथ छापायला लागेल ! 'सेक्सी' म्हणजे काय हे असं शब्दांत मांडण्यासारखं नाही हो शुचितै ! उगाच एक विचारचक्र सुरू केलंत.

छ्या... कुठून हा धागा वाचायला घेतला... आत वाचनखुण मारावी लागणार ! ;)

जे पी

जुन्या जमान्यातील हुमाखान, बिंदु, सिल्क स्मिता,हेलन्,जयश्री टी,मेडोना,समंताफॉक्स पासुन ते अलिकडील माधुरी,काजोल, मिनाक्षी श्रीदेवी, मनिषा,केतरीना, प्रियांका पर्यंत ब-याच जणी मला सेक्सी वाटत आल्या आहेत.
माझा मुड चांगला असतो तेंव्हा ब-याच गोष्टी मला सेक्सी दिसतात आणि मुड खराब असेल तेंव्हा ब-याच सेक्सी गोष्टीं कडे बघुन मुड चांगला बनवतो. ;-)

बर्‍याच उद्बोधक चर्चेनंतर आता काही चित्रे बघुया:
या ललनांना हे बालक 'सेक्सी' वाटते, असे म्हणावे काय?

William-Adolphe Bouguereau (1825-1905) - Admiration (1897)

आणि या बालकांना एकमेकांविषयी वाटणार्‍या आकर्षणाला काय म्हणायचे?

William-Adolphe Bouguereau (1825-1905) - Young Woman Contemplating Two Embracing Children (1861)

कामुकतेपेक्षाही ही चित्र त्यातील कलागुणां मुळे जास्त भावतात:(Amadeo Modigliani ची चित्रे)

द्रौपदी वस्त्र-हरणाचा ग्रीक अवतार ?

Jean-Léon Gérôme, Phryne revealed before the Areopagus (1861)

प्राचीन रोम मधे बोली लावून अशीही खरेदी करता यायची :

Jean Leon Gerome Selling Slaves in Rome

देरे कान्हा...चोळी अन लुगडी (पहाडी शैली):

फ्रेंच चित्रकार Jean Jacques Henner याचे एक म्युझियमच आहे, त्याची दोन चित्रे:

(सर्व चित्रे विक्कीमिडियावरून साभार).

पराचे अभ्यासपुर्ण प्रतिसाद पण सेक्सी वाटु लागले आहेत.

पाहता तुम्हाला जास्तीत जास्त `रोमँटिक' इतकंच म्हणायचं असावं पण हल्ली सेक्सी हा शब्द कशालाही वापरतात (म्हणजे मुली सुद्धा `काय सेक्सी चहा आहे!' म्हणतात) म्हणून तुमची गल्लत झाली असावी .

असो, आता इथे आलोच आहे तर नक्की अर्थ असा आहे:

हिंदी चित्रपटातल्या सर्व नट्या सर्वतोपरी अनुभव संपन्न असतात तरीही जी नटी आपल्या देहबोली, मुद्राभिनय आणि संवादातनं तिची ही पहिलीच वेळ आहे असं जास्तीतजास्त निरागसतेनं दाखवते ती सर्वात सेक्सी ! तिला करोडो चाहते आणि अमाप यश मिळतं कारण प्रत्येक चाहत्याला वाटतं की अरे, किती अनभिज्ञ, एकदा आपल्याला भेटायला हवी मग सगळं आगदी हळूवारपणे समजाऊन द्यू !!

भारत्तात , अवळी पडळेला पाऊस मला जाम आवडतो !
काही मुलींचे हसणे ( मा.दि.) फारच मादक असते !
बकुळी आणि रातराणीची फुले , म्हणजे हर्बल वायग्राच !
ओल्ड स्पाईस आफटर शेव चा वास कमालीचा मादक आहे !
भरपूर तंगडतोड , ट्रेक झाल्यावर गार पाण्याची अंघोळ !
थंड्गार संध्याकाळी किशोरी अमोण्करांचा आवाज हा अनुभव घ्याच .आवाज फार मादक आहे !
लग्न / समारंभात , नुकत्यात वयात आलेल्या मुलीने नेसलेली साडी हा फटाकाच !
पाहाटेच्या व सकाळच्या संधिकाली वेळी मोकळा समुद्र किनारा भायाण सेक्सी वाटतो.
हिल स्टेशन वर चे बहुतेक पॉईंट्स ( जेथे भणाण-णारा वारा असतो ) हे विलक्षण ऊत्तेजित करतात.
सध्या पुरे ...काय ?

सेक्सी का? आम्हाला तर सर्व जगच सेक्सी वाटतं !! :)

आमच्या कालिदासरावांनी त्यांच्या मते सेक्सी स्त्रीचे वर्णन मेघदूतात केले आहे, थोड्याफार फरकाने आमचीही तिच व्याख्या आहे. म्हणजे काही "फीचर्स" बद्दल मतभेद होऊ शकतील, पण एकूणात मामला तोच.

"तन्वी श्यामा शिखरिदशना पक्वबिम्बाधरोष्ठी;
मध्ये क्षामा चकितहरिणीप्रेक्षणानिम्ननाभि:;
श्रोणीभारात् अलसगमना, स्तोकनम्रा स्तनाभ्यां;
या तत्र स्यात्, युवतिविषया, सृष्टिराद्येव धातु:||

यात हसणे, बोलणे वैग्रे फीचर्स अ‍ॅड केली की झाली आमची परिपूर्ण 'सेक्साड' सौंदर्यवती :)

रा.रा. मल्लनाग वात्स्यायन यांची सर्वांत लाडकी स्त्री "पद्मिनी" (जोहारवाली नव्हे हां ;)) देखील आमची परम फेव्हरीट आहे हेवेसांनल.

सिंहकटी,गजगामिनी,मधुर भाषिणी... स्त्रीया सेक्सी न वाटाव्या तर नवलच ! ;)
बाकी सेक्साट हसणारी पाखरं तर जीव घेतात... ;) पाखरं अन् त्यांची पाखरुगिरी काय इचारु नका ! ;)

बाकी,सोप्यासोपस मांड्यांमधे १० हत्तीचे बळ !
असो..."विषय" न-संपणारा आहे.

>> सजना है मुझे सजना के लिये - सौदागर वगैरे काही गाणी खूप आवडतात, सेक्सी वाटतात

म्हणजे काय पडद्यावरचे गाणे
की गाणार्‍या गायिकेमुळे तुम्हाला तसे वाटले

पुरूषांना स्त्रियांमधे काय सेक्सी वाटतं याची लाखो उदाहरणं आहेत आणि ती सगळ्यांना ठावूक पण आहेत.

आम्हाला कुतुहूल होतं ते हे की स्त्रियांना पुरुषामधे काय सेक्सी वाटतं? ते कुठल्याच प्रतिसादामधे नाही आलं म्हणून थोडी निराशा झाली.

दुसरं असं की तुम्ही बायका आप्पलपोट्या असता. (ह. घ्या.) म्हणजे असं कि तुम्ही एखादी गोष्ट केली (उदा. मेकप, चांगला ड्रेस, इ. इ.) तर त्याचा फिडबॅक आजुबाजुच्या पुरुषांकडून कुठल्या ना कुठल्या रुपात तातडीने मिळतो. केलेल्या इन्व्हेस्ट्मेंट्ची पोचपावती लगेच मिळते.
पुरुषांच तस नाही. एक कॉम्प्लिमेंट किंवा एक सिग्नल द्याल तर शप्पथ. त्यामुळे आम्ही नेहमीच चाचपडत असतो. हा. हा पाशवीपणा आहे. :)

कधी कधी 'पाशवी/आक्रमकता' पणा पण 'सेक्सी' वाटतो ती गोष्ट वेगळी.

-(व्हॉट वुमेन वाँट? हा प्रश्न पडलेला) एक

छान चर्चा, काही प्रतिसाद सोडले तर फारशी समाधानकारक चर्चा नाही असं माझं मत आहे, चर्चा प्रस्ताव धाडसानं मांडल्याबद्दल चर्चाप्रस्तावाचं कौतुक आहेच.असो.

रामायण-महाभारतातील धागेदोरे नावांच श्री.र.भीडे यांचं एक पुस्तक माझ्या संग्रही आहे. सीतेचे सौंदर्य, या प्रकरणात [पृ.क्र.४१] सीतेने स्वत:च्या सौंदर्याचं वर्णन केलं आहे. अर्थात वाल्मिकीनी यानिमित्तानं कोणतीच कसर असं वर्णन करतांना सोडलेलं नाही,असं माझं मत आहे. अर्थ खालीलप्रमाणे पुस्तकात दिला आहे. सीता म्हणते-

'' माझे केस मऊ, सारखे आणि काळे कुळकुळीत आहे. भुवया एकमेकींपासून विलग असून पिंडर्‍या गोल गरगरीत आहेत. त्यावर लव नाही. दात सलग एकसारखे असून त्यात फटी पडत नाही. डोळ्यांची ठेवण शंखाकृती आहे. हात, पाय, घोटे, मांड्या प्रमाणात असून गुबगुबीत आहेत. नखे गोलाकार व गुळगुळीत आहेत. हाताची बोटे निमुळती आणि सारखी आहेत. ती तुळतुळीत (दिसतात) स्तन मोठे, पुष्ट आणि एकमेकाला भिडणारे असून स्तनाग्रे बारीक व स्तनात किंचित रुतली आहेत. बेंबी खोल असून तिचा देठ पुढे आला आहे. अंगावरील लव मुलायम असून पायाची बोटे व तळवे हे बारा भाग जमिनीला व्यवस्थितपणे टेकतात. पाय लालबुंद असून त्यांचावरील यवचिन्ह स्पष्ट (दिसते). हाताची बोटे जुळती असून त्यात फटी नाहीत. लाक्षणिकांनी मला मंदिस्मिता मानले आहे.''

संस्कृतचे जाणकार अधिक व्यवस्थित अर्थ समजावून सांगतील म्हणून त्यांच्यासाठी-

केशा: सूक्ष्मा समा नीला भ्रुवौ चासंहते मम
वृत्ते चारोमके जडःघे दन्ताश्चाविरला मम
शड्खे नेत्रे करौ पादौ गुल्फावूरु समौ चितौ
अनुवृत्तनखा: स्निग्धा: समाश्चाड्गुलयो मम
स्तनौ चाविरलौ पीनौ: मामकौ मग्नचूचुकौ
मग्ना चोत्सेधनी नाभि: पाश्चोर्रस्कं च मे चित् म
मम वर्णो मणिनिभो मृदन्यड्गरुहाणि च
प्रतिष्ठतां द्वदशभिर्मामूचु: शुभलक्षणाम्
समग्रयवमचिद्रं पाणिपादं च वर्णवत्
मन्दस्मितेत्येव च मां कन्यालाक्षाणिका विदु:
(युद्ध. ४८/९-१४)

-दिलीप बिरुटे

काही वर्ष दक्षिणभारतात रहात असल्यामुळे की काय माहित नाही, पण गोर्‍या नितळ कांतीच्या, थोड्याश्या गुबगुबीत, बेंबीच्या खाली साडी घातलेल्या बायका मला सेक्सी वाटतात. :)

इतकं बोलून मी या धाग्यावरून रजा घेतो.

ही आमच्या भूत जमातितली कशी वाटती बघा बरं..? ;-)

या धाग्यावर स्त्रिया प्रतिसाद देत नाहीयेत, कारण

१. महिला अतिशय हुषार असतात. कुठे गप्प राहिलेलं फायद्याचं आहे हे आम्हाला आधी कळतं. अगदी महिलांचे डु आयडी घेतलेले पुरुष सदस्य सुद्धा या धाग्यावर प्रतिसाद देत नाहीयेत यावरून ग्यानबाची मेख समजून घ्या.

२. आपल्या मनात काय आहे हे गावभर बोंबलून कशाला सांगा? विशेषतः जेव्हा एखाद्या स्मितहास्याचा वापर करून आपली कामं होत असतील तर "तुझ्यात काय नाही "हे सांगून आपल्या पायावर धोंडा पाडून का घ्या?

३. महिलांना सर्वात उत्तम गोष्टीचा ध्यास असतो. सेक्सी वाटतं म्हणा हवं तर. मग सुपरमॅन आणि रजनीकांत यांना पाहिल्यानंतर आणखी कोणी सेक्सी कसा वाटेल?