उदंड झाले वार फुलांचे,
उघडले न पण दार फुलांचे
चुरगळणार्या, सुगंध देती
कसे असे व्यवहार फुलांचे
तुझा हात फिरला कवितेवर
शब्द शब्द होणार फुलांचे
मिळे न सहवासाचे अत्तर
विस्कटले बाजार फुलांचे
कत्तल माझ्या बागेची अन्
तिला गळाभर हार फुलांचे
मोक्ष मिळावा निर्माल्याचा
जीवन मी जगणार फुलांचे
-- उपटसुंभ
प्रतिक्रिया
19 Jun 2012 - 2:45 pm | प्रचेतस
फुलांची रांगोळी तज्ज्ञ श्री अत्रुप्त आत्मा यांच्या प्रतिसादाच्या प्रतिक्षेत.
19 Jun 2012 - 7:00 pm | अत्रुप्त आत्मा
मोक्ष मिळावा निर्माल्याचा
जीवन मी जगणार फुलांचे >>> --^--
सहभावनांचे कोंदण घेऊन आलास रे दोस्ता... !
रचनेवर फिदा झालो आहे.
धन्यवाद.
20 Jun 2012 - 8:57 am | अरुण मनोहर
गझल आवडली
21 Jun 2012 - 7:06 pm | शुचि
सुंदर