भट्के कुत्रे आणि आरोग्य

खरंच ही अतिशय चिंताजणक बाब आहे . मी स्वतः कुत्र्यांच्या बाबतीत खुप जागृक आहे . आमच्या कॉलनीतल्या कुत्र्या फार चावक्या आहेत आणि कधी वस्स्स्कन अंगावर येतील सांगता येत नाही. आमच्या लेन मधली एक कुत्री फारंच भुंकत असते . ती चावत नाही असे लोकं म्हणत असले तरी तिचं तोंड इतकं घाणेरडं आहे की तो स्पर्ष देखील किळसवाणा वाटावा. गेल्याच आठवड्यात जिम वरुन घरी येताना ती कुत्री माझ्या गाडीचा पाठलाग करु लागली. थँक गॉड माझ्या गाडीला साईड मिरर होते,.. त्यात मला ती कुत्री माझ्याकडे झेपावताना दिसली . आता अधिक पळुन किंवा दुर्लक्ष करुन चालणार नाही हे लक्षात आल्यावर मी कच्च्कन मागचा ब्रेक दाबला तशी गाडी ९० अंशात स्किड होउन आडवी झाली . डोळ्याचं पातं लवतं ना लवतं तोच मी गाडी साईड स्टँड ला पार्क करुन पटकन एक दगड उचलला. आणि लवलेलं पातं उघडतं ना उघडतं तोच तो दगड मी त्या कुत्रीच्या डोक्यात रप्पकन् मारला.... तशी ती कुत्री "क्याअ...आआअ.अ..अ..ऊऊऊऊऊऊउ हुजुर .. तेरा तेरा तेरा सुरुर "म्हणत पळाली. =)) आता ती मला पाहिलं की लांबुन च यु टर्ण मारते. मी मस्त ऐटित रात्री अपरात्री कॉलनीत फिरतो .

तात्पर्य : आता कुत्र्यांच्या प्रश्नावरही प्रशासन काही करेल ह्या आशेवर रहाल तर कुत्रे चावणारंच ... तुम्ही स्वतः बंदोबस्त करा. कायम एखादा दगड खिशात ठेवत चला... घाबरु नका दगड खिशात ठेवल्याने लगेच धर्मांतर होत नाही .

टारझन आयडी द्वारा राष्ट्रीय जनहितार्थ जारी.

-( कुत्र्यांना चावुन पिसाळवणारा ) टॉबरमॅण

>>या कुत्र्या॑चा काही ब॑दोबस्त व्हावा कि॑वा या॑वर काही उपाय योजना व्हावी असे आपणास वाटत नाही काय?

नकी वाटते. कुत्र्यांना फॅमिली प्लॅनींग करायला शिकवायला पाहिजे, त्यासाठी त्यांना उद्युक्त केले पाहिजे.

>>हा प्रश्न सामाजीक नाही काय?

आहेच. कुत्र्यांना भुंकणे, चावणे यांबाबतचे सामजिक नियम शिकवले पाहिजेत.

ह्या प्रश्नाची व्याप्ती दिसते त्यापलिकडे असावी.. रात्री अपरात्री गल्लीतल्या कुत्र्यांच्या भुंकण्या किंवा विव्हळण्यामुळे झोपमोड होऊन त्याचा लोकसंख्येवर परिणाम होत नसेल काय?
कुत्र्यांना भटके ठेवताच कामा नये.. एक तर मालक हवा नाहीतर पांजरपोळ.. पण विचार आणि कृती करणार कोण?

ईशय बी जबर्या अनी पर्तिक्रीया बी जबर्या......

थ.न्डीत कुत्री चेकाळलीत खर. रात्र भर केकाटत्यात.. आवरा कोन तर त्याना..

ती कुत्री इतकी अ‍ॅग्रेसिव्ह का होतात ह्याचा विचार केला आहे का? तुम्हाला कोणी जेवायलाच देत नसेल तर तुम्ही अन्न मिळवण्यासाठी प्रसंगी भांडणार नाही का ?
त्यांना उगाच मजा म्हणून दगड मारणार्यांचा बंदोबस्त कसा करायचा ह्याची चर्चा कधी करायची? आजकाल कुत्री सोडा, जंगातले हत्ती, बिबटे, लांडगेही मनुष्याच्या वस्तीवर हल्ले चढवू लागले आहेत. ह्या सगळ्या प्राण्यांचा बंदोबस्त करायला हवा का? आपण माणसांनी सगळी नैसर्गिक संसाधने संपवल्यावर हे प्राणी कुठं जाणार?

टारझन यांच्या प्रतिसादाशी अगदी सहमत. नाहीतरी आपण मोबाईल, पेन ड्राईव्ह, रुमाल, पाकिट, आणि 'पेन' आपल्यासोबत हरघडी बाळगतोच. मग एक दोन दगड स्वच्छ करुन आपल्या खिशात बाळगायला काहीच हरकत नाही.

आणि माझं पुर्णपणे व्यक्तिगत मत, हे सर्व प्राणिमित्र म्हणाजे मानवाधिकारवाल्या मंडळीं सारखे असतात. घरात बसुन आपल्या मतांची पिंक टाकणारे अहो कुत्रे रात्री अपरात्री बाईकचाच काय कारचा देखील पाठलाग करतात. आणी प्रत्येकच वेळी आपण काचा बंद केल्या असतील असे नाही.. अचानक त्यांचे आतल्या व्यक्तीला नख जरी लागले तरी इंजेक्शन घ्यावे लागते.

-
(भटक्या कुत्र्यांच्या बाबतीत दयामाय न बाळगणारा यमराज) इंटेश.

प्रकटाआ...

या भटक्यां कुत्र्यांचा लयं त्रास हाय च्यायला...
यांची अनियंत्रीत प्रजा हेच या बिकट समस्येचे मूळ कारण असावे असे वाटते,च्यामारी पण त्याचा आपल्याला का त्रास ?
माझी तर या कुत्तरड्यांमुळे दररोज झोपमोड होते... रात्रीच यांना काय उत येतो कोणास ठावुक? पण माझ्या डोक्याची पार काशी-मथुरा होते त्याचे काय ? साउंड प्रुफ खिडक्या बसवाव्यात काय असा सुद्धा इचार करतोय...
साला दिवसभर खाउन जमा केलेल्या कॅलरीज रात्री भुंकुन भुंकुनच कमी करायच्या असतात असे कोणी या कुत्तरड्यांना शिकवुन ठेवले आहे काय ? साला भुंकुन भुंकुन यांची नरडी सुजत कशी नाहीत हेच मला काही केल्या समजत नाहीये !!!
कॉमन वेल्थ गेम्सच्यावेळी त्या परिसरातील कुत्री पकडण्यात आली व्हती म्हणे, तसं असेल तर तिच्यामारी माझ्या कॉलनीत असे खेळ भरवावे आणि कुत्तरड्यांचे काम तमाम करावे ,असे सरकारला सुचवावे काय ? असा विचार देखील करुन झालाय. ;)
काही झालं तरी मोकाट कुत्तरड्यांचा कायमचा बंदोवस्त झालाच पाहिजे.

खरच ..

ही तर दहशतवादा पेक्षा जास्त गंभीर समस्या आहे .

चौकशी साठी अनेक सदस्यीय समिती नेमावी ..

(त्याच बरोबर अमेरिकेची मदत मागावी काय ? ... या बद्दल विचार विनिमय करण्यासाठी वेगळी समिती नेमावी )

चर्चा करून, शांततामय मर्गाने सर्व प्रश्न सुटतातच, -- मग त्या साठी लागली जरा ५०-६० वर्षे तर काय हरकत आहे ?.

कुत्र्यांना मारायला नाय पायजेल. रात्रीचे भटकू नये.

नंगा
टारझनचा प्रतिसाद लै भारी.

एका ज्वलंत समस्येला वाचा फोडल्याबद्दल श्री जयेश माधव यांचे अभिनंदन.
या कुत्र्यांना (पुल्लींगी) खोडव्यात घेवुन बडवायला पाहीजे.

श्रीकांत सिनकर लिखित 'इन्स्पेक्टर वाकटकरांच्या चातुर्यकथा' या पुस्तकातील एक कथा आठवली. मुंबईत श्रीमंत व बंगलेवाल्यांच्या घरात चोर्‍यांचे सत्र सुरु झाल्याने आणि गुन्हेगार सापडत नसल्याने पोलिस हैराण झाले होते. या प्रकरणाचा तपास इन्स्पेक्टर विनायक वाकटकरांकडे आला. या घरफोड्या बारकाईने अभ्यासताना एक मुद्दा वाकटकरांच्या लक्षात आला, की या चोर्‍या बहुतेक रात्री एक ते पहाटे चार या तीन तासांतच झाल्या आहेत. त्यांनी याच काळात गस्त वाढवली आणि त्यातून 'राणा' नावाचा बुद्धिमान गुन्हेगार सापडला. त्याच्या चौकशीत अचंबित करणारी माहिती हाती लागली. बंगल्यांमध्ये चोर्‍यांचे तंत्र विकसित करण्यापूर्वी या राणाने माणसांच्या आणि कुत्र्यांच्या गाढ झोपण्याच्या वेळांचा अभ्यास केला होता. त्यामुळे तो बहुतेक चोर्‍या रात्री २ ते ३ या वेळात करत असे.

भटकी कुत्री ही कधीही धोकादायकच असतात. अलिकडच्या काळात तर अशा अनेक घटना वाचनात आल्या आहेत ज्यात या भटक्या कुत्र्यांनी लहान मुलांचे लचके तोडून मांस ओरबाडून काढले आहे. भटकी कुत्री प्रामुख्याने कचराकुंडीतील खरकट्यांवर पोसली जातात. घरे व हॉटेलमधून कुंडीत फेकलेल्या पदार्थांत तेल व स्निग्धाचे (बटर, चीज) प्रमाण मुबलक असते शिवाय मांसातील हाडांचे तुकडेही कुत्र्यांसाठी मेजवानी असते. ते खाऊन भटकी कुत्री तापट स्वभावाची होतात. (पाळलेले कुत्रे चीडखोर होऊ नये यासाठी कुत्र्याला तेल न लावलेली पोळी खायला देण्याची काळजी मालकाला घ्यावी लागते.) या तापट कुत्र्यांचे दात शिवशिवायला लागतात. ती आपापसांत भांडताना इतर कुत्र्यांचे लचके तोडतात. पळत्या गाड्यांचा पाठलाग करणे, एकट्या पादचार्‍याच्या अंगावर जाणे, हे त्यांचे आवडते खेळ. यात एखाद्या कुत्र्याच्या शेपटावरुन किंवा पायावरुन गाडी गेल्यास ते कायम गाड्यांशी खुनशीने वागते. भटकी कुत्री पिसाळण्याचा धोका अधिक असतो.

पावसाळ्यात साचलेल्या पाण्यात भटकी कुत्री मलमूत्र विसर्जन करतात. त्यातून लेप्टोस्पायरोसिसची साथ पसरते. कुत्र्याचे नीर्बीजीकरण करणे हा उपाय त्यांची संख्या आटोक्यात ठेवण्यासाठी ठीक असला तरी दाताचे काय? कुत्र्याचा दात नुसता कातडीला लागला आणि व्रण उमटला तरी रेबीजची तीन इंजेक्शने आणि धनुर्वाताचे एक अशी चार इंजेक्शने घ्यावी लागतात.

मीपण भटक्या कुत्र्यांचा नायनाट व्हावा, या मताचा आहे.

कुअतर दसल तअरे कल्जी नाय कराची.
पुरवीसारके बेम्बतात १४ सुया घेयाच गरज नाहे
दसुद्या त्यन्चे कमाच हे ते.

कुत्रा चाव्या मुळे जे विष अंगात भिनते ते उतरवण्या साठी साठी एक मंत्र आहे असे वाचले होते..
कुत्रा अंगावर आल्यास घाबरुन पळु नये..त्या मुळे कुत्रा अजुनच बिथरतो..आहे त्या जागी शांत उभे रहावे,,त्या मुळे श्वान पण शांत होतो..जरा वेळ तो थांबतो..व नंतर जातो...
जर हाणा मार्या करायच्या असतिल तर एक दगड उपयोगाचा नाहि ..कारण नेम चुकतो..मग गोची होते व कुत्रा डुख धरतो..चांगले १०-१२ दगड जवळ बाळगुन रहावे..म्हणजे नेम चुकला तरी भिति नसते....
डुख धरलेला कुत्रा कधि तरी वचपा काढतोच..

मोकाट कुत्री (कुत्र्यांच अनेक वचन) पकडुन ती चीनला एक्सपोर्ट करावी.
१) आपल्याला कुत्र्यांपासुन मुक्ती.
२) त्यांच्या जेवणाची सोय. (त्यांच्या म्हणजे चीन्यांच्या, कुत्र्यांच्या नव्हे)
३) उत्पंन्नाच नवीन साधन

ज्वलंत विषय आणि सुंदर प्रतिसाद! कुत्रे कुत्र्यांच्याच मौतीने मेले पाहिजेत. प्रजा वाढवण्याचा हक्क फक्त माणसांना असताना त्यांची प्रजा वाढते हे कधीही सहन केले जाऊ नये. रस्त्यावरून जाणारी गाडी ही नैसर्गिक गोष्ट आहे आणि ती गाडी आपल्या अंगावरून जाणे किंवा मोठ्या आवाजात किंचाळत जाणे हा त्या गाडीचा हक्कच आहे ही साधी गोष्ट त्यांना कळत नाही. भारतात दरवर्षी लाखाच्यावर बळी घेणार्‍या या गाड्यांविरूद्ध खुद्द माणूस ब्र काढत नसताना ही कुत्री गाडीवर भुंकतात, तिचा पाठलाग करतात म्हणजे काय? कुत्तरडे साले. मारा. ठेचा.

हि समस्या परप्रांतिय कुत्र्यांमुळे निर्माण झाली आहे. परप्रांतिय कुत्र्यांचा बंदोबस्त केला पाहिजे. भुमीपुत्रांवर अन्याय होता कामा नये.

जर खाण्याकरता प्राणी मारलेले (कायद्याला) चालतात तर लेप्टोस्पायरोसिससारख्या जीवघेण्या रोगांपासून वाचण्याकरता प्राणी मारणे कायद्याने चूक कसे ठरवले? दोन्ही बाबतीत मनुष्य आपल्या फायद्याकरता दुसर्‍या प्राण्याचा जीव घेतो आहे.

डास, ढेकूण, झुरळे हे प्राणी उपद्रवकारक आहेत आणि त्यांना मारणे कायदा चूक समजत नाही. त्यांना मारण्याकरता राजेरोसपणे औषधे बनवली जातात, विविध कंपन्या फवारे मारायची कंत्राटे घेतात. तर मग कुत्र्याने काय घोडे मारले आहे? भटक्या कुत्र्यांना मारायला आडकाठी का असावी?