*********************************
हवी कशाला रित पुराणी
हवे कुणाला प्रश्न नवे...
जुनेच अपुले घाव बरे..,
अन वर्तमानाचे सुत्र हवे...!
हवे कशाला क्षितिज सारे,
हवी कुणाला धरा नवी..,
तुजपुरती मज चाकोरी बरी,
अन तुला जाणीव हवी ...!
हवे कशाला पाश जुने...
हवे कुणाला स्वप्न सवे,
याद तुझी तरीही उरी..,
वळुन पाहण्या कारण नवे...!
हवे कशाला स्वर्ग साती...
जगण्या कुणाला निमित्त हवे,
एक तुझी ती मिठी खरी..,
सय तुझी अन उरात हवी..!
******************************
विशाल.
प्रतिक्रिया
15 Jan 2010 - 7:24 pm | विदेश
हवे कशाला क्षितिज सारे,
हवी कुणाला धरा नवी..,
तुजपुरती मज चाकोरी बरी,
अन तुला जाणीव हवी ...!
कवितेमधून 'तुझ्याभोवती' रिंगण छान घातले आहे.
15 Jan 2010 - 7:34 pm | प्रा.डॉ.दिलीप बिरुटे
हवी कशाला रित पुराणी
हवे कुणाला प्रश्न नवे...
जुनेच अपुले घाव बरे..,
अन वर्तमानाचे सुत्र हवे...!
मला वरील ओळी आवडल्या ..!
-दिलीप बिरुटे
[जुन्याच घावांनी बेजार]