कवी

कवितांचा एक कारखाना चालवतो मी
एकाच साच्यातल्या कविता छापतो मी

आठवणींचा बाजार , प्रेमाचा आजार
वेड्यागत असच काहीतरी , बरळतो मी

गावरान गोडवा न ठाउक मला
उगाच शब्दांचे काना मात्रा, चुकवतो मी

हवे ते, जेंव्हा नाही गवसत
मारुन मुटकुन शब्दांना, घुसडवतो मी

विषयाची गरज, प्रसंगाची मागणी अशा-
गोंडस नावाखाली शिवराळ शब्द, पेरतो मी

टिकाकारांना त्यांच्याच भाषेत प्रत्युतर
कुठल्याही व्यासपिठावर, भुंकतो मी