फक्त पुरुषांसाठी!

फक्त पुरुषांसाठी
हॅहॅहॅ ! लगेच डोळे विस्फारु नका! हे आवाहन आहे पुरुषस्पंदन या वर्षीच्या दिवाळी अंकासाठी पुरुष लेखकांना! मावा ( मेन अगेन्स्ट व्हायलन्स ऎन्ड अब्युज) या स्वयंसेवी संस्थेतर्फे गेली तेरा वर्षे समाजातील स्त्रियांवरील हिंसा व गैरवर्तन यांना प्रतिबंध करण्यासाठी विविध उपक्रम राबवले जातात. मुंबईचे हरीश सदानी हे या विषयात "वाहुन" गेलेले एक कार्यकर्ते आहेत.पुण्यातील गीताली वि म, विद्या बाळ, मंगला सामंत या स्त्री-पुरुष समता वादी करणा-या चळवळीतील महिला कार्यकत्त्यांबरोबर समांतर व पुरक काम करणारे कृतीशील विचारवंत आहेत. पुण्यात पुरुष उवाच चे काम करणारे श्री मुकुंद, हे दर महिन्याच्या शेवटच्या गुरुवारी सेनापती बापट रोड वर कुमार प्राईड येथील आपल्या निवासस्थानी अभ्यासवर्ग, चर्चा, सुसंवाद असे कार्यक्रम गेली अनेक वर्षे घेताहेत. गीताली-मुकुंद हे दांपत्य पुण्यातील पुरोगामी चळवळींना अपरिचित नाहीत. हरीश सदानी हे त्या वर्तुळातलेच. या वर्षीच्या विशेषांकात त्यांनी स्त्री-पुरुष संबंधातील एका पैलुवर लक्ष केंद्रित केले आहे ते म्हणजे मैत्री.
मैत्री विशेषांकासाठी २५०० शब्दांपर्यंत आपण आपले लिखाण हे १२ सप्टेंबरपुर्वी खालील पत्त्यावर पाठवावे
हरीश सदानी, ७०५, परिश्रम बिल्डिंग, भंडार गल्ली, लेडी जमशेदजी रोड, माहिम, मुंबई ४०००१६ भ्रमणध्वनी- ९८७०३०७७४८ विरोपाचा पत्त्ता- harsh267@rediffmail.com

लेखनाविषयी सविस्तर माहिती इथे पहा. चला तर मग उचला टंकनी