सिनेमे

बहू चर्चित असलेलला " द गोट लाईफ " बघितला
आखाती देशात गेलेल्या भारतीय कामगारांची "काफिला" पद्धती मध्ये अतिशय भयानक पिळवणूक , म्हणजे चक्क गुलामगिरी केली जाते यावर चित्रपट आहे,
काळ मोबाईल फोन येण्याच्या आधीचा आहे
चित्रपटातील कामे, चित्रीकरण वगैर उत्तम आहे ( मुख्य अन्यायकारी अरबांचे काम एका खरंच ओमानी अरब कलाकाराने केलं आहे तालिब अलं बलुशी , (अर्थात त्याला त्यामुळे सौदी कडून दम मिळाला हे वेगळे सांगणे ना लागे )

केरळ मधील एक ना शिकलेले कामगार तिकडे जातो आणि गेल्या रात्रीच त्याला कळत कि आपल्याला शहरातील ऑफिस हेल्पर असे काम जे सांगितले तसे नसून एखाद्या गुलामासारखे वाळवंटात मेंढपाळांचे आणि ते सुद्धा अन्ययाकारक अश्या परिस्थिती आहे , सुरवातीची त्याची तगमग दाखवताना दिग्दर्शकाने केरळ मधील हिरव्या वनराईत त्याचं कुटुंबातील आठवणी आणि त्या विरुध ओसाड वाळवंट / रखरखीत पण याचा चांगला उपयोग केला आहे

पण लांबी फार वाटली , रेंगाळलंय तसेच मध्ये मध्ये जाला "कन्टीनुएटी " म्हणजे रंगभूषा वेषभुसहा यातील ती गंडते .. एक वेळी पायात अतिशय जीर्ण बूट असतात तर दुसरया दृश्यात ते तेवढे मळलेलं नास्तात वैगरे , तसेच शेवटी त्याला मदत मिळू लागते तेवहा मदत करणारी लोक त्याला सरळ भारतीय दूतावासाकडे का घेऊन जात नाहीत? हे काही कळले नाही
एकूण जेवढा गवगवा झाला त्या मानाणे कंटाळवाणा वाटलला

Last Holiday हा सिनेमा एका मित्राच्या सुचविण्यामुळे पाहिला.‌ कर्करोगाचे निदान झाल्यानंतर, केवळ दोन-तीन महिन्यांचेच आयुष्य शिल्लक राहिलेल्या एका निम्न-मध्यमवर्गीय नोकरदार मुलीची मजेशीर कथा आहे. (कथेचा शेवट मित्राने आधीच सांगितलेला असल्याने, सिनेमा पाहताना माझा दृष्टिकोन कदाचित बदललेला होता).

मला सिनेमा आवडला; मिपाखरांना पाहण्याची शिफारस करतो.

ह्या गोष्टीला नावच नाही: अशक्य सुंदर चित्रपट आहे. आमची कोल्हापूरची पोरं काय कमाल अभिनय करतात. खूप दिवसांनी आवंढा गिळला एखादा चित्रपट पाहताना. जीवाजवळचा वाटला. प्राइमवर भाड्याने उपलब्ध आहे. अतिशय सुंदर, शांत, गंभीर. संदीप सावंत हा उत्तरोत्तर असेच चित्रपट करत राहो अशी इच्छा.

अमलताश: कोथरूडातल्या wannabe कोरेगावपार्क करांसाठी पेठेतल्या लोकांनी केलेली अतिशय पातळ (तरल) हगवण

moonstruck : एक मस्त रॉम कॉम. नाताळ सुखाचा झाला.

Speed : धमाल पॉपकॉर्न थ्रिलर. Keanu Reeves, sandra Bullock, आणि मस्त गरम गरम दुलई आले + बडीशोप किंवा नुसत्या बडीशोपचा चहा जग भरून.

The Proposal, While You Were Sleeping: पुन्हा एक टिपीकल sandra Bullock रॉम कॉम. ख्रिसमस साठी अत्यावश्यक. थंडीने गारठून आणि अंधाराने बोअर झाल्यावर गरम वाइन चे घुटके घेत पाहायला खूप मजा येते.

The Wild Robot हा ऍनिमेशनपट नुकताच पाहिला. सिनेमात एकही मानवी पात्र नाही. एक-दोन रोबो आणि अनेक लहानमोठे प्राणी हीच पात्रे आहेत.

मालवाहू जहाज फुटून त्यातील रोबोचे पॅकेज एका निर्मनुष्य बेटावर येऊन पडते. त्यातून एक रोबो किंचित अपघातानेच बाहेर पडतो आणि मग तिथे एकच धमाल उडते. मध्यंतरानंतर भावनिक होत जाणारा हा सिनेमा शेवटी शेवटी अनपेक्षित वळणे घेत जातो.

हा सिनेमा पाहायची शिफारस मिपाखरांना करतो.

मागील काही दिवसात पाहिलेले सिनेमे.
गार्गी (तमिळ) २०२२:- नक्की पहावा असा सिनेमा, बलात्काराच्या आरोपात फसलेल्या बापाला सोडवण्यासाठी होणारी मुलीची तगमग. शेवट हलवून सोडतो.

पोलादी आकाश (आयरन स्काय) :- हिटलरचा एक नाझी कॅम्प चंद्रावर असतो नी ते सूड घ्यायला पृथ्वीवर हल्ला करतात. मस्त आहे.

पोलादी आकाश २ (आयरन स्काय -२) ठीकठाक आहे, कुठल्यातरी पुस्तकाच्या आधारावर आहे.

Welcome Home :- अतिशय जास्त हिंसाचार आहे. अंगावर येतो. पाहू नये.

कोकराची शांतता (The silence of the lamb) :- हा जून मास्टरपीस पाहिला छान होता. पहावाच.

प्यासा (१९५७) :- छान होता. कालच्या पुढील सिनेमाच्या यादीत होता.

रॉकेटसिंह:- हा ही छान होता.

तमाशा :- आवडला नाही. (ह्याची थीम काही लोकांना आवडू शकते.)

नाळ :- अतिशय सुंदर सिनेमा. नागराज मंजुळे टच. नक्की पहावा.

महाराजा :- ओल्ड बॉय ची भारतीय नक्कल. पण कथेची मांडणी सुंदर आहे. नक्की पहावा.

नो स्मोकिंग :- जॉन अब्राहमचा काळाच्या पुढच्या सिनेमातील यादीतील हा सिनेमा त्या काळी अनेकांच्या डोक्यावरून गेला असावा. पण मस्त आहे. नक्की पहावा.

लंचबॉक्स:- अतिशय सुंदर सिनेमा. पहावाच असा.

इतक्यातच एक जॅपनीज वॉर मुव्ही सिरीज बघीतली. किंगडम!
https://en.wikipedia.org/wiki/Kingdom_(2019_film)
https://en.wikipedia.org/wiki/Kingdom_2:_Far_and_Away
https://en.wikipedia.org/wiki/Kingdom_3:_The_Flame_of_Destiny
https://en.wikipedia.org/wiki/Kingdom_4:_Return_of_the_Great_General

बंदुका, तोफा यांच्या आधीच्या काळात बेतलेला सिनेमा. पण टिपिकल मार्शल आर्ट मुव्ही नाही. त्यामुळे बघायला मजा येते. विशेषतः व्हीएफएक्स बेमालूमपणे मिसळलेले असल्यानं खास फील येतो.

एक पदच्युत राजा, त्याच्याऐवजी मरणारा त्याचा डिकॉय गुलाम आणि राजाला राज्य परत मिळवायला मदत करणारा, डिकॉयचा जिवलग मित्र. हा राजा आणि हा मित्र यांची स्वतःची वेगवेगळी स्वप्नं आणि ती प्रत्यक्षात आणण्यासाठी त्यांचे प्रयत्न. एवढ्या भांडवलावर सुरु झालेली कथा. हळूहळू अनेक पात्रं कथेत वाढत जातात.
अतिशय वेगवान हाताळणी आणि अप्रतीम वॉर सीन्स! मुख्य म्हणजे सर्व भाग चढत्या क्रमानं चांगले होत जातात.
सध्या पाचवा भाग बनवू घेतलेला आहे. २ वर्षात भारतात दिसेल बहुदा.

मला तरी जाम आवडलेली सिरीज आहे! नेटफ्लिक्स वर उपलब्ध आहे.

राघव, कॉमी, आणी प्रचेतस तुम्ही सुचवलेले जपानीज सिनेमे/ वेब सिरीज हिंदीत आहेत का?

कॉमी तुम्ही दिलेला गृहपाठ पूर्ण केलाय.
अमरेंद्र बाहुबली, हे बघितले नसतील तर नक्की बघा -
1. The departed- हिंदीत मिळाला नाही. इंग्रजीत मूवी एक्सप्लेशन पाहिलं आवडलं. मला लिओनार्डो दी कार्पिओ आणी मॅट डेमन ह्याच्यातला फरकच कळत नव्हता त्यामुळे सिनेमा समजत नव्हता.
2. Gone girl- हिंदीत मिळाला नाही. इंग्रजी एक्सप्लेशन शोधतोय युट्यूबवर. आज संपवेन.
3. Memento- हा आपला गजनी असल्याचे पहिल्या काही मिनिटातच समजल्याने बंद केला.
4. 12 angry men- हिंदीत मिळाला तर पाहीन नाहीतर इंग्रजी एक्सप्लेनेशन .
5. Doctor Strangelove (or how I learned to stop worrying and love the bomb)- हिंदीत मिळाला नाही यूट्यूब एक्सपेलनेशन पाहिलं हिंदीत. छान होता.
6. Prisoner- हया नावाचे बरेच सिनेमे होते. २०१३ चा पाहिला लहान मुलीच्या किडनापिंग चा. आवडला.
7. Nightcrawler- हिंदी एक्सप्लेसनेशन पाहिल आवडलं.
8. Django unchained- पाहतो लवकरच.
9. The Thing- मस्त सायफाय. आवडला.
10. Rosemary's baby- मस्त मस्त आणी मस्तच. भारी भयपट.
हया व्यतिरिक्त आवडला.
(हा प्रतिसाद मी ह्या आधी दिलाय का?)

बरेच सिनेमे पाहिले,हिंदी डब्ड-
१.प्रॉक्झिमिटी- मला साय फाय सिनेमे आवडतात.प्राईमवरचे जवळपास सगळे पाहिले.हा युट्यूबवर पाहिला.जरा अतिच वाटला.पण याचा शेवट...अहाहा... हसून हसून पुरेवाट झाली.का ते समजायला नक्की पहा ;) असो.
२.क्लिक-ठीक आहे,दक्षिण भारतीय संत फाय- टाईम ट्रव्हलवर सिनेमा आहे.नेहमीप्रमाणे दक्षिण भारतीय पॅटर्न एका गोष्टीत अजून एक गोष्ट,मग त्या गोष्टीत अजून एक गोष्ट,जो पर्यंत दिग्दर्शकाचे,लेखकाचे मन भरत नाही तो पर्यंत हे सुरू असते वाटतं.शेवटी विचारावं वाटते,अरे कहना क्या चाहते हो..
३.प्रिझनर -इथे सांगितला होता.आणि तो हिरो मला आवडतो म्हणून पाहिला.पण इन्स्पेक्टरने मनाप्रमाणे त्याच मुलाच्या मागे राहून तपास केला असता तर घटना लवकर सुटली असते.फॉरेनमध्येपण नोकरीत इतकं पॉलिटिक्स?
४.द पेरिफेरल (सिरीज)- गेमिंग+एक आय+ टाईम ट्रव्हलवर जबरदस्त आहे.नक्की पहा.
५.नॉऊ यु कॅन सी मी भाग१ व २- चार जादूगारांच्या अफलातून प्रयोगाचा भन्नाट प्रयोग आहे.

लेकीबरोबर रविवारी एक सिनेमा एक वेब सिरीज पाहिली
१.Mrs.हा हिंदी सिनेमा दक्षिण भारतीय चित्रपट 'द ग्रेट इंडियन किचन' यांचा हिंदी रिमेक आहे.अर्थात नेहमीप्रमाणे मूळ चित्रपट अधिक प्रभावी आहे.बायको म्हणजे स्वयंपाक घरातली स्वैपाकी, घरातली नोकर आणि बेडरूममधली बाहुली अशी वागणूक बऱ्याच जुनाट विचारांच्या लोकांच्या घरात असायची...आताही ती आहे?ठीक आहे,पण या सिनेमातली नवीन लग्न झालेली नायिका नृत्यांगनाही आहे.तीला त्यात पुढे जायचयं पण यातून तिची सुटकाच होईना..शेवटी धीर करून ती सुटका करते.दोन्ही सिनेमातला शेवट सारखाच जबरदस्त आहे,ते..लीकेज वॉटर ...सरबत.. ;)
लेक भरतनाट्यम शिकतेय.हे पाहून ती म्हणाली,मी काही लग्न करणार नाही...नाचू पण देत नाही,नुसता स्वैपाक ;) :)

२.द सिक्रेट ऑफ शिलेदार,नाव जरी इंग्लिश असले तरी हिंदी सिरीज आहे आणि प्रकाश कोयडे यांच्या मराठी कादंबरीवर 'प्रतिपश्चंद्र' या काल्पनिक गोष्टी वरआधारित सस्पेन्स (६/१०) सिरीज आहे.खुप प्रेडिक्टेबल पण मराठी कलाकार,छ.शिवाजी महाराजांच्या इतिहासातील गूढ गोष्ट ३२ मन सोन्याचे सिंहासन,मराठ्यांना मिळालेला विजयनगरच्या खजिना असे धागे असल्याने इंडियाना जोन्स टाईप आहे.

WALL·E (२००८) कुणी पाहिलाय का? पाहण्यासारखा आहे का?

चेकमेट हा जुना मराठी सिनेमा पाहिला! बरा होता! युट्युबवर उपलब्ध आहे.
शेखर होम्स ही शेरलॉक हॉम्सच्या धरतीवर बनवलेली वेब सिरीज पाहिली, कमी बजेटची आहे पण मस्त आहे. छान छान सस्पेन्स!
मंगळवारम हा साऊथचा अनैतीकसंबंधपट पाहिला, नाही आवडला!
खारी बिस्किट हा मराठी सिनेमाही सुरुवातीला ठिकाय पण नंतर क्रिकेट मध्ये घालून पांचट केलाय!
ड्रीम गर्ल हा हिंदी सिनेमा पाहिला, जास्त आवडला नाही.