झटपट न्याहारी

पाककृती मस्तच आहे.

माझी पाककृतीही अशीच आहे....
दह्यात आलं-मिरची पेस्ट, मीठ चवीनुसार मिसळून वरून जिर्‍याची फोडणी द्यावी. किंचीत पातळसर करुन एका काचेच्या पसरट सटात जीरा बटर मांडून त्यावर ओतावे. वरून बारीक चिरलेली कोथींबिर, लाल तिखटाची आणि जिरे पावडरची रांगोळी काढावी.
एकदम झटपट.

एकंदर मि.पा.वर खादाडांना तोटा नाही.

संजय अभ्यंकर
http://smabhyan.blogspot.com/

झकास पा कृ!

सृष्टीलावण्य, आता पेठकरशेठ आणि स्वाताताईच्या संगतीने तुम्हीही मिपाच्या रसोईघरात दाखल झालात याचा आनंद वाटला...

अरे कुणीतरी पानं घ्या रे, मंडळी जेवायची खोळंबली आहेत! :)

आपला,
(भुकेलेला) तात्या.

वा ! सृष्टीलावण्य,
एकदम झकास पाकक्रुती :)
अश्याच साध्या सोप्या पाकक्रुती आणखी येवू देत.
वेळखाऊ पाकक्रुती करायला मला मुळातच कंटाळा येतो
बाकी खाण्याचा कधीच कंटाळा नाही हो :)

राजमुद्रा :)

विसरल्यागेलेल्या पाककृतीची आठवण करुन दिल्याबद्दल धन्यवाद.
एक व्हेरिएशन - "दहीवड्यांवर" वरुन फोडणी टाकल्यास गंमत येते

आपला

मोहन

बरोब्बर ! तेलाचीच.

आपला

मोहन

मी केळफुलाची भाजी काळे वाटाणे घालून करते.
तात्यांच्या मातोश्रींची कशी पद्धत आहे?
वाट पाहात आहे लवकर पाठवा भाजी नव्हे कृती.:)

आजी (आईची आई) अतिशय सुंदर करते केळ फुलाची भाजी. फणसाची भाजी आणि केळफुलाची भाजी... उत्तम करते ती.

इथे, भारतीय दुकानातून मी, टिन्ड कच्च्या फणसाचे तुकडे आणले होते. त्याची शेंगदाणे घालून भाजी केली. चवीला खूप छान झाली होती. पण व्हिनेगर मधल्या फणसाच्या तुकड्यांमुळे घसा खवखवू लागला.. चालायचेच.
तात्यांच्या मातोश्रींच्या केफू च्या भा़जीच्या पाकृ ची मी ही वाट पहाते आहे.
- प्राजु

हं...केळफूलाची भाजी...काय आठवण करून दिलीत.. केळफुलाच्या भाजीत आमच्याकडे डाळिंब्या घालतात.आधीच त्या कावळेचिमण्या वेगळे करा, डाळिंब्या सोला..भरपूर आटापिटा...पण काय झकास भाजी होते...
केळफुलातील पुकेसर वेगळा काढून टाका, नंतर ती चिरा,चिरताना विळी/सुरीला आणि हातालाही तेलाचे बोट लावा म्हणजे राप चढणार नाही.डाळिंब्या (कडवे वाल)सोलून,वाफवून घ्या.केळफूलही वाफवून्/उकडून घ्या.तेलाची फोडणी करून त्यात वाफवलेले केळफूल घाला,नंतर त्यात आधी वाफवलेल्या डाळिंब्या घाला. ओले खोबरे जरा सढळ हस्ते घाला,:) शिजत आल्यावर मीठ,गूळ ,तिखट घाला.कोथिंबीर घाला.
(काही जण यात गोडा मसाला घालतात,आमच्याकडे नाही घालत ह्या भाजीत.)

पाणी सुटले. आता काहीतरी खावेच लागणार.

उद्याचा मेनू दहीवडे. आमच्याकडे पण काळे वटाणे घालून केफू ची भाजी करतात.

कशी करायची हे ही कुणीतरी सांगावे म्हणजे हरिदासाची कथा मूळ पदावर येऊन आणखी कांही झटपट पदार्थ चाखायला मिळतील.

"पानगे " हा काय प्रकार आहे ? कोणी सांगेल क? मी श्री ना पेंडसेंच्या कादम्बरीत वाचले आहे हे नाव.
खास कोकणी...ते ही तळकोकणात बनव्तात म्हणे....