वृक्ष जसा -
अंकुरण्या आधी
बीजस्वरूपी
अस्फुट असतो
बाण जसा-
सुटण्याच्या आधी
प्रत्यंचेवर
सज्ज राहतो
मंत्र जसा -
स्फुरण्याच्या आधी
बीजाक्षरी
निद्रिस्त राहतो
अर्थ तसा
उलगडण्या आधी
शब्दांच्या
निबिडात राहतो
ओथंबून मग
येतो अवचित
कोसळतो अन्
चिंब भिजवितो
प्रतिक्रिया
27 Dec 2021 - 3:35 pm | ज्ञानोबाचे पैजार
सुरेख,
आवडली
पैजारबुवा,
27 Dec 2021 - 5:02 pm | राघव
आवडली रचना. शेवट किंचित तुटक वाटतोय. आणिक एखादं कडवं हवं होतं असं वाटलं.
27 Dec 2021 - 5:19 pm | चांदणे संदीप
अगदी हीच भावना मलापण आली. शेवटचा झोका कसा उंच गेला पाहिजे.
सं - दी - प
27 Dec 2021 - 5:17 pm | चांदणे संदीप
कविता आवडली.
सं - दी - प
27 Dec 2021 - 10:34 pm | कर्नलतपस्वी
शेवटच्या कडव्याने ना धो महानोर यांची " घन ओथंबून येती " आठवले
पिडी ते ब्रह्माडीं
27 Dec 2021 - 11:07 pm | श्रीगणेशा
कविता आवडली. साधी सरळ सोपी.
27 Dec 2021 - 11:40 pm | प्रसाद गोडबोले
+१
अगदी हेच म्हणतो !
कवितेतील अगम्यता , अनाकलनीयता , अव्यावहारिक शब्द जाऊन त्या ऐवजी आलेला साधेपणा नक्कीच वाखाणण्याजोगा आहे ! ही कविता वाचुन कष्टाचं चीज बटर पनीर झाल्यासारखं वाटलं !
पुढील कवितेसाठी शुभेच्छा !
28 Dec 2021 - 8:23 am | प्राची अश्विनी
वाह!
29 Dec 2021 - 4:28 pm | पाषाणभेद
छान आहे.
29 Dec 2021 - 9:01 pm | अनन्त्_यात्री
सर्व कवितारसिकांना धन्यवाद.