आता काही लिहीन म्हणतो.

[मास्तर चतुरंग यांची प्रेरणा आणि मुळ लेखकाची क्षमा मागून]

वाचन खूप झाले, आता लिहीन म्हणतो.
आडून प्रतिसादाच्या गंभीर लिहीन म्हणतो

पेन खिशातला हा मी काढणार आहे
जे जे दिसेल ते ते सारे लिहीन म्हणतो.

बरेच प्रतिसाद आहे मी उधळलेले या जागी
आहेत विचार डोक्यात जे इथे लिहीन म्हणतो

दिवाळी अंकातून मी निर्दोष आज सुटलो ?
(लेख लिहिण्याचा कोणीच आग्रह केला नाही :( )
शब्द शब्द जमा करुन काही लिहीन म्हणतो

सारेच सिद्धहस्त लेखक, ना साधा इथे कोणी
नसलो मोठा तरिही आता लिहीन म्हणतो.

ती टीका नव्हती सदस्यांची कधीच खोटी
समजून गेलो इशारे सारे, तरी लिहीन म्हणतो

माझ्याच लेखनाची आता मलाच हाव आहे
विषय द्या दोस्तांनो, काही जबरा लिहीन म्हणतो

(वृत्त आणि मात्रांचा कवी पूर्ण आदर करतो )