सूर्य दमला, जरा टेकला,
अवनीच्या मग, कवेत शिरला,
रंग बिरंगी नभाळ चादर,
अंगावरती लेवून पहुडला.
सृष्टीचे ते रूप आगळे ,
पाहुनी माझे "मी" पण गळले,
"मी" च नाही तर, "तू" ही कैसा..?
अद्वैताचे रहस्य कळले..!
नकोच आता काही -बाही
शब्दांच्या या कळा पुरे,
नि:शब्दातून अव्यक्ताचे,
रूप होतसे साजिरे...
ॐ चुप्पी !चुप्पी !! चुप्पी !!!
प्रतिक्रिया
27 Apr 2009 - 11:20 am | विसोबा खेचर
नि:शब्दातुन अव्यक्ताचे,
रूप होतसे साजिरे...
क्लास..!
तात्या.
27 Apr 2009 - 11:48 am | उदय सप्रे
झकास !
अपराध (बहुतेक!) नावाच्या मराठी सिनेमातील एका गाण्याची आठवण झाली.....
सुरावटीवर तुझ्या उमटती
अचुक कशी ही माझी गझले
कशास पुससी प्रश्न प्रेयसी
तुला समजले मला समजले !
अप्रतिम शब्द गोखले साहेब !