हिशोब

एकुण खर्च २७०/- झाला २५० बिल + २० टिप
आणि एकुन पैसे प्रत्येकी ९० * ३ = २७०/-
बरोबर तर आहे हिशोब.

प्रत्येकी नव्वद रुपये ,,,, त्यातच टीप धरलेली आहे (included).. परत जास्तीची वीस रुपये टीप का मिळवत आहात?

आपल्या दोन्ही हातांना प्रत्येकी पाच बोटे आहेत, दोन्ही मिळून दहा.
आता एका हाताची बोटे उलटी मोजुयात, १०-९-८-७-६ हे झाले ६ आणि दुसऱ्या हाताची ५ बोटे, एकूण ११ कसे झाले :-/
यामध्ये जी चूक आहे, तीच तुमच्या हिशोबामध्ये आहे :)

एका माणसाला ३ मुले होती आणि त्याने मृत्युपत्रात आपली सर्व ईस्टेट तिघांना समान वाटावी असे लिहिले होते. बाकी सर्व वाटणी झाली, पण त्याचे १७ की कायतरी उंट होते, त्याचे ३ भाग कसे करणार? मग एका शहाण्या माणसाने आपला १ उंट त्यात मिळवला आणि वाटणी केली असे कायतरी गणित होते. कोणी सांगेल का?

भागो,

तुम्ही जे उदाहरण दिलंय त्याचं स्पष्टीकरण असंय की तिघांचे प्रत्येकी ९० रुपये मिळून २७० वजा वेटरचे २० म्हणजे २५० अधिक मालकाची सूट ५० म्हणजे बरोबर ३०० होतात.

आता जरा गंमत करूया. मालकाने समजा ३० रुपयांची सूट देऊन बिल २७० केलं. वेटर मित्रांपाशी ५ रुपयांच्या ३ नोटा घेऊन आला व म्हणाला की एव्हढ्याच नोटा गल्ल्यावर आहेत. उरलेले टिप घेऊ का ? मित्रांनी मोठ्या उदारपणे ते मान्य केलं. आता हिशोब असा दाखवला की प्रत्येक मित्राचे ९५ रुपये धरून ९५ * ३ = २८५. यांत वेटरची टिप १५ रुपये मिळवली की बरोबर ३०० रुपये होतात. हे जे तर्कट लावलंय त्यास इंग्रजीत book cooking म्हणतात.

प्रत्येक मित्राने नव्वद रुपये खर्च केले. म्हणजे एकूण दोनशे सत्तर अधिक वेटरची टिप वीस रुपये. म्हणजे एकूण दोनशे नव्वद झाले. ऑ? मग दहा रुपये कुठे गेले?
प्रिय मित्रांनो, हिशेबात काय चुकले माझे?

दोनशे सत्तर = २५० + वेटरची टीप २० असे गणीत आहे. वेटरची टीप पुन्हा मिळवू नका. आणि प्रत्येकी परत आलेले दहा रुपये असे एकूण तीस रुपये आहेत. त्यामुळे नव्वद रुपये असा हिशेब होतो.
हीच तुमच्या हिशेबातली चूक आहे

एक चप्पल बूट विकणारा दुकानदार असतो. सकाळी दुकान उघडल्या उघडल्या एक माणूस येतो. तो एक बुटांची जोडी निवडतो, आणि "काय किंमत आहे ?" विचारतो. दुकानदार सांगतो, पन्नास रुपये. तो माणूस शंभर रुपयांची नोट देतो. दुकानदार बघतो तर त्याच्या गल्ल्यात पण सुट्टे पन्नास नसतात. म्हणून, तो बाजूच्या कपड्याच्या दुकानात जातो, आणि तिथून शंभर रुपयांची नोट देऊन पन्नासच्या दोन नोटा आणतो. गिऱ्हाईक बूट आणि पन्नास रुपये घेऊन निघून जातो.

त्याच दिवशी, नंतर कपड्याचा दुकानदार चपलाच्या दुकानदाराकडे येतो आणि म्हणतो ही शंभर रुपयांची नोट खोटी आहे. मला माझे पैसे परत द्या. चपलाच्या दुकानदाराला निमूटपणे पैसे द्यावे लागतात.

तर, आपल्या दुकानदाराचे एकूण नुकसान किती झाले ?
खोटी नोट १०० + बूट ५० = १५० असे उत्तर बऱ्याचदा येते.