ज्या प्रश्नांना नसते उत्तर
तेच मला खुणविती निरंतर
अज्ञेयाच्या पल्याडून कुणी
म्हणते,"यातून सुटका नाही"
तीन मितींची अभेद्य कारा
तिचे दार किलकिले उघडुनी
बघती प्रतिभावान थोडके
तेही म्हणती,"सुटका नाही"
तुंदिलतनु तुपकट ध्येयांची
हाक ऐकुनी डळमळते मन
उनाड भटकी पायवाट मग
खेचून म्हणते,"सुटका नाही"
प्रतिक्रिया
11 Jun 2021 - 6:22 pm | गॉडजिला
No escape
12 Jun 2021 - 7:16 pm | अत्रुप्त आत्मा
अगदी वस्तुस्थिती निदर्शक
14 Jun 2021 - 3:34 pm | ज्ञानोबाचे पैजार
सुटका नेहमीच भ्रामक असते का?
सुटका नेहमीच भ्रामक का असते ?
पैजारबुवा,
14 Jun 2021 - 3:43 pm | गॉडजिला
भ्रामकतेमुळे असते
26 Jun 2021 - 12:55 am | पाषाणभेद
छान आहे काव्य. अर्थगंभीर.
27 Jun 2021 - 11:23 am | अनन्त्_यात्री
मन:पूर्वक धन्यवाद.