"अरे, आतातरी 'खो' दे ।"

म्हणूनच म्हटलं "अरे, आतातरी 'खो' दे ।"

भरधाव गाडीने उडवून दिल्यावर
विव्हळत होता तिथेच -तसाच
ओलांडला देह त्याचा,
गाडीइतक्याच
वेगाने पळणा-या देहांनी,
माणसांनी नव्हेच....

म्हणूनंच म्हटलं 'खो' दे आता,
डोळे असून आंधळे असलेल्यांना!

बघ,हात बटबटलेत तिचे मातीने
त्याच हाताने वेचतेय शिते
कोँबड्यांना घातलेली
तिच्या पोटात जात नाही काही
पण तीच्यामूळे पोट भरतंय डासांचं
उघड्या देहावर बसलेली कीटकांची पालं
अरे, दिसतात ना तुला ते
जास्त खाऊन ओकणारे
मग दे 'खो' त्यांनाही

बघ,बघ चुरगळली की तिला
जग हसलं तीलाच
विचारत फ़िरले 'रेट'
झालं मेल्याहून मेल्यागत
चुरगळणारे पाय मात्र हींडले
अजून एखादं फूल धुंडाळत
ती मात्र अशुदध राहीली
हजारदा आंघोळ करूनही.
आता दे 'खो' त्यांना
ज्यांनी डोळे विस्फारून करून दिली,
तिला तिच्या नग्नतेची जाणीव...

राब-राब राबतो रे तो रात्रंदिवस
तरीही रोज झुरतो प्रत्येक रात्री
बाळाच्या उपाशी पोटाची ओरड ऐकून
अरे,बघ तूला नाही ऐकू येत?
दे ना 'खो' त्यांना
ज्यांनी राबवंलं त्याला

दे 'खो' ह्याला, त्याला
अगदी मलाही,
निश्चल बसलेल्या प्रत्येकाला....

हर्षदा....