आज अंगारकी चतुर्थी निमित्त गणेशाची पूजा करू ..
|| गणेश पूजा ||
चला करू गणेशाचे आज पूजन
नवविधा भक्तीने आपण करू त्याचे अर्चन || धृ.||
दहा इंद्रियांनी करू मानस पूजा
नसे तुजवीण भाव दुजा ||१ ||
दुग्ध घृत मधु दही शर्करा स्नाने
अभिषेक करतो मी मनोभावाने ||२ ||
दुर्वा जास्वदीं फुले अर्पूनि चरणी
आरती करूया धूप दीप लावूनी ||३ ||
निनादति मंगल वाद्ये ताल मृदूंग वीणा वाजे
वैभव नमितो गणेशा रूप सुंदर साजे ||४ ||
प्रतिक्रिया
7 Nov 2017 - 7:36 pm | सूड
आम्हाला पाच आणि उरलेलं गट फीलींग धरलं तर सहा. दहा कसे काय व्बॉ?
8 Nov 2017 - 10:13 am | ज्ञानोबाचे पैजार
दहा तर दहा तुला काय फरक पडतो रे? त्या पेक्षा भावना बघ त्या जास्त महत्वाच्या...
आरती प्रचंड आवडली आहे
पैजारबुवा,
8 Nov 2017 - 11:09 am | खेडूत
जोडीनं पूजा केली की धा होणार नाहीत का? शिंपल...
8 Nov 2017 - 11:15 am | ज्ञानोबाचे पैजार
पॉइंट आहे
पैजारबुवा,
8 Nov 2017 - 11:23 am | विशुमित
ha ha ha ..!!
8 Nov 2017 - 11:46 am | सूड
दूर्दृष्टी!!
8 Nov 2017 - 11:53 am | अनन्त्_यात्री
वापर करून करतात ती ऐंद्रिय पूजा असते- मानस पूजा नव्हे. मग (दहा अथवा कमी-जास्त) इंद्रियांनी मानस पूजा कशी करता येईल ही शंका येत आहे. की मन हे एक इंद्रियच गृहित धरले आहे? कवी / तज्ञांनी मार्गदर्शन करावे.
8 Nov 2017 - 12:01 pm | ज्ञानोबाचे पैजार
वेळेला केळ आणि उपासाला सिताफळ अशी एक म्हण आहे.
तदनुसार कधी कधी इंद्रीयांची मानसपूजा करायची वेळ येउ शकते माणसावर
पैजारबुवा,
8 Nov 2017 - 1:07 pm | अत्रुप्त आत्मा
=))
8 Nov 2017 - 2:20 pm | अनन्त्_यात्री
||आपल्या मर्मग्राही मार्गदर्शनामुळे अभूतपूर्व अंतर्दृष्टी मिळाली. शब्दांचे वैयर्थ्य व संकल्पनांमधील परस्परसंबंधांची यथार्थ कल्पना आली||
||धन्यवाद ||
:)
8 Nov 2017 - 3:36 pm | सूड
त्या मानसपूजेवरही एखादी फक्क्ड कविता येउदेत. ईक्षुदंडांसह!! ;)
8 Nov 2017 - 4:19 pm | अनन्त्_यात्री
टायटल तर ठरले. आता फक्कड कवितेचे शिवधनुष्य उचलण्याची व त्यास प्रत्यंचा लावण्याची नम्र विनंती मिपाविडम्बनशिरोमणींना करण्यात येत आहे. फार कळ सोसायला लावू नये.