गावाकडच्या मावळतीचे
…….रंग बिलोरी
प्रसन्न पिवळे, गडद गुलाबी
निवांत निळसर, कबरे करडे
पाहून निवती माझे डोळे
…....निब्बर शहरी
प्रसन्न पिवळ्या संध्याकाळी
खेळ अ॑गणी रंगुनी जावा
दावण तोडुन, आचळ सोडुन
....अचपळ गोऱ्हा
.....पिऊन वारा....
उधळत जावा
गडद गुलाबी संध्याकाळी
शुक्र जरासा तेजाळावा
उडता उडता पुन्हा थव्याची
.........नक्षी मोडुन......
.........चुकार पक्षी......
उतरून यावा
निवांत निळसर संध्याकाळी
फड गप्पांचा मस्त जमावा
सळसळ रोखून वृद्ध वडाने
........टाळीसाठी........
.......पारंबीला.......
झोका द्यावा
कबऱ्या करड्या संध्याकाळी
धूसर ढग ओथंबुन यावा
पायतळीच्या वाटेवरचा
.......भिरभिरणारा.......
........एक काजवा.......
लखलख व्हावा
प्रतिक्रिया
30 May 2017 - 2:57 pm | संजय क्षीरसागर
.
30 May 2017 - 3:16 pm | एस
छान कविता. आकृतिबंधदेखील आशयाइतकाच सुंदर आहे.
30 May 2017 - 5:41 pm | पद्मावति
फार सुरेख जमलीय कविता. अर्थपूर्ण, लयबद्ध आणि अतिशय प्रसन्न.
पहिल्या कडव्यात काही रंग छटान्चा उल्लेख करून नंतर एक एक करून त्या रंगावर एकेक कडवे रचलेय ही कवितेची रचना खूप आवडली.
21 Jun 2017 - 2:35 am | सत्यजित...
कविता वाचतानाच,कवीच्या कुंचल्याने चितारलेले चित्र,त्यातिल विविध रंग-ढंग,त्यांच्या च्छटा ई. बारकाव्यांसह पाहू शकणारा,आपल्यातील रसिक वाचक,अत्यंत अभिनंदनीय आहे!
याआधीही,काही कवितांवर आपण दिलेल्या प्रतिसादांत ही बाब जाणवते!
30 May 2017 - 5:55 pm | स्पा
जबरदस्त खुप आवडली
31 May 2017 - 10:32 am | अनन्त्_यात्री
स॑जय, एस, पद्मावति, स्पा
-आपल्या प्रतिसादाबद्दल मनःपूर्वक धन्यवाद!
31 May 2017 - 11:48 am | पुंबा
झकास..
खुप खुप आवडली.
रादर मिपावरिल सर्वाधिक आवडलेल्या कवितांत ही असेल.
विलक्षण चितारलायत तो सारा माहौल तुम्ही.
धन्यवाद.
31 May 2017 - 1:28 pm | अनन्त्_यात्री
_____/\_____
31 May 2017 - 3:13 pm | अत्रुप्त आत्मा
अप्रतिम!
31 May 2017 - 3:55 pm | प्राची अश्विनी
अगदी चित्र उभं केलंत. खूप आवडली कविता.
21 Jun 2017 - 9:57 am | अभिजीत अवलिया
+१
31 May 2017 - 7:07 pm | पिशी अबोली
लयबद्धता फार आवडली, आणि कवितेचा फॉर्म तर विशेष आवडला. ज्या सहजपणे वर्णन केलेत, त्यावरून तर बाकीबाब आठवले..
अवांतर-बिलोरी म्हणजे नक्की काय?
31 May 2017 - 8:29 pm | अनन्त्_यात्री
-बिलोरी = crystalline = नितळ.
-मोल्स्वर्थ च्या मराठी-इ॑ग्रजी शब्दकोषानुसार बिलोर हा शब्द पर्शिअन भाषेतून मराठीत आला आहे.
-बाकीबाबा॑च्या शब्दकळेची जातकुळीच वेगळी अन अतुलनीय !
31 May 2017 - 8:48 pm | अनन्त्_यात्री
____/\_____
31 May 2017 - 9:29 pm | पैसा
खूपच छान लिहिलंय!
31 May 2017 - 10:19 pm | प्रीत-मोहर
__/\__
कवितेचा फॉर्मॅट, आशय, तिचं चित्रस्पर्शी असणे हे सगळंच खूप जास्त आवडलय. असेच लिहिते रहा.
ह्यच्याशी सहमत!!
31 May 2017 - 10:21 pm | उल्का
खूप आवडली.
1 Jun 2017 - 1:46 am | रुपी
सुरेख कविता!
1 Jun 2017 - 9:12 am | अनन्त्_यात्री
____/\_____ !
2 Jun 2017 - 6:59 pm | सूड
सुंदरच!!
2 Jun 2017 - 8:32 pm | अनन्त्_यात्री
____/\____
3 Jun 2017 - 7:09 am | सानझरी
सुरेख कविता.. खूप आवडली!!
लिहीत रहा.
3 Jun 2017 - 10:56 am | अनन्त्_यात्री
_______/\_______
3 Jun 2017 - 5:07 pm | मितान
खूप आवडली !
3 Jun 2017 - 9:55 pm | दशानन
छान कविता, आवडली.
3 Jun 2017 - 11:07 pm | स्पा
परत वाचली परत आवडली
शेवट एकदम गूढसा ,:)
4 Jun 2017 - 9:24 pm | अनन्त्_यात्री
धन्यवाद!
21 Jun 2017 - 2:24 am | सत्यजित...
क्या बात है! क्या ब्बात है!!
21 Jun 2017 - 10:34 am | अनन्त्_यात्री
प्रतिसादा॑बद्दल धन्यवाद !
26 Sep 2017 - 11:01 pm | दिनेश५७
अप्रतिम रे...
27 Sep 2017 - 9:22 am | अनन्त्_यात्री
दिलेल्या प्रतिसादाबद्दल धन्यवाद!
27 Sep 2017 - 10:10 am | यशोधरा
सुरेख!
27 Sep 2017 - 10:37 am | अनन्त्_यात्री
____/\___