वणवा

Primary tabs

पद्म's picture
पद्म in जे न देखे रवी...
18 Apr 2017 - 1:05 pm

ज्वाळा या वणव्याच्या, स्पर्शिती रान सारे
बापाविना जन्मला हा, कोण त्यास आवरे....

भासती भ्रमितांना, मुखवटे हिरवळीचे
धीरास जाण आहे, हे खेळ दिखाव्याचे....

बागडे पैलतीरी, पाहून आक्रोश
बीज आहे तेथेही, आंधळा सत्यास....

उडुनी जावे दूर, मार्ग एक आहे
हृदयग्रंथी जपून, निवाराच अंत पाहे....

अंधकार ज्ञानाचा, मी मात्र उरेन
भस्मसात जाहले ते, तरी एकटा जगेन....

मेघ येती घेऊन, आशा नव्या युगाची
मंदभाग्य ते थोर, ज्यांना जाच स्वातीची....

करुणा थोर आहे, फिकीर त्या जीवांची
कल्पातही दुर्मिळ, प्रतीक्षा 'त्या' घनाची...

कविता

प्रतिक्रिया

शार्दुल_हातोळकर's picture

18 Apr 2017 - 4:22 pm | शार्दुल_हातोळकर

छान आशय !!

पैसा's picture

18 Apr 2017 - 5:10 pm | पैसा

छान!