ती फुलंराणी,
सुगंध वेचणारी.
ती स्वच्छंदी,
आनंद उधळणारी.
चंद्रताऱ्यांचं वेड तिला,
ती माझं आभाळ उजळवणारी.
ती पणती,
अंधार गिळणारी.
ती अबोली अबोल,
पण मनातले भाव टिपणारी.
ती थंड झुळूक वाऱ्याची,
नभाला पाझर फोडणारी.
ती मोती शिंपल्यातला,
ती अथांग सागर प्रेमाचा,
ती गुलमोहर,
ती रानफुलं,
ती सोनाली,
ती सोनफुलं.....
(Dedicated to my wife)
प्रतिक्रिया
9 Nov 2016 - 11:36 am | चांदणे संदीप
कविता खूपच सुंदर आहे! धन्यवाद आणि अभिनंदन!! :)
Sandy
9 Nov 2016 - 1:19 pm | नीलमोहर
पत्नीसाठी इतकी सुंदर कविता लिहिणारा पती लाभल्याबद्दल तुमची पत्नी,
आणि जिच्यासाठी कविता लिहावीशी वाटावी अशी सखी लाभल्याबद्दल तुम्ही,
दोघेही नशीबवान आहात :)
9 Nov 2016 - 1:36 pm | Jabberwocky
धन्यवाद :)
9 Nov 2016 - 7:40 pm | ज्योति अळवणी
सुंदर कविता