एक उर्दू गझल - जो ठिकाना हैं हमारा

अनुवाद नाही; पण तसंच काहीसं सुचलं.

जिथे जात असू तेच गंतव्य आहे
मातीत मातीस भवितव्य आहे
हवेच्या सवे वाहणे हीच नीती
इथे हेलकाव्यात कर्तव्य आहे
न प्यारा परार्थ न स्वार्थाशी सख्य
भटकणेच याच्याहुनी भव्य आहे
न जातील अश्रू असे व्यर्थ माझे
बहर आणणारेच ते द्रव्य आहे
शहाणे कधी जाणले ना बिचारे
वेडात जे दिव्य माधव्य आहे

- अपूर्व ओक

मस्त जमलीये पण थोडे उर्दू शब्द असल्यास अजून जास्त मजा आली असती

खूपच सुंदर , गजल आणि खाली प्रतीक्रीयेतली कविता सुद्धा !!