मला पडलेले काही गंभीर काही चिल्लर व काही किंचीत थिल्लर प्रश्न

जर मिपाकरांनी मनावर घेतले तर हा लेख रोहित शर्मा सारखा रेकॉर्ड्ब्रेक करेल \m/

एवढे प्रश्न डोक्यात ठेवून, कसे काय जगतात लोकं? असा प्रश्न का नाही पडला?

पहिला प्रश्न वाचला आणी......
संपलो.
टक्या पम्या सगा माप यारे खांदा द्यायला

१६. कॅलिडोस्कोप

बाकी सगळ्यांचं उत्तर एकच 'माहित नाही'! ;-)

१०. राजू परुळेकर सध्या फेसबुकवर असतात आणि सक्रीय असतात.
२२. राजू परुळेकरांनाच फेसबुकावर विचारा.

६. सिल्क रूट चा लीड गायक मोहीत चौहानचं बरं चाललंय. सध्याच्या आघाडीच्या गायकांपैकी आहे. इला अरूण पण अधेमधे दिसत असते इकडेतिकडे, अभिनय वगैरे करत असते. बाकी माहीत नाही.

आगागागागागागागा..... पार डोस्क्याची आळंदी करुन टाकली कि वो तुम्ही!

जाऊ द्ये ना ह्ये सगळं....निवां.......त पडा बरं कुटं तरी सावलीला!

प्रश्न कळले. (म्हंजे असं वाटतं खरं. टायटलचा आणि लेखाचा काय संबंध असा एक प्रश्न पड्ला आहे.)

सहकार्य कसलं म्हंटा ते नाय कळ्ळं. जरा तेही सांगताल तर आभार योग्य जागी पोचतील असं वाटतं.

चांगली अत्तरे मुंबईत कुठे मिळतात.
उत्तर :-मोहम्मद अली रोड, नागपाडा { मी माझी बरीचशी अत्तरे माणिकलाल [इंदुर] इथुन घेतो.}

चांगल्या सुंगधाची पारख कशी करावी.
उत्तर :-अर्थातच हुंगुन ! :P

कुठला सुगंध पुरुषाला धुंद करतो ?
उत्तर :-हॅहॅहॅ... तसे बरेच आहेत. आवड अपनी अपनी ! ;)

अरोमा थेरेपी मध्ये वापरलेली तेले मिळण्याचे रीलायबल ठीकाण मुंबई त कुठले ?
उत्तर :-बहुतेक मस्जिद बंदर.

त्यातील कुठले स्ट्रेस बस्टर म्हणुन उत्तम असते ?
उत्तर :-लव्हेंडर

सर्वोत्तम अगरबत्ती कुठली ?
उत्तर :- मेरुकु वुड्स, म्हैसुर किंग इं मसाला अगरबत्ती आवडतात, सेंटेड डोक्यात जातात.

मदनबाण.....
आजची स्वाक्षरी :- आप की कशिश सरफरोश है.... आप का नशा युह मदहोश है ;) {Aashiq Banaya Aapne }

४-मराठी अभिनेत्रींमध्ये स्तंभलेखनाची (वा लेखनाची) परंपरा जुनी आहे का ?

असावी. हंसा वाडकरांच्या 'सांगत्ये ऐका' पासून ही परंपरा सुरू झाली असावी.

डु नॉट वरी ऒ ब्युटिफ़ुल प्लॅनेट
ह्युमन रेस इज नॉट इम्मॉर्टल !

बाकी धागा लेखावर ओझरतीच नजर टाकली, हि शेवटची ओळ मात्र मस्त आहे त्या साठी दाद आणि उधृत करण्यासाठी धन्यवाद.

मराठी अभिनेत्रीत काही काळ सोकूल या नावाचा स्तंभ सोनाली कुल्कर्णी लिहीत होत्या. सध्या सई परांजपे आणि अमृता सुभाष यांचे स्तंभ लोकसत्ता आणि मटा मधे येतात

अत्तराचा गंध वेगळ्या व्यक्तीना वेगवेगळा येतो. त्याची तीव्रता कमी जास्त होते.
हे असे होण्याचे कारण म्हणजे प्रत्येकाच्या त्वचेचे तापमान, स्नीग्धता आणि ओलसरता.
अत्तर पारखायचे असेल तर ते प्रथम मनगटाच्या सुरवातीला थोडे लावावे. साधारणतः एक मिनिटानंतर त्याचा अचूक गंध यायला लागतो. तीन चार वेगवेगळ्या अत्तरांचा गंध हुंगल्या नंतर नाकाचे सेन्सेशन कमी होते. त्यासाठी दोन मिनिटे थाम्बून कोरी कॉफी पावडर हुंगतात. आणि नव्याने अत्तराचा गंध घेतात. अशाने नाकाचे सेन्सेशन पुन्हा पहिल्यासारखे होते.
( अवांतरः असाच काहीसा प्रकार वाइन/दारू चे टेस्टर सुद्धा करतात. जिभेवरील ऋचिकलीका रीफ्रेश करण्यासाठी मीठ चाटतात )

आपल्याकडे नैसर्गीक अत्तरे करताना बहुतेकदा मिडियम म्हनून चम्दनाचे तेल वापरतात. परदेशात व्हॅनिला ऑईल वापरतात.

>>कुठला सुगंध पुरुषाला धुंद करतो ?
याचा विचार करण्याची कधी गरज पडली नाही.

>>ब्रायडल (नववधु श्रुंगार) मेकअप चे पॅकेजेस कीती किमंती पर्यंत हायएस्ट जाउ शकतात ?
लग्न झाले असेल तर हा प्रश्न पडायची गरज नाही. नसेल तर करुन बघा, परत इथे येऊन प्रश्न विचारायची गरज पडणार नाही.

>>व्हेंटीलेशन च्या बाबतीत हा पायजामा वापरण्याचा अनुभव कसा आहे ?
आम्ही अर्धी चड्डी घालून पुणे ते कोल्हापूर, पुणे ते मुंबई/माथेरान असा प्रवास करत असतो. पायजमे वापरायची कधी गरज पडली नाही.

>>याच्या आत हि काही घालाव लागत की तोच पुरेसा असतो?
तुम्ही किती संयमी आहात त्यावर त्याचं उत्तर अवलंबून आहे.

>>माझे आवडते मराठीतले महान मुलाखत कार राजु परुळेकर सध्या कुठे आहेत?
माझा आवडता कप, आवडता शर्ट घरात कुठे ठेवलाय हे माझं मला माहित असतं. सदर मुलाखतकार तुमचे आवडते असल्याने त्याची माहिती तुम्हाला असणं अपेक्षित आहे.

>>इनसेक्ट्स स्मगलींग मध्ये कुठल्या कीटकांच स्मगलींग सर्वात जास्त होत ? त्यांची किंमत कीती पर्यंत जाते ? यात कुठल्या विषयातील तज्ञ कीटक ओळखण्यासाठी लागतो ? भारतात यापैकी कुठले कीटक उपलब्ध आहेत ? भारतातुन कुठुन हे कीटक गोळा केले जातात ?
कीटक गोळा करणे, स्मगलिंग करणे किंवा विकत घेणे कसलाही अनुभव नसल्याने उत्तर माहित नाही.

>>हंसांविषयी जे सांगितल जात की हंसां च जोडपं हे आयुष्यभर एकत्र राहत कधीच एकमेकांना सोडत नाही दो हंसो का जोडा हे नुसतच कविकल्पना आहे की अस खरोखर असत ? हंसांमध्ये व्याभिचार नसतो का ?
स्वतः मेल्याशिवाय स्वर्ग दिसत नाही. तेव्हा हंसाचा जन्म घ्या म्हणजे तुम्हाला कळेल किंवा मला कधी हंसाचा जन्म मिळाला आणि चुकूनमाकून भेटलातच पुन्हा तर मग मी सांगू शकेन.

>>काळ्या मुंग्या व्यवस्थित पाळायच्या आहेत कशी माती कसे अन्न काय काय व्यवस्था करावी लागेल ?
आम्ही साखर, चहा सांडतो. मुंग्या येतात, खाऊन जातात. तुम्हाला त्या 'व्यवस्थित' पाळायच्या असल्याने माहीत नाही. (स्वगतः व्यवस्थित या शब्दावरुन तुमचा बोलविता धनि कोण याची थोडी कल्पना आली आहे.)

>> रांगोळी काढतांना रेषा फ़ार जाड जाड पडतात, त्यासाठी रांगोळी पेन प्लास्टीकचा वापरुन बघितला पण जमत नाही. बारीक रेघ उमटण्यासाठी चिमुट कीतीही हळु सोडली तरी रांगोळी जास्त सांडुन रेघ जाड होते ? यावर काही उपाय आहे का ?
देवदिवाळीच्या दिवशी रांगोळी काढणार आहे, शिकवतो तुम्हाला.

>>मंगलमय क्षणांचे सोबती त्या कालावधीत कल्पनेच्या पातळीवर प्रामाणिक असतात का ?
अनुभवशून्य असल्याने, माहित नाही.

टीपः नेहमीसारखेच त्याचा काय उपयोग करणार असे विचारुन सोडून देणार होतो. म्हातारी मेल्याचं दु:ख नाही पण काळ सोकावायच्या भीतीतून हा प्रतिसाद प्रपंच. तुमचे अजूनही प्रश्न येऊ देत.

१-चांगली अत्तरे मुंबईत कुठे मिळतात.

हा विषय जिव्हाळ्याचा आहे. मुहम्मद अली रोड वर अनेक दुकानं आहेत. ए ए अत्तरवाला प्रसिद्ध. गिवेन्ची, अरमानी पासून मजमूहा, फिरदौस सारख्या अनेक प्रसिद्ध सुगंधांची बेस अत्तरं मिळतात. ठाण्यात घोडबंदर रोडच्या टोकास फाउंटन हॉटेल आहे तिथे असलेल्या दुकानातही मिळतात. मी घेतो. माझी फेवरेट - डनहिल डिजायर रेड. आणि एव्हरग्रीन ब्रूट. बॉस ओरिजिनल पण खलास आहे. अचरट स्ट्राँग हवं असेल तर मॅग्नेट किंवा ५५५ ट्राय करा.

चांगला सेंट तीन पातळीत बघतात. बेस नोट, मिड नोट, टॉप नोट असं काहीसं. मला फारसं ज्ञान नाही त्यामुळे इथेच थांबतो. बाकी मंडळी सांगतीलच. माझा एक बालमित्र या क्षेत्रात आहे, तो मला मार्गदर्शन करत असतो. हा पर्फ्यूम घे तो घे. असं.

१) चांगली अत्तरे मुंबईत कुठे मिळतात. चांगल्या सुंगधाची पारख कशी करावी. कुठला सुगंध पुरुषाला धुंद करतो ? अरोमा थेरेपी मध्ये वापरलेली तेले मिळण्याचे रीलायबल ठीकाण मुंबईत कुठले ? त्यातील कुठले स्ट्रेस बस्टर म्हणुन उत्तम असते ? सर्वोत्तम अगरबत्ती कुठली ? ऑथेंटीक मेलीस्सा ऑइल कुठे मिळेल ? कसे ओळखावे >>>>>>
मशिद बंदरला "A A Attarawaalaa" आहे. लई म्हणजे लईच फेमस आहे.तिथुन अत्तर घ्या.
वर बाकीच्या प्रश्नांना मदनबाणाने बाणेदारपणे उत्तर दिलेत ती बरोबरच आहेत.
अरोमा थेरेपी मध्ये वापरलेली तेले मिळण्याचे रीलायबल ठीकाण मुंबईतच मस्जिदबंदरला उतरल्यावर त्या ए.ए. अत्तरवाल्याच्या लाईनलाच कॉस्मेटीकचे लई मोठे दुकान आहे. मला वाटते तो एकमेव स्टोकिस्ट असावा भारतातल्या सगळ्या कं. च्या कॉस्मेटीक प्रोडॅक्टचा.

सर्वोत्तम अगरबत्ती कुठली :- अंबिका हेवन लावुन बघा सगळ्यात महाग आहे असे मला वाटते. सर्व प्रकारच्या अगरबत्ती मिळण्याचे ठिकाण म्हणजे माटुंगा पुर्व अगदी लायनीत दुकाने आहेत.

२-मकाऊ व लासवेगास मधील कॅसिनोमधील जुगाराची सर्वात कॉम्प्लेक्स मशीन कुठली? जुगाराचा सर्वात चॅलेंजींग गेम कुठला ? का ? कसा खेळला जातो ? त्यात मानवी क्षमतेचा रोल कितपत असतो ?>>>>

काहीही नाही तुम्ही कितीही चांगलं खेळा त्यावर कॅसिनोच्या मालकाने ठेवलेल्या माणसांचा हात असतो की तुम्ही ठराविकच रक्कम जिंकु शकता.

४) अभिनेत्रींमध्ये स्तंभलेखनाची (वा लेखनाची) परंपरा जुनी आहे का ? त्यात कोणकोण आहे? उदा. गेला बाजार स्मिता पाटील सद्य बाजार स्प्रुहा जोशी अजुन कोण आहेत?>>>>>

आहेत की लालन सारंगचे " जगले जशी " आहे. कांचन घाणेकार काशीनाथ घाणेकाराच्या
बायकोचे " नाथ हा माझा" काहीसे नावाचे आहे.

७) पट्यापट्याचा टीप्पीकल डिझाइनचा मध्यमवर्गीय फ़ेम अभिजात पायजामा मुंबईत कुठे शिवुन मिळतो?

दादरला "शहाडे आणि आठवले" मध्ये कापड मिळेल. शिंप्याला पैसे दिल्यावर कोणतही शिंपी देईल की शिवुन.

याच्या आत हि काही घालाव लागत की तोच पुरेसा असतो? >>>> ज्याच्या त्याचा प्रश्न. जास्त व्हेंटीलेशन हवे असल्यास घालुन समुदावर फिरायला जा.

१२ -सुथबी, ख्रिस्तीज सारख्या लिलाव करणारया कंपन्या एखाद्या वस्तुच्या एन्टीक व्हॅल्यु ची मुल्यनिश्चीती कशी करतात ? यासाठी कुठले निकष वापरले जातात? विशेषत: चित्रांची व्हॅल्यु कशी ठरविली जाते>>> कॉलींग विजुभावु , चतुरंग काका

http://www.boseindia.com/home/ ला भेट द्या आणि तुम्ही स्वतःच ठरवा कोणती सिस्टिम तुम्हाला हवी आहे ती पैसा आणि सुस्पष्ट आवाज या सगळ्याच बाबतीत.

रचक्याने तुम्ही हेडफोन लावा ना कशाला शेजारच्याला फुकट ऐकवता शिवाय ध्वनी प्रदुषण होइल ते वेगळंच ( कृ. ह. घ्या.)

१६-पुर्वी जत्रेत एक खेळणं मिळायच बांगडीचे रंगीत तुकडे वापरुन व भिंग काच मला वाटत वापरुन त्याच्या एका बाजुला नुसते तुकडे बांगड्याचे असायचे व दुसरया बाजुने फ़िरवुन बघितल काचेतुन की वेगवेगळे अनेक सुंदर पॅटर्न्स सुंदर डिझाइन्सचे दिसायचे हे खेळण कुठे मिळेल? याच नाव काय? हे घरी बनविता येईल काय >>>

हो माझ्या मुलाने ४थीत असताना शाळेत प्रोजेक्ट मध्ये बनवलं होतं अजुनही त्याच्याकडे आहे. त्याला वर

येसवायजींनी सांगितल्याप्रमाणे " कॅलिडोस्कोपच" म्हणतात. तुम्हाला हवा असल्यास त्याचे सुटे भाग कोणत्याही स्टेशनरीच्या दुकानात मिळतात. ते घरी आणुन फक्त जोडायचे. अगदिच नाही जमलं तर डीडीवरचा जुना गजरा कार्यक्रम बघुन त्यावर आपली तहान भागवा.

बाकीचे प्रश्न पास.

१५-बोस च्या साऊंड सिस्टीम्स मध्ये घरातील होम थिएटर मध्ये घेण्यासाठी सर्वात चांगली सिस्टीम कुठली आहे ? कुठल मॉडेल आणि काय वैशिष्ट्य आहेत बोस च्या साउंड सिस्टीम्स ची ? म्हणजे कुठल्या बाबतीत हि सिस्टीम उजवी आहे नेमकी ?

बोस..... बोस आता (आय मीन बास आता) यापुढे काय बोलायचं.

एव्हरीथिंग इज ग्रेट अबाउट इट सर. इन्क्लूडिंग द प्राइस. चाळीस एक हजाराला २.१ सिस्टिम येते. For true audiophiles. क्रिस्टल क्लियर साउंड. हियर इट टू फील इट. सांगून कळणे नाही.

इतर पर्याय सुचवू का? यामाहा, डेनॉन, मिळाल्यास फोकल, किंवा क्लिप्श
ग्रेट आउट्पुट.

कोणाला चांगला परफ्युम ट्राय मारायचा असेल तर...
Elizabeth Arden चा Red Door Perfume पहाच... मी माझ्या बायडीला घेउन दिलेल्या गिफ्ट पैकी हे एक होत. :)

मदनबाण.....
आजची स्वाक्षरी :- आप की कशिश सरफरोश है.... आप का नशा युह मदहोश है ;) {Aashiq Banaya Aapne }

मराठीमध्ये केवळ चित्रपट किंवा नाट्यक्षेत्रातले अभिनेते/नेत्रीच नव्हेत तर या क्षेत्राशी संबंधित इतर अनेकांनी आत्मचरित्रपर लिखाण केले आहे. जुन्या काळातले वसंत शांताराम देसाई, गजानन जागिरदार, केशवराव धायबर, लीला चिटणीस, स्नेहप्रभा प्रधान, हंसा वाडकर, वी.शांताराम(लिहवून घेतलेले), हरिभाऊ मोटे, विश्राम बेडेकर, अलीकडचे श्रीराम लागू, याव्यतिरिक्तही अनेक आहेत.
निशिगंधा वाड, मृणाल कुलकर्णी, सोनाली कुलकर्णी, अमृता सुभाष, यांनी मासिके/दैनिकांमध्ये स्तंभलेखन अथवा अतिथी संपादन केले आहे.

-पट्यापट्याचा टीप्पीकल डिझाइनचा मध्यमवर्गीय फ़ेम अभिजात पायजामा मुंबईत कुठे शिउन मिळतो ?त्याचे चांगले कापड व शिंपी मुंबईत कुठे आहेत? व्हेंटीलेशन च्या बाबतीत हा पायजामा वापरण्याचा अनुभव कसा आहे ? याच्या आत हि काही घालाव लागत की तोच पुरेसा असतो?

पूर्वी दादरला रानडे रोडला लागून जी दुकाने आहेत तेथे अनेक शिंपी बसत.गिरगावात मुगभाट लेन्,भडकमकर रस्त्यावर असली दुकाने होती.पण सध्याच्या पीटर इंग्लंड्,लुइ फिलिपच्या जमान्यात हा असला अवतार करून अत्तर लावून कुठे फिरणार आहेस?(ह.घे.रे)

जे येत होतं तेही विसरलोय....

चांगलं मानधन देत असाल तर करतो तुमच्यासाठी संशोधन. ;-)

अक्चुरीअल बद्दल मोग्याम्बो याम्ना विचारा

हरिहरेश्वरला काही दुकानांमध्ये १२ राशींनुसार १२ वेगवेगळे पर्फ्युमस मिळतात . ज्यांचा राशींवर विश्वास आहे ते त्यानुसार किंवा सहज गंमत/बदल म्हणुन घेतात.

२०- बॅलन्सशीट च्या लायबीलीटी साइड ला पहिला हेड कॅपिटल हा इथे का असतो ? ती तर प्रोप्रायटरने केलेली स्वत:ची गुंतवणुक असते. ती लायबीलीटी का म्हणुन धरली जाते ? त्यामागे काय लॉजिक असत ? स्वत:चीच गुंतवणूक ही तर आपली संपत्ती आहे मग ती लायबीलीटी साइड ला कशी येते?

Liabilities & Assets ऐवजी Sources & Application of Funds असं (योग्य) नामकरण केल्यास उलगडा होईल.

आणी एक डिफ़र्ड टॅक्स लायबिलीटी हा नेमका काय प्रकार असतो ? टॅक्स हा असा कायदेशीर रीत्या डिफ़र करता येतो ? म्हणजे काय आहे हे ?

VAT Incentive Scheme मधे, काही अविकसित क्षेत्रात इंडस्ट्रीअल डिवेलपमंटसाठी, VAT Collect करुन तो State Loan म्हणून वापरुन नंतर परत करायचा असतो. याला डिफरल म्हणतात. अशी टॅक्स लायबलिटी डिफर्ड टॅक्स म्हणून दाखवली जाते.

http://new.arvindguptatoys.com/activity/kaleidoscope-magic/

२१- मंगलमय क्षणांचे सोबती त्या कालावधीत कल्पनेच्या पातळीवर प्रामाणिक असतात का ? म्हणजे किती टक्के प्रामाणिक असतात ? व वयाचा यात महत्वाचा रोल असतो का ? म्हणजे वाढत्या वयाबरोबर अप्रामाणिकता वाढते का ?

इतकी लांबण लावण्यापेक्षा,

पती-पत्नी प्रणयात, काल्पनिक पातळीवर वेगळ्या विश्वात असतात का? शारीरिक आणि मानसिक पातळीवर एकरुप असणार्‍यांचं प्रमाण किती? आणि वय वाढल्यावर त्या एकरुपतेमधे फरक पडतो का?

सगळ्यांच उत्तर एकच :

जे भोगायचं आहे ते प्रत्यक्षात हजर असावं लागतं हे ज्यांना शेवटपर्यंत कळू शकत नाही; त्यांना आहे ते भोगता येत नाही. आणि कल्पनेतलं भोगण्याचा प्रश्नच येत नाही!

१९- रांगोळी काढतांना रेषा फ़ार जाड जाड पडतात, त्यासाठी रांगोळी पेन प्लास्टीकचा वापरुन बघितला पण जमत नाही. बारीक रेघ उमटण्यासाठी चिमुट कीतीही हळु सोडली तरी रांगोळी जास्त सांडुन रेघ जाड होते ? यावर काही उपाय आहे का ? प्रॅक्टीस कशी करावी ? की हळुहळु च जमत हे ?

मुळात रांगोळी अत्यंत बारीक दळलेली हवी. मग ती चिमटीतून सोडण्यावर रेष कमी-अधिक येण्याचं सगळं कौशल्य आहे. माझी पणजी सांगायची की एका चिमटीत, `श्रीराम जय राम जयजय राम' अशी सगळी अक्षरं आली पाहिजेत.

पोर्ट्रेट रांगोळी हा काय प्रकार असतो ?

ते प्रत्यक्ष ऑन साइट पाहा.

१८चं उत्तर देईन मी हे केलं आहे. २०चं उ॰ आदुबाळने अगोदरच दिलं आहे. वैज्ञानिक आणि रसिक प्रश्न वेगवेगळे थोडेथोडे विचारलेत तर मारवाजी तज्न सूज्ञ आणि मग्न सर्वांचेच काम सोपे होईल आणि थंडीत शेकोटी न पेटवता उब मिळेल.

लई मोकळा वेळ आहे राव तुमच्यापाशी :-) थोडा पाठवून द्या जमलं तर!

२२: हे quotation आधी वाचलेलं होतं म्हणून पटकन सापडलं, मला माहीत आहे ते असं:

“When the last tree is cut, the last river poisoned, and the last fish dead, we will discover that we can’t eat money…”

बाकी इतिहास इथे.

तितकेच छान प्रतिसाद.

हसते-खेळते मिपा.

>>> ७-पट्यापट्याचा टीप्पीकल डिझाइनचा मध्यमवर्गीय फ़ेम अभिजात पायजामा मुंबईत कुठे शिउन मिळतो ?त्याचे चांगले कापड व शिंपी मुंबईत कुठे आहेत? व्हेंटीलेशन च्या बाबतीत हा पायजामा वापरण्याचा अनुभव कसा आहे ? याच्या आत हि काही घालाव लागत की तोच पुरेसा असतो?

पायजम्यातून व्हेंटिलेशन होत नाही. व्हेंटिलेशनसाठी संघाच्या गणवेषातील अर्धी खाकी विजार सर्वोत्तम. ती मान्य नसेल तर (म्हणजे जातीयवादी अशी शिवी ऐकून घ्यायची नसेल तर) लुंगी, बर्म्यूडा इ. वापरा. आत काही घालणे किंवा न घालणे हे व्यक्तिगत आवडीनिवडीवर अवलंबून आहे.

>>> १६-पुर्वी जत्रेत एक खेळणं मिळायच बांगडीचे रंगीत तुकडे वापरुन व भिंग काच मला वाटत वापरुन त्याच्या एका बाजुला नुसते तुकडे बांगड्याचे असायचे व दुसरया बाजुने फ़िरवुन बघितल काचेतुन की वेगवेगळे अनेक सुंदर पॅटर्न्स सुंदर डिझाइन्सचे दिसायचे हे खेळण कुठे मिळेल? याच नाव काय? हे घरी बनविता येईल काय ?

याला शोभादर्शक किंवा कॅलिडोस्कोप म्हणतात. कोणत्याही वैज्ञानिक खेळण्यांच्या दुकानात हे घरी बनविण्याचे किट मिळते. हे किट वापरून साधारण अर्ध्या तासात शोभादर्शक घरी बनविता येतो.

>>> १७ -डेबोनेर मासिका चे जुन्यात जुने अंक कुठे मिळतील त्यातल्या मुलाखती त्यातील सेंटरस्प्रेड इतक्याच इंटरेस्टींग होत्या त्यातील मुलाखतींच कलेकशन असलेलं एखाद पुस्तक आहे का ? किंवा जुने अंक मिळण्याच मुंबईतील ठीकाण कुठल ?

फुटपाथवरील पुस्तक विक्रेत्यांकडे किंवा गुगलून पहा.

>>> २१- मंगलमय क्षणांचे सोबती त्या कालावधीत कल्पनेच्या पातळीवर प्रामाणिक असतात का ? म्हणजे किती टक्के प्रामाणिक असतात ? व वयाचा यात महत्वाचा रोल असतो का ? म्हणजे वाढत्या वयाबरोबर अप्रामाणिकता वाढते का ?

'अलिबाबा आणि चाळीशीतले चोर' हे नाटक पहा. बर्‍याच शंकांची उत्तरे मिळतील.

अर्धवटरावांची तुमच्या एका धाग्यावरची कमेण्ट आठवली.

अगदी योग्य आयडीनाव. :)

खरा तो एकचि धर्म जगाला प्रश्न अर्पावे.... :-)