दिवाळी अंक २०२० - आवाहन

यंदाचा मिपा दिवाळी अंक असणार आहे 'प्रेम - शृंगार - रोमान्स विशेषांक'!. प्रेमाची, शृंगाराची, रोमान्सची इतकी रूपं, इतक्या छटा, इतके रंग... तर या प्रेमावर तुमच्या लेखांची, अनुभवांंची, कथांची, कवितांची आम्ही वाट पाहतोय.

लेखन देण्याची मुदत : २५ ऑक्टोबर, २०२०.

दिवाळी अंक २०२० - आवाहन

प्रबंध

Primary tabs

वेल्लाभट's picture
वेल्लाभट in जे न देखे रवी...
25 Jul 2014 - 2:34 pm

चिरदाह वेदनेचा मजला अखंड व्हावा
मन त्यातही रुळावे, अन दाह थंड व्हावा

येऊनिया न यावा माझा प्रयास कामी
नशिबासही कसा हा माझाच छंद व्हावा

ते शब्द आठविता, जणु काळही थिजावा
एका क्षणाक्षणाचा बघता निबंध व्हावा

एकी अशी असावी, निश्चय असा असावा
हातात हात यावे, अन मार्ग रुंद व्हावा

झिरपावी या मनात एकेक गोष्ट ऐसी
प्रत्येक भावनेचा न्यारा सुगंध व्हावा

विश्वास या मनीचा, एकाकी मंद व्हावा
आतून हाक यावी, अन तो बुलंद व्हावा

माझेच मी पुसावे अश्रू असे हसूनी
कसलातरी मनाचा माझ्या प्रबंध व्हावा

- अपूर्व ओक

अभय-गझलगझल

प्रतिक्रिया

"एकी अशी असावी, निश्चय असा असावा
हातात हात यावे, अन मार्ग रुंद व्हावा"
हे जमायला हवं !

राजेंद्र मेहेंदळे's picture

25 Jul 2014 - 3:10 pm | राजेंद्र मेहेंदळे

अन मार्ग रुंद व्हावा ऐवजी "अन मार्ग स्पष्ट व्हावा" चालेल काय?

वेल्लाभट's picture

25 Jul 2014 - 3:39 pm | वेल्लाभट

नाही..; काफिया जुळत नाही. स्पष्ट पेक्षाही अर्थाने रुंदच अभिप्रेत आहे. थिन लाईन ऑफ डिफरन्स.
:)

psajid's picture

25 Jul 2014 - 2:44 pm | psajid

गजल नव्हे गझल वाचावे !

एकाहून एक कविता पाडायलेत राव लोक!! मस्तच हो!!

स्पा's picture

25 Jul 2014 - 2:48 pm | स्पा

क्या बात वेल्लाः

कवितानागेश's picture

25 Jul 2014 - 2:54 pm | कवितानागेश

सुंदर. :)

प्यारे१'s picture

25 Jul 2014 - 3:03 pm | प्यारे१

वाह!

मिसळलेला काव्यप्रेमी's picture

25 Jul 2014 - 3:41 pm | मिसळलेला काव्यप्रेमी

एकी अशी असावी, निश्चय असा असावा
हातात हात यावे, अन मार्ग रुंद व्हावा

सुंदर!!

अजया's picture

25 Jul 2014 - 4:00 pm | अजया

आज छान कवितांचा दिवस आहे मिपावर!

इनिगोय's picture

25 Jul 2014 - 4:45 pm | इनिगोय

खूप आवडली.

अत्रुप्त आत्मा's picture

25 Jul 2014 - 6:44 pm | अत्रुप्त आत्मा

माझेच मी पुसावे अश्रू असे हसूनी
कसलातरी मनाचा माझ्या प्रबंध व्हावा >>> अत्तीशय सुंदर!

धन्या's picture

25 Jul 2014 - 6:54 pm | धन्या

सुंदर !!!

किसन शिंदे's picture

26 Jul 2014 - 8:57 am | किसन शिंदे

क्या बात है वेल्लाशेठ, मस्तच लिहिलंय!

वेल्लाभट's picture

26 Jul 2014 - 11:02 am | वेल्लाभट

_/\_ धन्यवाद सगळ्यांचे :)

विवेकपटाईत's picture

29 Jul 2014 - 10:10 am | विवेकपटाईत

आवाडली

शैलेन्द्र's picture

29 Jul 2014 - 11:13 am | शैलेन्द्र

मस्तये.. आवडली..

आयुर्हित's picture

1 Aug 2014 - 10:06 pm | आयुर्हित

एकी अशी असावी, निश्चय असा असावा
हातात हात यावे, अन मार्ग रुंद व्हावा

झिरपावी या मनात एकेक गोष्ट ऐसी
प्रत्येक भावनेचा न्यारा सुगंध व्हावा

जबरदस्त आशावाद प्रकट झाला आहे!
आपले मनातले स्वप्न पुरे होवो.

फक्त
विश्वास या मनीचा, कदापि न मंद व्हावा
आतून हाक यावी, अन तो बुलंद व्हावा
हे जास्त योग्य होइल असे वाटते.

वेल्लाभट's picture

4 Aug 2014 - 4:46 pm | वेल्लाभट

आभार !:)

पाषाणभेद's picture

8 Aug 2014 - 9:20 am | पाषाणभेद

सुंदर आवडलीच.