फावल्या वेळेतली फोटोग्राफी…भाग १.
===================================================================
पहिल्या भागाला मिळालेला प्रतिसाद बघून अजून काही छायाचित्र प्रकाशित करायच धाडस करतोय.
पण खरच मिपा वर आपली कला सादर करा आणि चकटफू त्याच मुल्यांकन करून घ्या एकदम मस्त प्रकार.
खाली दिलेली छायाचित्रे पण माइक्रोमॅक्स मोबाईलनेच टिपलेली आहेत, ह्या छायाचित्रांमध्ये ऑटो फोकस आणि कॅमेराची क्षमता जाणवते आहे.
सार्वक मिपा सदस्यांनी एकदा हा भाग देखील डोळ्याखालून घालावा हि विनंती.
मुखवटा
माझ्या ऑफीस मध्ये एका सहकारी मुलीच्या टेबलवर हा मुखवटा लावलेला होता, बघता क्षणीच क्लिक करायचा मोह झाला.
फुल
देवाच्या चरणी अर्पण होण्यासाठी तय्यार एक फुल.
ब्याग
सहजच कल्पना सुचली क्लिक करायची हि ब्याग बघून.
काचेवरील ठसे
खिडकीची काच.
कीबोर्ड
किबोर्डचा क्लोझ अप.
आकाश
आकाश जास्त सुंदर आहे कि इमारती?
वाटाणे
हिरवे रसरशीत वाटाणे.
मोकळे आकाश
संधीप्रकाश...
एच डी आर
माझ्या ऑफिस मधून दिसणाऱ्या दृश्याचा "एच डी आर" प्रतीचे छायाचित्र.
पर्णकुटी
खिडकाळीच्या राम मंदिरातील पर्णकुटी..
एसटी बस
चालत्या इंद्रायणी एक्स्प्रेस मधून सकाळी ८ च्या सुमारास काढलेला लोणावळा परिसरातील एसटी बस चा लोभस फोटो. कसा वाटला?
तळटीप: आकार बदलावा लागल्यामुळे काही छायाचित्रांचा मूळ आकार बदलला आहे.
प्रतिक्रिया
18 Feb 2014 - 8:47 pm | सचिन कुलकर्णी
फोटो आवडले पण खिडकाळीचे 'राम' मंदिर म्हणजे कल्याण फाट्यावरचे का?
18 Feb 2014 - 11:17 pm | मेघनाद
हो अगदी अचूक बोललात, माझीच चूक झालीये. सुधारणा करतो.
लक्षात आणून दिल्याबद्दल धन्यवाद.
19 Feb 2014 - 3:54 pm | पियुशा
सही ! क्लास आहेत फोटु :)
19 Feb 2014 - 3:56 pm | पियुशा
सही ! क्लास आहेत फोटु :)
18 Feb 2014 - 8:57 pm | निवेदिता-ताई
सुंदर
18 Feb 2014 - 9:43 pm | श्रीरंग_जोशी
"काचेवरील ठसे" हा प्रयोग फारच आवडला.
18 Feb 2014 - 10:19 pm | यशोधरा
ठसे आणि शेवटचा आवडला.
18 Feb 2014 - 11:20 pm | मेघनाद
@निवेदिता-ताई , श्रीरंग_जोशी , यशोधराजी : खुप खुप धन्यवाद
18 Feb 2014 - 11:34 pm | एस
वाह..
अरे वा! पहिल्या भागाच्या तुलनेत खरोखरच ह्या प्रतिमा सुंदर आल्या आहेत. मला कळफलकाची प्रतिमा फार आवडली. तुम्ही या प्रतिमेवर इन-मोबाइल थोडेसे प्रोसेसिंग केले आहे. ते छान जमले आहे. किंचित शार्पनेस वाढवायला हवा मधल्या G च्या आजूबाजूचा.
शेवटचा एसटी बस सुपर्ब. याला पॅनिंग प्रकारचे छायाचित्रण म्हणतात. लवकर जमत नाही असे छायाचित्र काढायला. अगदी डीएस्एल्आर असला तरी. त्यामुळे भ्रमणध्वनीसंचानेही चांगले साधलेले मीटरिंग पाहून छान वाटले. थोडेसे लॉन्ग एक्स्पोजर आहे तरीही हायलाइट्समधील भागही ब्लो-आउट झालेला नाही. मस्तच.
एचडीआर, मोकळे आकाश ह्या सामान्य वाटल्या. मुखवटाही ठीक. डोळ्यांच्या खाचांवर चटकन लक्ष जात नाही कारण त्यावरील ब्लो-आउट झालेला पांढरा भाग. आजूबाजूच्या काळसर पार्श्वभूमीच्या तुलनेत तो जास्तच ठसतोय. ह्या छायाचित्रात एचडीआर कदाचित थोडी जान आणू शकेन.
रच्याकने हा पेनिन्सुला आयटी पार्क, परळ आहे का?
18 Feb 2014 - 11:50 pm | मेघनाद
अरे वाह खूप आनंद झाला प्रतिक्रिया वाचून…
परळ मधील पेनिन्सुला सेंटर आहे ते…जो भाग छायाचित्रात दिसतोय ते क्लब हाउस आहे अशोका टावरचे. बाजूलाच माझ ऑफिस आहे "मिड-डे".
19 Feb 2014 - 4:05 am | खटपट्या
सर्वच फोटू छान
19 Feb 2014 - 4:16 am | स्पंदना
बस आणि एचडीआर खूप आवडले.
19 Feb 2014 - 6:36 am | कंजूस
बोलती बंद केली आहे .
योग्य आणि सुंदर फोटोग्राफी .
कल्पना ,कोन सर्वोत्तम
जे फोटोग्राफरकडे असावे लागते .
हा फोटो मी का काढला
आणि असाच का काढला
हे फोटो काढणाऱ्याला
फोटोतून सांगायचे असते
ते पोहोचले .
या नेहमीच्याच वस्तुंकडे
असे इथे पाहा हे तो सांगतो .
(बैगची चेन आणि काचेवरचे
ठसे ).
बाकीचे काम
त्या यंत्राचे आहे आणि ते
वेगवेगळे येते .
त्या अनुषंगाने येणारे दोष हे गौण आणि दुर्लक्ष करायचे
असतात .
बसचा फोटो काढतांना कैमरा थोडासा रेल्वेगाडीच्या धावण्याच्या
दिशेने धरला आहे त्यामुळे
झाडे वेगाने पुढे सरकत
आहेत पण बस रे च्याच
वेगाने जात असल्याने स्थिर
आली आहे .आपोआपच
"पैनिंग " साधले आहे .
इमारती आणि आकाश छान .
जवळचे फोटो काढतांना
सर्वच चांगले कैमरेही फसतात अथवा एखादा
मोठा उजेडाचा धब्बा येतो .
कैमरा बहुतेक ८ एमपि आहे .फोटो किती केबि /एमपि चा साठवला जातो ?
19 Feb 2014 - 11:01 pm | मेघनाद
मनापासून दिलेली दाद वाचून फार छान वाटल….
"पैनिंग " बाबतीत तुमचं म्हणण काहीस बरोब्बर आहे, होय कॅमेरा ८ एमपी चाच आहे.
फोटोची साधारण साईझ ३. ते ३. एमबी पर्यंत जाते.
19 Feb 2014 - 7:42 am | अत्रुप्त आत्मा
वाहव्वा!
19 Feb 2014 - 3:39 pm | सूड
आम्हाला त्यातलं काही कळत नाही. पण बस, कीबोर्ड आणि ठसे आवडले.
19 Feb 2014 - 6:00 pm | सुखी
पॅनिंग छान जमले आहे :)
19 Feb 2014 - 6:15 pm | कंजूस
आणि ते एचडीआर काय आहे ?
19 Feb 2014 - 11:11 pm | मेघनाद
एच डी आर म्हणजे "हाई डायनामिक रेंज". ह्या प्रकारात साधारण ३ फोटो घेतले जातात आणि मग ते सर्व फोटोस कंबाइन करून अंतिम छायाचित्र तय्यार केल जाते, त्या छायाचित्रात प्रखर उजेडापासून ते अगदी मंद उजेडापर्यंतच्या प्रकाश लहरी टिपल्या जातात (हे सर्व मी माझ्या आकलन क्षमतेनुसार सांगितलं आहे.)
तज्ञ अजून खोलात सविस्तर सांगू शकतील.
तोपर्यंत हा दुआ बघावा: HDR
20 Feb 2014 - 2:21 am | कंजूस
दुआ वाचला .
हे एक फोनमध्ये अगोदरच ठेवलेले कैमरा अॅप आहे .
आकाशाच्या पाश्र्वभूमीवर लाल रंगाची
वस्तु(जास्वंदिचे फूल)
अथवा
कौसानी वगैरे ठिकाणाहून
हिमालयातील सकाळची सोनेरी शिखरे यांचे फोटो
काढतांना सोनेरी ,निळा ,पांढरा भाग घेता येईल .
19 Feb 2014 - 8:22 pm | आदूबाळ
पेनिन्सुला! तरीच वाटत होतं हे दृश्य पाहिल्यासारखं का वाटतंय...
फोटो एकदम मस्त! बस आणि कीबोर्ड विशेष आवडले. स्वॅप्स यांची प्रतिक्रिया पण आवडली.
19 Feb 2014 - 11:34 pm | मेघनाद
एवढे छान छान प्रतिसाद दिल्याबद्दल सर्वांचे अतिशय धन्यवाद……… *DANCE* :dance:
20 Feb 2014 - 6:59 am | इन्दुसुता
बॅगचे छायाचित्र अतिशय आवडले... वेगवेगळी टेक्स्चर्स सुरेख टिपली आहेत. एक वेगळे कॉम्पोझिशन. की बोर्ड आणि ठ्श्यांच्या क्ल्पना आवडल्या.
20 Feb 2014 - 11:09 pm | मेघनाद
खूप खूप आभार...अगदी अचानक टिपलेला फोटो आहे तो. वाटलही नव्हत एवढा छान दिसेल.
20 Feb 2014 - 9:23 am | किसन शिंदे
तुमच्या कंपनीत हाऊसकिपींगवाले किबोर्डवरची धुळ साफ करत नाहीत का? :P
20 Feb 2014 - 9:24 am | किसन शिंदे
बशीचा फोटू लै आवडला.
20 Feb 2014 - 11:07 pm | मेघनाद
@किसनजी: नेमका हाच कीबोर्ड सोडला मेल्याने......हा हा हा
कप बशीच्या पुढे एक सुंदर फुल पण आहे हो.....बाकी तुमची प्रतिसाद देण्याची पद्धत आवडली बॉ.