असा गाफिल होऊन चालू नकोस
हे बघ, फक्त रंग बदलतायेत
माहितीये झाडांचे कसे पारे उडालेत
वाटतं पार कायापालट झालाय
असलं हे नेहमीचंच बरं-का
चांगलं हिरवं भरलं रान असतांना
रुसून सन्यासाची करायची सोंगं
मिरवायचे जरा भगवे-तांबडे कपडे
मग बर्फांचे फवारे लागले
थंडीनी चांगली जरब आणली
की येईल जरा डोकं ठिकाणावर
हळूच चढेल पुन्हा खराखुरा रंग
अरे सोंगं कधी टिकत नाहीत
मी कधीच फसलो नाही, सांगतो
तू ही जास्तं भाव देऊ नकोस
त्याचं हे असं नेहमीचंच आहे...
प्रतिक्रिया
4 Nov 2007 - 8:00 am | विसोबा खेचर
आपली कविता फारशी समजली नाही..
असो, मिसळपाववर मनापासून स्वागत...
आपला,
तात्या पाडगावकर.
4 Nov 2007 - 6:43 pm | धनंजय
ही आगळी कल्पना आवडली.
त्रिदंडी संन्यास घेतलेला कितीतरी वेळा दिसतो. आतापासून त्याच्यासाठी हेसुद्धा शब्दचित्र डोळ्यासमोर येईल.
5 Nov 2007 - 10:05 pm | सुवर्णमयी
धनंजय यांच्याशी सहमत. नवीन कल्पना. आवडली.
5 Nov 2007 - 10:07 pm | सहज
आगळी कल्पना........ आवडली.
6 Nov 2007 - 12:22 am | सर्किट (not verified)
असलं हे नेहमीचंच बरं-का
चांगलं हिरवं भरलं रान असतांना
रुसून सन्यासाची करायची सोंगं
मिरवायचे जरा भगवे-तांबडे कपडे
वा ! फार सुंदर कल्पना !
झाडांचा मिडलाईफ क्रायसिस म्हणजे फॉल !
क्या बात है !
- सर्किट
6 Nov 2007 - 5:43 am | बेसनलाडू
(सहमत)बेसनलाडू