Perfume

व्वा. चित्रपटाची छान ओळख. धन्स.

(मला वाटलं पुन्हा काथ्याकूट आहे की काय)

-दिलीप बिरुटे

वेगळ्याच कथेशी गाठ घालून दिल्याबद्दल आभार.

चक्क अकुंनी इतका मोठा धागा काढला हे पाहुन जरा तिखट मिसळीच्या तर्रीचा ठसकाच बसला मला ! ;)
असो... असेच लिहा.

जाता जाता :---
लोक या चित्रपटातील नायकाला शेवटी देव समजतात तेही परर्फ्युमच्या प्रभावामुळे हे कळल्यावर जरा गंमत वाटली आणि त्यामुळे माझ्याकडे जे दोन पर्फ्युम आहेत त्यांची नावे देतो.

हा मी वापरतो... अगदी जबरदस्त आहे. ( मेड फॉर मेन) याचा पाखरांवरचा प्रभाव अजुन चेक केला नाही,पण अंदाज आहे की त्यांना तो नक्कीच जाणवेल. ;)

दुसरा आहे अजमलचा "इग्नाईट" हा पर्फ्युम स्त्रीयांकरिता आहे.(मला व्यक्तीशः गंध स्त्री / पुरुष यांना वेगळा करुन का सांगतात ते कळत नाही ! एकच गंध दोघांनाही आवडु शकतो.)

ज्या ज्या स्त्रीयांना मी याची ओळख करुन दिली, त्या याच्या सुगंधाने भारावुन गेल्या होत्या, हे इथे नमुद करु इच्छितो. ;)

(अत्तर प्रेमी);)

कथा तर मस्त आहे.

एका मित्राने असाच रेफर केल्याने बघितला गेलेला अप्रतिम चित्रपट. अजूनही माझ्याकडे ठेवलेला आहे.
अत्यंत धक्का देणार्‍या प्रारंभापासून ते न पटणार्‍या शेवटापर्यंत सगळेच प्रभावी.
नायकाच्या फाटक्या तुटक्या शरीरातली एका अप्राप्य शोधासाठी आसुसलेली नजर, त्या शोधासाठी पत्करलेले अघोरी मार्ग त्यात सुध्दा जाणवणारी निरागस ज्ञानपिपासा. त्याची शेवटची बळी ठरलेली त्याच्याच मालकाची अनाघ्रात अल्लड कन्या.
प्रत्येक फ्रेम बघताना जाणवणारा कलादिग्दर्शकातला जातिवंत चित्रकार. सारेच अप्रतिम.
अकु एका सुंदर चित्रपटाची ओळख करुन दिल्याबद्दल धन्यवाद.

तुम्ही इतक्या वेगळ्या विषयावर लिहीलंय हे पाहून आनंद झाला.

(परफ्युम बनवणा~या हा शब्द banavaNaaRyaa बनवणार्‍या असा लिहावा. अर्थात तोही इथल्या तांत्रिक गफलतीनं योग्य उमटत नाही.)

मस्त आहे लेख. कथा आवडली. शेवट प्रतिकात्मक असावा असं वाटलं.

मी बघितला आहे हा सिनेमा.... खुप आवडला होता तेव्हा पण....आता परत बघितला पाहिजे...

बापरे भयानक आहे कथा.
पण वेगळ्या विषयावर धागा काढल्याबद्दल अभिनंदन.

सिनेमा खूपचं छान होता आणी तुम्ही करुन दिलेली सिनेमाची ओळख आवडली.
नेहमीपेक्षा वेगळे काही दिले हे जास्त आवडले :)

अकुसाहेब, प्रथमतः काकुंमधून बाहेर येवून काहीतरी लिहिल्याबद्दल धन्यवाद! (तशी ती कविता छान होती हो.)

या आमच्या अतिशय आवडत्या चित्रपटाबद्दल कोणीतरी लिहिलंय हे पाहून आम्ही धावत येवून धागा उघडला आणि भ्रमनिरास झाला.
ही फक्त ओळख असेल तर ठीक.. तरीपण हा अख्खा लेख म्हणजे अत्तरातला सुगंध काढून उरलेलं पाणी अंगावर फेकण्याचा प्रकार झालाय हो.
अर्थात सुगंध पाहणाऱ्यांसाठी ठेवला असेल तर तो भाग अलाहिदा. पण तो हेतू वाटत नाही कारण सगळी कथा तर निबंधासारखी इथेच ओतली आहे.

पण राहून राहून वाटून राहिलं की या अप्रतिम चित्रपटास ओळख म्हणून पण न्याय नाही झालाय.
तुम्हाला ती पहिली शिकार झालेली मुलगी आठवतेय.? लाल कुरळे केस, काळे डोळे, अन् गुलाबी हातात रसरशीत लिंबं मोठी मोठी.. आणि या सगळ्याशी काहीही कर्तव्य नसलेला गंधवेडा तो. मग गंध हरवल्यावर वेडापिसा झालेला. हातून खून झालाय याचं काहीच नाही पण गंध हरवल्याच दुःख मात्र भारी. आपण पण त्याला खुनी अशा तऱ्हेने पाहतच नाही मग हळूहळू. कधी त्याचा राग येतो तर कधी कौतुक वाटावं असा.

शेवटावर एक अख्खा लेख पाडता येईल. त्याला काय हवं असतं, काहीतरी तो शोधत असतो आणि शोध पूर्ण झाल्यावर हा शेवटचा प्रसंग येतो. बऱ्यापैकी धक्कादायक असा. (पुस्तकात म्हणे अजून भारी शेवट आहे! हम्म.) बाकी ज्याने त्याने स्वतः अर्थ काढलेला बरा. तरी दिग्दर्शकाने निवेदक वापरून बऱ्याच गोष्टी वेळोवेळी स्पष्ट केल्यात तशा.

असो. दिग्दर्शन आणि मुख्य पात्राचा अभिनय जबराच. ज्यांनी पहिला नाही त्यांनी नक्की पहा, फक्त बर्‍यापैकी हिंसा आणि नग्नता आहे तेव्हा स्वतःच्या जबाबदारीवर..

व्वा!!

एका वेगळ्याच चित्रपटाची ओळख करून दिल्याबद्दल धन्यवाद! चित्रपट नक्कीच पाहीला जाईल.

अवांतरः हे असंच कहितरी लिहीत जा हो अकु, उगा त्या काथ्याकुटाच्या मागे का लागताय? :)

सहमत... नुकताच बघितला हा चित्रपट... संथपणे पुढे सरकणारा, ढिश्शुम ढँड हाणामार्‍या, बेफाट वेगाने पाठलाग करणार्‍या भन्नाट गाड्या, उन्मादक कपडे घालून नायकाला, (आणि प्रेक्षकांनासुद्धा) नेत्रसुख देणार्‍या ललना असला काहीही टिपीकल मसाला नसूनसुद्धा हा चित्रपट खिळवून ठेवतो.
चित्रपटात मला आवडलेला प्रसंग - जेव्हा नायक पहिल्यांदा सामान पोहोचवण्यासाठी Giuseppe Baldini च्या घरी जातो, आणि फक्त त्याच्या घ्राणेंद्रियाच्या बळावर त्याला त्याच्या प्रतिस्पर्ध्याने बनवलेला परफ्युम काही क्षणात तयार करून देतो. अप्रतिम चित्रपट.. :)

एकदा पाहिला आहे मी.

अशा चित्रपटांसाठी थ्रीडी प्रमाणेच प्रेक्षकास वास येण्याचे तंत्रज्ञान उपलब्ध होणे आवश्यक आहे.

चित्रपट परीक्षण (/ की वर्णन ) छान आहे . काही छोट्या मोठ्ठ्या गफलती झाल्या आहेत ...
उदा.
वयात आल्यावर तो मजुर म्हणुन बोटिवर काम करु लागतो
>> बोटीवर नाही हो ...चामडे कमावण्याच्या कारखान्यात .

त्याला जगातिल सर्वात सुंदर स्वर्गिय आनन्द देणारे परफ्युम तयार करायचे असते.
>> त्याला फक्त त्या आवडलेल्या मुलीची आठवण करुन देईल असा परफ्युम करायचा असतो ...

याचा फायदा घे‌ऊन तो तिथून सहीसलामत बाहेर पडतो.......>>> ह्याच्या पुढे जे घडतं , जे पिक्चर मधे जे दाखवले आहे ते जबरदस्त आहे :)

असो.
पुलेशु.