अजाण भुंगा एका दिवशी
बागेमध्ये भ्रमरत होता
नाजुक सुंदर फुले आगळी
अन थोडिशी कोळी जाळी
अल्लड सावज अवचित आले
भराभरा ते जाळे विणले
कोळी वदला फुला आपला
स्नेह निराळा सख्य निराळे
त्या वेड्याला पाहुन पटकन
फुलानेच एक जाळे विणले
होता कोळी हरकामी तो
भराभरा तो डाव मांडला
उधळुन देता परागसुमने
भुंगा वेडा धावत आला
भुंगा वेडा असाच होता
आप्तांपासुन दुरावलेला
दिसता कोमल फुल आगळे
वेडा भुंगा मोहित झाला
झेप घेउनी मर्म स्थळावर
गुज फुलाचे ऐकत बसला
फुलही वदले शोककथा ते
अनाघ्रात मी सुंदर होते
पण जगाची तर्‍हाच न्यारी
कुस्करले अन गचाळ म्हटले
कोळ्याने मज घात हा केला
सभोवती हे जाळे विणले
तुच आगळा माझ्यासाठी
पटकन उडला सत्वर आला
वेडा भुंगा ऐकत बसला
दु:खी झाला कष्टी झाला
कोळ्याने तो करता इशारा
फुल लागले पंख मिटाया
समजुन कावा भुंगा वेडा
यत्न निसटण्या करु लागला
फुल म्हणाले वेड्या भुंग्या
कावा तुज का नाही उमगला
ये आता ये शोषुन घे मग
मधुरस पाहिजे हवा तेवढा
खजिल भुंगा शेवटचा तो
प्रणय करण्यास अधिर झाला
दुज्या सकाळी रविकिरणांनी
फुलास नाजुक पुन्हा उठवले
निसटुन गेले कलेवर काळे
अनायसे ते जाळ्यात पडले.
.
.
प्रतिक्रिया
30 Jun 2008 - 4:24 pm | मदनबाण
कविता आणि फोटो दोन्ही सुंदर.....
(मिपा वरील भ्रमर )
मदनबाण.....
30 Jun 2008 - 4:39 pm | नंदन
आनंदभाऊ, कविता झकास आहे. अतिशय आवडली. फोटोही मस्त.
नंदनमराठी साहित्यविषयक अनुदिनी
30 Jun 2008 - 4:45 pm | इनोबा म्हणे
लेका कविता कधीपासून करायला लागला रे!
कविता आवडली. अजून येउ दे!
कर्मण्ये वाधिकारस्ते | मां फलकेशू कदाचनं
: कार्यकर्त्यांनी कर्म करीत रहावे,आपल्या नावाचे फलक लागतील अशी अपेक्षा करु नये.
-इनोबा म्हणे -मराठमोळे वॉलपेपर
30 Jun 2008 - 4:48 pm | विजुभाऊ
एक संस्कृत श्लोक......
रात्री: गमिष्यसि भविष्यसि सुप्रभात
भास्वानुदेष्यसि हसिष्यसिपंकजश्री:
इथ्यं विचियन्ती कोषगते द्विरेफे
हा हन्त हन्त नलीनीं गज उच्चहारः
रात्र जाईल सकाळ होईल
सूर्य उगवेल आणि कमळ उमलेल ( मग मी बाहेर पडेन)
असा विचार करत भुंगा (मिटलेल्या)कमळात बसून राहीला
अरेरे..हत्ती नी ते कमळ (मिटलेल्या अवस्थेत) खुडुन टाकले की......
पडत्या पावसाला पाहुन तुम्ही आतुन भिजला नाहीत तर स्वतःच्या कोरडेपणाची तारीफ करु नका तर हे मान्य करा की तुमच्या आयुष्यात भिजवणारे क्षण आलेच नाहीत
30 Jun 2008 - 5:26 pm | शितल
चा॑गली केलीस रे कविता.
अजुन येऊ देत.
बाकी ईनोबाला पडलेला प्रश्न मला ही पडला.
30 Jun 2008 - 7:35 pm | छोटा डॉन
कविता तर चांगलीच भारी लिहली आहेस ...
बाकी, हा नाद कधी लागला ...
स्वगत : आयला मीच एकटा " दगड" राहिलो आहे असं वाटतयं ..
छोटा डॉन
[ अपने अड्डे पे जरूर आना http://chhota-don.blogspot.com/ ]
बाकी अपनी किसी "गँग" के साथ सेटिंग नही है .....
30 Jun 2008 - 9:55 pm | llपुण्याचे पेशवेll
मला तर आंद्याची कविता वाचून धक्काच बसला. येवढी अप्रतिम कविता केली आहे कसे काय जमते राव लोकाना. ते अविनाशशेठ, पुष्कराज आता हा आंद्या काय भारी भारी कविता करतात राव. मस्तच.
पण चला नुसताच दगड राहीलेला मी एकटाच नाहीये.. :)
(खाणीतला दगड)
पुण्याचे पेशवे
30 Jun 2008 - 5:35 pm | II राजे II (not verified)
मस्त जमली आहे कविता.....
आवडली !
**
राज जैन
येथे काय लिहावे हेच सुचेनासे झाले आहे..... ब्रॅन्ड बदलावयास हवा आता
30 Jun 2008 - 5:39 pm | कुंदन
मस्त लिहिलीय कविता...
अगदी गुणगुणत राहावीशी वाटते..
30 Jun 2008 - 5:56 pm | वरदा
छान आहे कविता आणि चित्र दोन्ही...
30 Jun 2008 - 7:04 pm | ब्रिटिश टिंग्या
बहोत बढिया!
30 Jun 2008 - 7:46 pm | धनंजय
"भ्रमरत" मध्ये "भ्रम-रत" आणि "भ्रमत" असे दोन अर्थ निघून श्लेष होतो आहे.
30 Jun 2008 - 8:15 pm | फटू
छान लिहिलं आहे आनंदराव...
पुन्हा,
सतीश गावडे
आम्ही इथेही उजेड पाडतो -> मी शोधतो किनारा...
30 Jun 2008 - 9:16 pm | फुलपाखरु
कविता आणि फोटो- दोन्ही सुंदर आहे!
30 Jun 2008 - 9:22 pm | भाग्यश्री
कविता आणि फोटो आवडले !!
http://bhagyashreee.blogspot.com/
30 Jun 2008 - 9:27 pm | प्रा.डॉ.दिलीप बिरुटे
आनंदा,
काय सुरेख कविता केली रे !!! आवडली.
प्रा.डॉ.दिलीप बिरुटे
30 Jun 2008 - 10:10 pm | यशोधरा
ह्म्म्म.... वो औरंगाबादको जाऊन आनेके बाद ये कविता बनी हैं ना??? आ रहा हैं मेरे ध्यानमें थोडा थोडा... आते आते रस्तेंमें लिख डाली क्या?? और लिख्खो!
;)
1 Jul 2008 - 12:22 am | विसोबा खेचर
आयला आंद्या, कविता लै भारी रे!
च्यामारी, तू पण एक कवी आहेस हे माहीतच नव्हतं! :)
तात्या.
1 Jul 2008 - 10:47 am | चेतन
काय रावं
मस्त कविता करता की. अजुन येउ द्यात
भ्रमर चेतन
1 Jul 2008 - 10:53 am | ऋचा
मस्त आहे रे कवीता.
इथे सगळेच कवी आहेत.
काही "दगड" आहेत.
(काही दगडातली एक दगडी)
-ऋचा
"No matter how hard the life crashes;Like a Phoenix I will rise from my Ashes"
1 Jul 2008 - 2:29 pm | प्रगती
वा! काय सुंदर रचना केली आहे.
वाचता वाचता भुंग्याच्या दु:खात नकळत समरस झाले.
फोटो पण छान आहे.
1 Jul 2008 - 2:35 pm | अरुण मनोहर
पुढील ओळींवर थोडी मेहनत घ्यायला हवी होती. थोडा नादभंग झाला.
त्या वेड्याला पाहुन पटकन
फुलानेच एक जाळे विणले
होता कोळी हरकामी तो
भराभरा तो डाव मांडला
1 Jul 2008 - 3:53 pm | पद्मश्री चित्रे
छान लिहिल आहेस..असच लिहित रहा..
2 Jul 2008 - 10:05 am | आनंदयात्री
सर्वांनी दिलेल्या प्रतिसादाबद्दल केलेल्या कौतुकाबद्दल आभारी आहे.
धन्यवाद. :)
2 Jul 2008 - 12:24 pm | अभिज्ञ
कविता बेस झालीय.
छानच.
पुलेशु.
अभिज्ञ.
2 Jul 2008 - 12:52 pm | मनिष
आंद्या चांगला कवी आहेच रे. हे वाचा ना --
http://www.misalpav.com/node/1849
वेगळेच रुपक विणले आहेस तू.
2 Jul 2008 - 3:47 pm | मनस्वी
आनंदयात्री
छान कविता! रुपक सुंदर वापरले आहेस.
मनस्वी
"मृगजळाला पाहुन तुम्ही फसला नाहीत तर स्वतःच्या बुद्धीची तारिफ करु नका. हे मान्य करा की तुम्हाला तहान लागली नव्हती."