हिरवं झालं रानं
हिरवं झालं रानं
हिरवं झालं रानं
तिथंच गाठलं त्यानं
ग बाई
तिथंच गाठलं त्यानं ||धृ||
पायवाट नागमोडी
पांधीतून जायी गाडी
शेतावर सावरूनी
चालले बांधावरूनी
एकल्याच नारंला
तिथंच गाठलं त्यानं ||१||
मोठी झुंबड तिथं झाली
आधाराला नाही सावली
व्दाड वारा पदराशी
खेळला, पाडला पायाशी
सावरू तरी मी कशी
त्यानं ठरवलं झोंबणं ||२||
आधी जरा घाबरले बावरले
पण मी मला नाही सावरले
त्याला अंगाशी ओढले
त्याच्यामधीच भिजले
अस्सा तस्सा आला बरसून
गेला तन चिंब भिजवूनं ||३||
हिरवं झालं रानं
हिरवं झालं रानं ||धृ||
- पाषाणभेद
(पुर्वप्रकाशीत)
प्रतिक्रिया
9 Sep 2012 - 2:37 pm | पैसा
गाणं छान आहे. यातली कल्पना आणि गावातल्या स्त्रीगीतांचा बाज आवडला.
9 Sep 2012 - 8:04 pm | प्रचेतस
मस्त हो पाभे.
बर्‍याच दिवसांनी आलात.
येऊ द्यात आता फर्मास लावण्या.
9 Sep 2012 - 10:58 pm | चित्रगुप्त
झोंबाझोंबी आवडली...
शिव शिव...
10 Sep 2012 - 12:51 am | प्रभाकर पेठकर
आवडलं..आवडलं.. रानाचं हिरवं होणं आवडलं. नेहमी असेच घडून रान कायम हिरवेगार राहू दे.
10 Sep 2012 - 9:07 am | स्पंदना
हो ना!
धरती माय भिजु दे!
पाभे भारी.
10 Sep 2012 - 10:41 am | अत्रुप्त आत्मा
:)
10 Sep 2012 - 8:08 pm | मदनबाण
मस्त... :)
काय हो दफोराव इतक दिवस व्हता कुटं ?