सखा श्रावण

सोप्या शब्दांतली निरागस कविता आवडली.

येथेच नाही तर, एकुण जालावरच माझ्या मुलाच्या मदतीने पहिलेच लेखन आहे.

स्वागत आहे. अजून लेखन होऊ दे. पुढील लेखनाला शुभेच्छा!

नागपंचमीचा झुला हात टेकवी आभाळा
इंद्रधनुच्या फुलाने स्वर्ग पृथ्वीवर आला

गेली मरगळ सारी दाटे हर्ष नि उल्हासं
गर्भातल्या दाण्याची ग लागे धरणीला आसं

साधी, सोपी आणि सुंदर कविता... वरील ओळी आवडून गेल्या...

>>(येथेच नाही तर, एकुण जालावरच माझ्या मुलाच्या मदतीने पहिलेच लेखन आहे.)

मिसळपाववर आणि पर्यायाने आंतरजालावर आपले स्वागत.. औरभी लिख्खो..

तात्या.

> खेळ पाठशिवणीचा चाले आकाशी ढगांचा
> खेळ पृथ्वीवर रंगे तेंव्हा उन-सावलीचा
वा!
आंतरजालावर स्वागत आहे तुमचे.

कविता. प्रसन्न वाटले.

@आला आला ऋतुराज असा श्रावण हा आला
हिरव्या गालिच्याच्या घाली धरा पायघड्या त्याला

पाश्चिमात्य जगातल्या Red Carpet पेक्षा ही हिरवी पायघड कितीतरी नेत्रसुखद.

>
>
सदा सर्वदा देव सन्निध आहे । कृपाळूपणे अल्प धारिष्ट पाहे ।।

चंद्रप्रभाताई,
मिपावर स्वागत.
आपली कविता अतिशय देखणी (हो देखणीच) आहे...

गेली मरगळ सारी दाटे हर्ष नि उल्हासं
गर्भातल्या दाण्याची ग लागे धरणीला आसं

नमःशिवायचा नाद आसमंतात दाटला
फेर धरा गं सयांनो सखा श्रावण हा आला

या ओळी तर अगदीच दूधात साखर... अशाच आणखिही येऊदेत तुमच्या कविता.

- (सर्वव्यापी)प्राजु

सुरेख कविता !
हिरवा शालू सजविते फुलपाखरांची नक्षी
पंख भिजले झाडीती तरुवेलीवर पक्षी
यांसारख्या ओळींमुळे वाटते की त्या श्रावणझरींमधे आम्हीही भिजतो आहोत.

कुसुमाग्रजांच्या
हासरा नाचरा जरासा लाजरा
सुंदर साजरा श्रावण आला
तांबूस कोमल पाऊल टाकीत
भिजल्या मातीत श्रावण आला...
ची आठवण झाली.

या मोहक अनुभूतीबद्दल धन्यवाद !
आणि मिपावर सुस्वागतम !

वेगळी, पसन्न. हिरवाईचा आनंद देणारी.

चंद्रप्रभाताई,

आपल्या आईच्या कविता लोकांपर्यंत पोहोचाव्यात असे मुलाला वाटणे हाच तुमच्यातील कवयित्रीचा पहिला विजय. एरवी आईच्या (नोकरी/घर्/नातेवाइक/मैत्रिणी/स्वयंपाक) व्यतिरिक्त इतर व्यक्तिगत जाणिवांशी मुलांची उत्तरोत्तर ताटातूट होत जाते आणि हा नव्या कुटुंबव्यवस्थेचा/ नव्या जमान्याचा परिणाम आहे असा माझा एक समज आहे. तेंव्हा हा एका ''आई"चा ही विजय ठरतो.

इतकी छान समज असण्याबद्दल तुमच्या मुलाचेही अभिनंदन!!!

आता यापुढे मात्र तुम्ही आणि तुमच्या कविता......

-एक इसम

खरच मनाला आनद देनारि व उल्लासित करनारि कविता
छान!!!!!!!!!

मि. पा. कुटुबातील शेडेफळ नन्दु

सुंदर कविता लिहिली आहे..
आला आला ऋतुराज असा श्रावण हा आला
हिरव्या गालिच्याच्या घाली धरा पायघड्या त्याला या ओळी आवडल्या.
अशाच तुमच्या सुंदर कविता आम्हाला वाचायला मिळू दे..
पुढील कवितांची वाट पहात आहे.

लगोलग छानशी चाल लावली जावी आणि माणिक वर्माबाईंच्या गोड गळ्यातून हे गाणे यावे असे कुठेतरी वाटून गेले!

तुम्हाला टंकलेखनात साहाय्य्भूत ठरलेल्या तुमच्या मुलाचेही कौतुक!

चतुरंग

गेली मरगळ सारी दाटे हर्ष नि उल्हासं
गर्भातल्या दाण्याची ग लागे धरणीला आसं

ह्या ओळी विशेष आवडल्या...तुमच्या मुलाचीही एखादी कविता इथे नक्की द्या..अजून खूप कवितांची वाट पाहतेय...

वरदा

चांगली आहे कविता.

गहिवरला मेघ नभी ची आठवण झाली.

शुभेच्छा. पण लवकरच मुलाच्या मदतीशिवाय लिहू लागा. जालनिरक्षरता बरी नव्हे.

अर्धवटराव आचरटाचार्य,
सुधीर कांदळकर.

श्रावण सुंदर आला...