"पेरेण्टस का इन-लॉज"

ज्याना काही आजार आहे, बीपी, मधुमेह इ . त्याना पोलिसी द्या.

ज्याना इतर कुणी पॉलिसी दिलेली नाही, त्याना द्या.

मला वाटते पेरेंट्सच असू शकतात.

इनलॉज हे तुमच्या स्पाऊसच्या कंपनीत पॉलिसी मिळत असेल तर कव्हर होतील.

भावाने दिलेले मत योग्य आहे.काही वर्षांनी समजा तुझ्यात आणि भावात कलह झाला तर तू "आई वडिलांची काळजी मी घेतलीय. तू काय केले आहेस?" असे भावाला विचारणार नाहीस ह्याची खात्री आहे?

एका संचासाठी हप्ता असेल तर माझ्यामते आई-वडीलांची घ्यावी. जास्त फायदा वाटतो.
कारण ते दोघे एकाच पॉलिसीत कव्हर होतील. दुर्दैवाने सासुबाई नसल्याने तितकाच हप्ता भरून फक्त एकट्या सासर्‍यांना कव्हरेज मिळेल.

आणि जास्त विचार करू नका (विचारतही बसु नका) नाहितर वर्ष संपेल पण पॉलिसी घेणे होणार नाही ;)

उत्सुकता म्हणून.. तुमच्या कंपनीत, एखाद्या मुलाला (त्याचे आई-वडिल असले वा नसले) तरी सासू सासर्‍यांना कव्हर करायचा ऑप्शन आहे का..? :)
तुमचा हा निर्णय पूर्णत: व्यक्तिगत आहे, तुमचे त्यांच्या प्रति संबंध कसे आहेत त्यावर अवलंबून! त्यामुळे प्रत्येकाचे उत्तर वेगळे.. एकच बरोबर आणि दुसरे चूक असं म्हणण्याचा हट्ट चुकीचाच.. धन्यवाद!

अय्या.. कुठली कंपनी.. रेझ्युमे पाठवु का?

आमच्या आणि मला माहित असलेल्या बहुसंख्य आयटी कंपन्यांनी मागच्या वर्षीपर्यंत असलेले पॅरेन्ट्स/ इन लॉज कव्हर काधून टाकले ...

एकतर कंपनी च्या मेडिक्लेम मधून केलेला क्लेम बहुसंख्य वेळेला मिळण्याची शक्यता जास्त असते शिवाय सगळे पुर्वीचे आजार कव्हर होतात, जे पन्नाशी पर्यंत खाजगी मेडिक्लेम न काढणार्‍या बहुसंख्य पॅरेन्ट्स/ इन लॉज साठी फारच उपयोगी पडते.

वरच्याच कारणाने क्लेम जास्त होतात म्हणून सर्व मेडिक्लेम कंपन्यांनी या वर्षी प्रिमियम भरमसाठ वाढवले ( साधारण तिपटी पेक्षा जास्त), आणि अर्थात मग कंपन्यांनी ही सुविधा काढून टाकली.

ज्या उरल्या सुरल्या कंपन्या या वर्षी हे कव्हर देत आहेत त्या पण पुढील वर्षीपासून ते बंद करण्याची दाट शक्यता आहे.

वरील माहिती मी एचआर शी या विषयावर भरपूर वाद घातल्यावर तसेच बाकीच्या कंपनी मध्ये माझ्या ओळखीत एचआर मध्ये असलेल्या स्त्रोतांकडून खात्री लायकरित्या मिळाली आहे.

नवर्‍याने त्याच्या आणि मी माझ्या आई वडीलांना कव्हर करायचं असे ठरले आहे...

दोन्ही "पालक संचांना"

माणसांना 'संच' हा शब्द वापरलेला पाहून मौज वाटली. 'पालक' या शब्दाच्या जागी 'जनित्र' हा शब्द कसा वाटेल ?

ऋषीकेष यांच्याशी सहमत.

खरंतर तिघाही ज्येष्ठ लोकांना सुदैवाने कसलीच गरज नाहीये, तरी अविवाहित भाऊ आईवडीलांची काळजी घेऊ शकेल.
सासर्‍यांना तसाही भावनिक एकटेपणा आलेला असणार्......त्यांची काळजी घेतली गेली आहे असे दिसल्यावर बरे वाटेल. इथे आर्थिक गरज कोणालाही नाही पण मानसिक गरज अधोरेखित करते आहे.
अवांतर: असं अगदी दुसर्‍यांच्या घरातल्या गोष्टीवर लिहिताना फार अवघड वाटलं.

मला अस वाटत तुम्ही सर्व पर्यायआवर अगोदर पूर्ण रिसर्च करा
काही मुद्दे

• आमच्या हमाली कंपनीत कुठल्याही दोघांना कवरेज मध्ये आणता येत. तस असेल तर आईला आणि सासर्यांना कवरेज द्या. (सम-समान न्याय)
• तुमच्या म्हणण्या नुसार आईला कॅन्सर झाला होता तर कदाचित आईला जास्त गरज असू शकते. तसेच कॅन्सर होवून गेल्याने (सुज्ञ) सासू-सासरे आक्षेप घेणार नाही अस वाटतंय. (माझ्या मते योग्य पर्याय, एक सून म्हणून मोठी जबाबदारी असली तर आईचे पांग आपण कधीच फेडू शकत नाही)
• तुमची / तुमच्या भावाची सांपत्तिक स्थिती चांगली असेल तर सासू-सासर्यांना कवरेज द्या. जेणे करून जेव्हा आईला आर्थिक मदत लागेल तेव्हा करू शकाल.
• पुढे मागे आईला आर्थिक मदत लागू शकते हि अट स्पष्ट करून स्वत:हून सासू सासर्यांना कवरेज द्या.

तीनही पालकान साठी फॉर्म घेवून यावेत मिळाली तिघांना तर उत्तम
नाहीतर फक्त आई वडिलांची घ्यावी सासर्यांसाठी प्र्यायव्हेट कंपनी ची घ्यावी
अंजली गद्रे .

एक स्पष्ट मत मांडतो, हेच जर तुम्हाला बाजारभावानं पॉलिसि घेण्यासाठी करावं लागलं असतं तर काय केलं असतं याचा विचार करा, अर्थात तुमची कंपनी ह्या पॉलिसि स्वस्तात, बाजारभावापेक्षा देत आहे हे ग्रुहित धरुन सांगतोय.

माझ्या बाबतीत, मी कंपनीची पॉलिसि फक्त आईसाठीच वापरतो, माझि आणि बायकोची एक जॉइंट पॉलिसि आहे ज्यात पोरगं फुकट कव्हर होतं.

आणि अजुन एक महत्वाचं, पॉलिसि कोणत्या कंपनीची आहे त्यांचा क्लेम सेटलमेंट रेशो काय आहे सिनियर सिटिझनच्या बाबतीत हे तपासा, कारण या पॉलिसी ग्रुप पॉलिसि असतात, त्यामु़ळे यांचे बारीक अक्षरातले नियम वैयक्तिक पॉलिसिपेक्षा बरेच वेग़ळे असतात हे लक्षात घ्या.

इंड्स हेल्थ चेकअप पॉलिसिचा सध्या अभ्यास करतो आहे, आईसाठी यात दोन्हि कडचे पालक समाविष्ट करता येतात.

संचाला पर्याय शोधणे अवघड आहे. पण 'दोन्ही बाजूच्या पालकांना' असे म्हणता येईल. असो. पण ते महत्वाचे नाही.
एकापेक्षा दोघांना कव्हर केले तर आर्थिक फायदा जास्त होईल. पण भावनेचा प्रश्न येत असेल तर मिस्टरांशी सल्लामसलत करुन निर्णय योग्य ठरेल असे वाटते. माझा पहिला प्रतिसाद 'हलके'च घेतल्याबद्दल धन्यवाद.