मैफील आज जमली , पण रंग नाहि भरला
नादात मी तिच्या-तो कोठेतरी विसरला !
मी देवळात दमलो देवीस शोधताना
माता घरात दिसली दारात जीव हसला !
शोधीत कस्तुरीच्या गंधास दूर फिरलो -
शेजारधर्म नाते जपण्यात तो मिसळला !
पाऊस पाहण्या मी दारी उभा जरासा ;
गळक्या छतातुनी तो पाठीवरी बरसला !
पाठीत वार केला तो मित्र मीच जपला
वैरी समोरुनी का जाता उगाच हसला ?
प्रतिक्रिया
13 May 2011 - 9:49 pm | निशदे
जमले आहे....
आवडली कविता....... :)
14 May 2011 - 2:54 am | पाषाणभेद
मस्त रचना केलीये