माझ्यामधील एक भाग चालत गेला दुसरा रस्ता

दोन वाटांत फरक आहे तरीही मग किचकट वाट का निवडली? अन त्याचा त्याला पश्चाताप होतोय का?

मस्तच!
रॉबर्ट फ्रॉस्टच्या 'द रोड नॉट टेकन' चा स्वैर अनुवाद आहे की काय?
तुम्ही लिहिलेली कविता आवडली.

मला कवितेचा विषय प्रचंड आवडला. कल्पना अफलातून आहे. कविता छानच झाली आहे. कुठे कुठे शब्द लय सोडतात बघून पुर्व परवानगी शिवाय शब्द रचना बदलून देत आहे, - नावडल्यास क्षमा. दुखवायचा हेतु मुळीच नाहिये. - आपला निनाव.

शिर्षकः **निवडला मार्ग दुसरा **

जाता जाता पुढे माझ्या होत्या दोन वाटा,
निवडली एक अन फरक सगळा झाला
प्रसंग तो इतुका स्मृतीस भिडला
पुढे फुटल्या त्या वाटेसही अनेक फाटा

छाटूनि माझ्या मधील एक भागनं आतल्या आत
अनुसरला मार्ग सोडूनि दुसरा
चालत होतो मी पुढे इथे, अन मात्र तो तिथंच जडला
काटे रुततात इथे, न टोचरे त्या वाटेवरी काही
लागतो दम ह्या वाटेवर, गळतो हुरूप कधी काही
त्या वाटेवर मात्र नसे निराशा, अन कसले श्रमही नाही

तो माझा चिरतरुण भाग अजून धडाडीने,
उत्कंठेने, उत्साहाने मार्ग क्रमतो.
जड जाते अविरत
झोकून दुखरे चिवट खांदे चिकाटीने
मी दळतो , मी क्रमतो!

चिरतारुण्याचे वरदान लाभलेला तुमचा तो भाग असाच स्वप्नवत चालत राहो ...
तुमचा जीवनक्रमात पिचलेला रोड जास्त आवडला ..
कविता छान आहे ....
पण तुलनात्मक फरक न सांगता प्रवासात्मक बदल आणखिन उठावदार झाला असता का ?

गणेशा ला अनुमोदन. गणेशा, नेहमी प्रमाणे - विचार जबरा आहे!

कल्पना उत्तम. अगदीच नवी नसली तरी तिच्यात शिळेपणा नक्की नाही. पण रचना? अवघडल्यासारखी वाटतेय. मला वाटतं, या विषयावर मुक्तछंदात अधिक चांगली रचना झाली असती. म्हणजे, इथं छंद आहे किंवा कसे हे मला ठाऊक नाही. पण काही चौकट पाळण्याचा प्रयत्न झालेला असावा असे वाटते आणि त्या चौकटीने अवघडलेपण आणले असावे.
वैयक्तिक विनंती - धनंजय, पुन्हा काही विचार करून पहा. उत्तम रचना होऊ शकते. अवघडलेपणातून मुक्त करता यावी. अवघडलेपण हे माझे मत आहे. ते मान्य नसण्याचा तुझा अधिकार मान्य!!!

छान विषय. स्वैर अनुवाद आवडला मात्र मुक्तछंदातही लिहुन बघावे शिवाय एखादा अल्पाक्षरी छंदही वापरून बघावा असेही सुचवतो.

अवांतरः असे छंदबद्ध काव्य बघितलं की स्वतःला छंदबद्ध लिहिता न आल्याची खंत पुन्हा मान वर काढते :(

बाकी ही मुळ कविता किती जूनी आहे? यासाठी विचारतोय की जर मुळ कविता प्रताधिकाराखाली येत असेल तर याचा विचार व्हावा असे वाटते.

आवडली.

तो माझा चिरतरुण भाग अजून धडाडीने,
उत्कंठेने, उत्साहाने मार्ग क्रमतो. मी दळतो
जड जाते, झोकून दुखरे चिवट खांदे चिकाटीने.

वा!

मुक्तछंदात कल्पना अधिक खुलली असती, असं मलाही वाटतं. अर्थात त्यामुळे या रचनेत काही बाधा येत नाही. लय चांगली साधलीय.

आशय आवडला.
संदीप खरे यांचीही अशाच अर्थाची एक कविता आहे ना?

कविता छान झाली आहे. आवडली.
ही कविता या पूर्वी तुम्ही प्रसिद्ध केली आहे का? असे वाटले.

लै भारी..!

कल्पना सुरेख!!
पण.. खरंच वाचताना अवघडल्यासारखं झालं. मुक्तछंदात एकदा लिहून बघावी असे वाटते.

आवडली.

मला कवितेतले काही कळत नाही हे झालेच. पण
जाता जाता पुढ्यात माझ्या होत्या मागे दोन वाटा,
त्यांत निवड केली, त्यातून पुढे सगळा फरक पडला.

त्यात निवड केली म्हणून पुढे सगळा फरक पडला असे म्हणता येईल काय?
त्यात निवड केली तेव्हा पुढे सगळा फरक पडला असेही होऊ शकेल का काय.

अर्थात यामुळे फारसे काही बिघडते असे नाही. कविता आवडली.