तोतयांची, फक्त...

कापल्या गेल्यांवरी तर मदार होती
तोतयांची, फक्त शस्त्रे दुधार होती

समजले नाही मने करपली कशाने ?
सूर्य होता माजला की दुपार होती....

नाचली होतीस तू थयथया कशाला ?
हाक प्रेमाची जराशी... चिकार होती

उतरली ज्यांच्या मनातुन कधीच नाती
माणसांची त्या वयेही उतार होती

'जीवही देईन प्रेमात आज माझा'
मी म्हणालो फक्त, ...पण ती तयार होती

तापल्यावरी उरे आर्द्रता कशाने ?
साधनेला वेदनेची किनार होती