थालि

काही दिवसापूर्वी मस्त हुरडा पार्टी हादडण्याचा योग आला होता
हुरड्याबरोबर घेतलेली अस्सल गावरान थाळी अहा अ हा हा हा अजून चव रेंगाळतेय जिभेवर !
म्हणून हा खटाटोप करावासा वाटला खास तुमच्या साठी

झणझणीत भरलं वांग :

साहित्य ;- वांगी , शेंगदाण्याच कुट ,७-८ लाल मिरच्या (मिरची पावडर हि चालेल), थोडेसे खोबर्याचे काप, लसून ९-१० पाकळ्या ,आल अर्धा इंच ,काडीपता , मीठ ,हिंग ,२ टमाटर,१ कांदा कोथिंबीर बस्स.................
मसाला कसा बनवणार :- एक कांदा कापून तव्यावर लालसर भाजा ,आता खोबर्याचे काप पण हलकेच भाजा ,थोडेस धने घाला (हवे असल्यास)
आता भाजलेला कांदा ,खोबर ,लाल मिरची, लसून, आल, मीठ ,आणि कोथिंबीर पाट्यावर( पाट्यावरची चव न्यारी )किंवा मिक्सी मध्ये पाणी घालून घट्ट वाटून घ्या
वांग्याला काप मारून वरील मसाला भरून घ्या .
कृती ;- कढइत ३ चमचे तेल टाका , जीर मोहरी आणि कढीपत्ता घालून तडतडवा आणि हि भरलीली वांगी मस्त तेलात परतून घ्या
लालसर भाजल्यावर त्यात उरलेला मसाला टाका मस्त परतावा टमाटर घाला ,आणि थोडा शेंगदाण्याचा कुट घाला ,तेल सुटून खमंग फोडणीचा वास दरवळला ....आता शिजेण्यापुर्त पाणी घालून ७-८- मिनट वाट पहा झणझणीत भरली वांगी तय्यार असतील .......

ठेचा : - ७-८ लवंगी मिरच्या ,मीठ ,लसून बस्स ....

पाटावर किंवा खलबत्त्यात जाडसर वाटून घ्या आणि तवा गरम करून थोड तेल घालून मस्त चरचरीत भाजा ...भाजत असताना दार खिडक्या उघड्या ठेवायला विसरू नका

शेंग दाणा चटणी ;- भाजलेल्या शेंगदाण्याचा कुट , लाल तिखट अर्ध चमचा मीठ, लसून ठेचलेला ,१ चमच तेल बस्स ............
कढइत तेल गरम करा ठेचलेल लसून , लाल तिखट ,आणि मीठ घालून परतवा कुट घाला गस कमी करून मस्त मिक्स करू घ्या चटणी तय्यार
भाकरी ;सर्वाना जमते नाही जमत तर बाजरीच पीठ चाळुन थोड घट्ट मळुन छोटीशी भाकरी थापा तव्यावर टाका पाणी लावून पलती करून मस्त खरपूस भाजा ,वरती थोड तूप घालाल्यला विसरू नका
सोबतीला एक पापड , लोणच आणि ताकाची किंवा दह्याची वाटी बस्स ......................... मेनू तय्यार