.. रे नववर्षा
रे नववर्षा ये नेमाने
वल्हवित अंकुर नवजोमाने
एक कवडसा चैतन्याचा
जा फुलवीत ही उदास राने ....!
ना अस्त्राने वा शस्त्राने
उकलन व्हावी सद्भभावाने
मत्सर-हेका ना गर्जन-केका
बाहुबलीचे नको भूजाने .....!
दानवाने ना देवाने
राज्य करावे बळीराजाने
आत्मग्लानी क्लेश त्यजुनी
जगावा पोशिंदा सन्मानाने ...!
रे नववर्षा दे अभयाने
दे भरुनी दुरडी भगोणे
वित्तपातल्या लक्तरांना
भरव मुक्तीचे चार दाणे ...!
.. गंगाधर मुटे
(पुर्वप्रकाशित)
......................................................................
......................................................................
प्रतिक्रिया
1 Jan 2011 - 12:33 am | मदनबाण
वा... :)
सर्वांना नविन वर्षाच्या हार्दिक शुभेच्छा... :)