वाहून काल गेला राहून साचलेला
का शब्द मी निघालो खोडून वाचलेला?
वारुळ हे जगाचे - नाते जपा विषारी
का डंख हा मिळाला आतून डाचलेला
काळोख ही विजेचा अंगार होत आहे
अंधार ही विजांनी पोळून टाकलेला
सारे तुला दिले मी माझी न राहिली तू
तो चोरटा निघाला माझाच वाटलेला
गाणे कसे म्हणू ती आता कुठे दिसेना
प्रत्येक हुन्दक्याला हा कंठ दाटलेला
यात्रेत त्या फुलांच्या "गंधाळल्या" दिशा का ?
कोमेजल्या फुलाने संदेश धाडलेला
मी हासतो सुखाने दुःखात नांदतो मी
तो चेहरा सुखाचा मी रोज फाडलेला
मयुरेश साने ....दि ०९ ओक्ट-10
प्रतिक्रिया
28 Nov 2010 - 1:30 pm | स्पा
कमाल कमाल आणि फक्त कमाल .......................
29 Nov 2010 - 3:18 pm | प्रसाद_डी
सारे तुला दिले मी माझी न राहिली तू
तो चोरटा निघाला माझाच वाटलेला
**********************
साने साहेब...... हे जरा जोराच अन जवळुन टोचल बर का....