मेथीच्या वड्या.

नमस्कार मंडळी,

आज मी बर्‍याच दिवसांनी आपल्या भेटीला येते आहे.. नवीन पाकॄ घेउन ..गोड मानुन घेणे.....तिखट पाकॄ असल्याने..तिखट मानुन घेणे असे म्हणता येइल का ? ;-)

मेथी ही पालेभाज्यांच्या परिवारातली अतिशय गुणी भाजी...जास्तित जास्त लोकांना आवडणारी....आणि तिचे प्रकार तरी किती असावेत...
मेथी मटर मलाई असो....डाळ मेथी असो...मेथीचे ठेपले असोत..किंवा..अगदी साधी..पीठ पेरलेली मेथी असो.....मस्तच लागते....
आज मी आणल्यात मेथी वड्या..सणासुदीला पानची डावी बाजु सजवायला आपण भजी,अळु वडी,सुरळी वडी ई.ई. बनवतो....या मेथी वड्या साईड डिश म्हणुन पण मस्त लागतात आणि नुसत्या खायला पण छानच लागतात....नक्की करुन पाहा...

साहित्यः
बारीक चिरलेली मेथी २ वाट्या, डाळीचे पीठ/थालीपीट भाजणी,तांदुळ पीठ,
लसुण (ऐच्छिक),२-३ हिरव्या मिरच्या,लाल तिखट,मीठ,भाजलेले तीळ (ऐच्छिक),तेल.

कॄती:
मेथी मद्धे मावेल ईतके डाळीचे पीठ (यात थोडे तांदुळ पीठ किंवा थालीपीटाची भाजाणी पण घालु शकतो...)घालणे,त्यात ठेचलेली लसुणमिरची,मीठ,थोडे तेल,तिखट,मीठ,तीळ घालणे.
लागेल तसे पाणी घालुन घट्ट गोळा मळणे.मेथीला पाणी सुटते..त्यामुळे अंदाज घेउन पाणी घालावे.मेथी च्या या गोळ्याचे कोथींबीर वडीला करतो तसे रोल करुन घेणे...एका पातेल्यात पाणी उकळणे..स्टील च्या चाळणीला तेलाचा हात लावुन त्यावर मेथी रोल ठेवणे... ही चाळणी पातेल्यावर ठेवुन रोल वाफवुन घेणे....अथवा कुकर मधे वाफवणे..

रोल नीट वाफवुन गार झाल्यावर त्याच्या पातळ वड्या कापणे...

तेलात खरपुस तळुन घेणे अथवा.. नॉन स्टिक तव्यावर थोड्या तेलात कुरकुरीत परतुन घेणे...

झटपट मेथी वड्या तय्यार आहेत