रिओ ऑलिम्पिक २०१६

वेल प्लेड दत्तू ... त्याच्या हीटमध्ये चौथा आलाय.

रिओ ऑलिम्पिकः रोईंगपटू दत्तू भोकनळ पदकाच्या शर्यतीतून बाहेर, चौथ्या उपांत्य फेरीत दत्तू चौथ्या स्थानावर

टेंशन देणा-या सामन्यात मजा आली. भारत २ आणि अर्जेन्टीनाचा ०१ गोल असतांना शेवटची चार मिनिट असतांना तीन पेनाल्टी त्यांना मिळाले, आपला बचाव भारी होता. आनंद वाटला. :) -दिलीप बिरुटे

अंतनु दास ही जिंकून पुढील फेरीत गेला. बरा दिवस गेला. -दिलीप बिरुटे

प्रकाश नंजाप्पा , जितू रे 50 मी पिस्तूल नेमबाजी, 5.30 वाजता तिरंदाजी बोम्बयला देवी 6.09 वाजता दीपिका 1.27 वाजता जुडो-अवतार सिंग 7.19 वाजता महिला हॉकी 7.30 वाजता भारत वि. ऑस्ट्रेलिया दत्तू भोकनल रँकिंगची मॅच 7.50 वाजता 64 किलो वजनी गटात बॉक्सिंग मध्ये 3.00 वाजता

बाॅक्सिंगमधे क्रिश्नन विजयी. प्री-क्वार्टरस् मधे पोहोचला.

β शोध मराठमोळ्या दत्तूच्या पराभवाचा ( संजय दुधाणे ) 10 ऑगस्ट 2016 - 07: 55 AM IST माझी शेवटची इच्छा एकच आहे , माझ्या गावाला पिण्याचे पाणी मिळू दे असे सांगून बीबीसीवर मुलाखत देणार्या मराठमोळ्या दत्तू भोकनळची ऑलिम्पिक पदकाची तहानही तृप्त होऊ शकली नाही . खिन्न मनाने तो लागोवा स्टेडियममधून बाहेर पडला तेव्हा तो एकाकी दिसत होता . ना त्यांच्यासोबत प्रशिक्षक दिसले , ना चाहते , ना रोईंग संघटनेचे पदाधिकारी, ना भारतीय ऑलिम्पिक महासंघाचे कारभारी . मला अधिक चांगले प्रशिक्षण लाभले असते तर मी देशासाठी अजून मोठा पल्ला गाठला असता , माझ्या पाठीमागे केवळ आईचे आशीर्वाद होते ही त्याची प्रतिक्रियाही खूप बोलकी ठरली . अवघ्या तीन वर्षात भोकनळने नाशिक ते रिओ अशी मजल मारून सार्या देशाचे लक्ष वेधून घेतले होते . ऑलिम्पिकची पात्रता फेरी गाठेपर्यंत त्याला फारसे कोणी ओळखत नव्हते . रिओमध्येही तो कमालीचा एकटा पडला होता . सेनादल आणि भारतीय रोईंग संघटनेची तू - तू -मे -मे असल्याचाही मोठा फटका भोकनळला बसला. पहिल्या फेरी जिंकली तेव्हाही त्याचे अभिनंदन करण्यास भारताचे कोणीच लागोवा स्टेडियममध्ये नव्हते . त्याने धडाकेबाज कामगिरी करताच क्रीडाग्रामत त्याचे नाव चर्चेत आले . उपांत्यपूर्व फेरी पहाण्यासाठीही बोटावर मोजण्या इतकेची भारतीय प्रेक्षक हजर नव्हते . काही मराठी पत्रकार आणि एक दिल्ली आकाशवाणीचा समालोचक. इनमीन चारच भारतीयांनी त्याचा खेळ पाहिला . अमेरिका , रशिया , इंग्लंड, पोलंडचे ध्वज स्टेडियममध्ये प्रेक्षकांच्या हाती फडकत असताना तिरंगा कोठेच दिसत नव्हता. रिओत लाटेवरील हालत्या पाण्यात भोकनळचा वेग मंदावला . पहिल्या फेरीपेक्षा थोडी कामगिरी सुधारली तरी वाहत्या पाणीतील सराव मिळाला नसल्याने तो मागे पडत गेला . त्यात स्पर्धेपूर्वी त्याने अमेरिकेत प्रशिक्षण घेतले होते . तेथिल सराव काहीच फायदेशीर ठरला नाही . त्याचे प्रशिक्षकांचे घर अमेरिकेत असल्याने त्यांनी सेनादलाला अमेरिकेत प्रशिक्षण घेण्याची विनंती केली . मितभाषी दत्तूू सेनादलाच्या शिस्तीत खेळाडू घडला आहे . तो सेनादलात साधा जवान असल्याने त्याला आपल्या प्रशिक्षणाबाबत काहीच बोलता आले नाही . प्रशिक्षक अमेरिकेतील घरी राहत होते तर भोकनळ हॉटेलवर एकटाच असायचा . ना फिजिओ , ना मानसतज्ञ, ना मदतीला कोणी . असा लढा देत तो रिओत दाखल झाला होता . तरीही त्याच्यापेक्षा वयाने आणि अनुभवाने परिपक्व असणार्या खेळाडूंची तो झुंजत राहिला. महाराष्ट्रही पाठीशी उभा राहिला नाही अशी भोकनळची खंत आहे . महाराष्ट्र शासनाने पाच लाख दिले असले तरी ते खूप उशिरा. मूळात रोईंग आणि भारतीय ऑलिम्पिक संघटनेने त्याला विशेष सहकार्य केले नाही . सेनादलाचा असल्याने खेळातील छोट्या- छोठ्या पण महत्वपूर्ण बाबींपासून तो वंचित राहिला. मूळात मानसिकदृष्टया तो दुबळा पडला होता . आई रूग्णालयात असल्याने तो सरावात पूर्ण लक्ष केंद्रित करू शकला नाही . रिओत एकाकी झुंज अपुरी ठरली तर त्याने माघार घेतली नाही . पदक हे एकटा खेळाडू जिंकू शकत नाही , त्याच्या यशासाठी अनेक हात गरजेचे असतात हे त्याला रिओ ऑलिम्पिकने शिकवले आहे . मला यशासाठी सहकार्य हात लाभो , असे सांगत भोकनळ रिओत शेवटी म्हणाली की , मी सच्चा सैनिक असून मला तिरंगा फडकताना पहायचायं हीदेखिल आता माझी शेवटची इच्छा बनली आहे .

खेळाडू ग्रेट्च आहेत आपले, व्यवस्था अन राजकारणात समस्येचं मूळ दिसतंय. दीपा किंवा पूर्वी साईना, त्यांना पालकांनी घडवले त्यांना. मग क्रीडा मंत्रालय काय कामाचे?

गडी लढला पण, अंतनु दास बी चान्गल खेळतय, योगेश्वर दत्त च्या कुस्ती ची वाट बघतोय, रविवारी २१ ऑगस्ट कुस्ती कडुन अपेक्षा आहेत.

फ्रीस्टाईल फायनल सुरु होतेय!! :)

आज बॅडमिंटन. नक्कीच पहाणार.

ज्वाला आणी अश्विनी पोनप्पा- तिकडे ८ वाजता. भारतात साडेचारला आहे. साडेपाचला अत्री मनू आणि सुमित रेड्डी. त्याच वेळी दीपिका कुमारी आणि बोमल्यादेवी- धनुष्यबाण चालवतील. साडेसहाला पी सिंधूची मॅच, त्यचवेळी हॉलंडसोबत हॉकी! अन साडेसातला साईना नेहवाल्चा सामना! एकूण काय, आज मेजवानी आहेच.

अपडेट टाका

बॅडमिंटन एकेरीमधे साईना आणि सिंधू आपापल्या पहिल्या फेरीत विजयी झाल्या.

हाॅकीचा खेळ मस्त झाला.. अगदी interesting..

सानिया-बोपण्णा टेनिस क्वार्टरफाइनल मधे विकास बाॅक्सिंग क्वार्टरफाइनल मधे

हा धागा अगोदर ज्या उत्साहाने उघडला जायचा तितकाच आता भित भित उघ्डला जातोय... :( दत्तू भोकनळ परत एकदा सुरेख खेळला मात्र काल...पूर्ण वेळ आघाडीवर राहून शेवटच्या एक सेकंदात दुसर्‍या स्थानावर गेला.

अरेरे, थोडक्यात हुकले, आत्ता पाहिलं.. उद्या दीपा आणि साईनाकडून मोठी अपेक्षा आहे.

आजचे अपडेटस.. अश्विनी, ज्वाला, भारतीय महिला हॉकी संघ स्पर्धेबाहेर गेले. पण किदम्बी श्रीकांतने बॅडमिंटन मधे विजयी सलामी दिली. उद्या स्वीडीश खेळाडूसोबत खेळणार. त्याला शुभेच्छा ...! सानिया -बोपन्ना उपान्त्यपूर्व फेरीत उद्या खेळतेल

ललिता बाबर चा नॅशनल रेकॉर्ड. फायनल खेळणार. ३००० मीटर्स..स्टीपलचेज. ..?

हो, तिचेही अभिनंदन आणि शुभेच्छा! वादग्रस्त पैलवान नरसिंग आज रिओला पोहोचला. १९ तारखेला तो पहिला सामना खेळेल. उद्या दीपा कर्माकर्च्या कामगिरीची उत्सुकता आहे!

ललिता बाबरचे अभिनंदन. पी टी. उषानंतर ऍथलेटिक्स फायनलमध्ये खेळणारी पहिली भारतीय खेळाडू ठरेल.

साईनाचा १८-२१, १९-२१ असा सरळ सेट्समध्ये पराभव. पदकाची आशा संपुष्टात.

सायना फिट नव्हती बहुतेक. दीपा करमाकर मैदानात येत आहे....