ड्रींक्सचं प्रमाण किती असावं ?

मी पयला (तुम्ही बोलावलत तर)
बाकी आठवड्यातून एकदा निवांत बसावं. ९० मिली रेड रम घ्यावी. (ओल्डमंकास पर्याय नको) सगळ्या डोक्याला तरास करणार्‍यांच्या नावाने एकच होलसेल शिमगा करावा. रमची चव पुसट होताहोता कचकून जेवण हानावं.
सकाळी डोस्कं अन पोट सगळं साफ. :)
येतेय का कोण आज?
.
.
आमच्या अत्यंत प्रिय अन सदैव तत्वज्ञानाच्या नशेत टुल्ल असणार्‍या मित्राने दिलेले (वस्तुस्थितीदर्शक नसले तरी) बेवडा हे नामाभिधान आम्हास आवडले आहे.
.

मागे यावर बराच काथ्याकुट झाला आहे. मी माझे मत दिले होते. लोकांनी बरीच टीका केली होती.
आता टंकाळा आहे तेंव्हा कोणी त्या धाग्याचा दुवा शोधला तर बरे होईल.

माझे वैयक्तिक मत असे आहे की दारू ( किंवा कोणतेही व्यसन ) सोडण्याची सर्वात चांगली वेळ म्हणजे पहिल्या पेल्याच्या अगोदर. बस! बाकी धाग्यावर लक्ष ठेवून आहेच.
- (आत्तापर्यंत तरी दारू, सिगारेट पासून कोसो दूर असलेला) उका.

मी अशा गोष्टींपासून चार हात दूर आहे.

चार हात दुरुन ग्लास, बर्फ, खाद्य कसं मॅनेज करता याचं कौतुक आहे.

जेव्हां ड्रिंक्सशिवाय हातपाय थरथरू लागतील तोपर्यंत घ्यायला हरकत नाही..

शिव ...शिव..शिव..;)

पार्टी ऑफिसर्स मेस ला असो वा एखाद्या मित्राची बॅचलर्स पार्टी असो कुठली ही असो आपले प्रमाण फिक्स आहे

पिणार फ़क्त स्कॉच किंवा डार्क रम त्यातही स्कॉच ब्लेंड वगैरे पिणार नाही कधीच (वनवासाला सीताफळ न्यायाने एकेकाळी आम्ही सगळ्या देशी विदेशी एक्सपेरिमेंट केल्या आहेत) तर प्यायची असली तर फ़क्त स्कॉच ती सुद्धा फ़क्त ग्लेनफिड्डीच असली तरच मस्त एक लार्ज घ्यावा त्यात गारेगार २ स्कॉच स्टोन्स सोडावे मग खरपुस भाजलेली कोंबड़ीची टंगड़ी घेऊन कोपर्यात बसावे तोच पेग माइक्रो सिप घेत आजुबाजूची मंडळी त्यांची ढोसे पर्यंत चालवावा नंतर हलके फुलके काही खाऊन पड़ी मारावी

रम असल्यास एक लार्ज + एक स्मॉल घ्यावा सोबत बॉयल्ड एग्स किंवा अंडा पकोड़ा असावा पण रम फ़क्त न फ़क्त ओल्ड मोंकच! बाकी अगदीच ओल्डमोंक नसल्यास कॉन्टेसा चालवुन घेतो पण ते मॅकडोवल वगैरे होमेओपेथिक औषधाच्या चवीचे लाल पाणी अजिबात नाही!!जेवण हलके घ्यावे अन मग पड़ी मारावी

ते सोत्रि कुठे गेले? दारूच्या प्रकारांबरोबरच प्रमाणही माहीत असेल त्यांना. ;))

सोत्रि

आमचे मद्य गुरु!!

_____/\_____

खुशवंत सिंग रोज ६० प्यायचे म्हणे. ९९ वर्ष जगले.
एका डायटिशनने दारू वाईट नाही पण चकल्या/शेव्/वेफर्स हा चकणा बराच घातक असं सांगितलं होतं. बिना (असला) चकणा थोडी दारू फार वाईट नसावी.

ओल्ड मंकास पर्याय नाही याबद्दल अभ्या आणि बापूसो यांजशी बालके आदूबाळ सहमत आहे.

दुसरा आवडता प्रकार म्हणजे जॅक डॅनियल्स. हेच मिपानाम घेतलेले आमचे परममित्र सध्या भेटत नसल्याने हा योग सहसा येत नाही.

जोपर्यंत दारू तुम्हाला पित नाही तोपर्यंत, दारूवर प्रेम करा.

१. मित्रांबरोबर कट्टा करता करता जमेल तितके दारू वर प्रेम करा.

आणि.

२. परत नंबर १ कडे वळा.

खरेतर सुरापान हा एक सोहळा असतो.

कधीतरी एखादा वीकेंड ठरतो. भेटायचे बेत ठरले जातात.कुणी कुणाला निरोप द्यायचा ते ठरते.बायकोला मस्का मारून, तिची परवानगी काढायला लागते.मिपाकट्टा म्हटल्यावर, जास्त मस्का मारायला लागत नाही.टांगारूंना रीतसर टाळण्यात येते आणि तो दिवस ठरतो.

एखाद दुसरा राउंड होत नाही तोच, मिपाचे चविष्ट धागे परत एकदा उसवल्या जातात.

स्वगत : ह्या बिरुटे सरांना कसे काय समजले की, पुढच्या महिन्यात मिपाकट्टा आहे म्हणून?

ड्रिंक घेणे खरेच गरजेचे आहे का?

हो मी राहायचो तिथे तापमान उणे २℃ ते उणे २०℃ च्या मधे असे मुख्य म्हणजे करायला कायच नसे अन त्याहुन मुख्य म्हणजे मला ड्रिंक्स आवडतात म्हणे काका मी! :)

आपल्या पिण्याची वारंवारता वाढली असून आता थांबायला हवे असे वाटण्याची वेळ येऊ नये इतपत कमी असायला हवे. :)

ड्रिंक्स घेणे अथवा न घेणे हे प्रत्येकाच्या इच्छाशक्तीवर अवलंबून असू शकतं.
खासकरुन सहकार्‍यांनी भरीस पाडण्याचा प्रयत्न केला तरी तुम्ही फर्म असल्यास ते काहीही करु शकत नाहीत!

माझ्या स्वतःच्या बाबतीत विचाराल तर ओल्ड माँकला पर्याय नाही! (निदान रमच्या बाबतीत तरी)
वाईन प्यायचीतर ती पण रेड वाईनच!

पिणे वालेंको पिणे का बहाणा चाहिये.

दारू पिण्यापेक्षा फळांचा ज्युस बर्फ टाकूण पिणे चांगले.

पिण्यात अजिबात इंटरेस्ट नाही. माझ्या चखण्याचं बिल हे नेहमीच मित्रांच्या पिण्याच्या बिलापेक्षा जास्त येतं.

ड्रींक्स प्रमाणात पिणे?
मला वाटतं दारुच्या थेंबालाही हात लावता कामा नये. दारू एखाद्याला आणि त्याच्या कुटुंबाला कसे बरबाद करते हे मी माझ्या डोळ्यांनी पाहिले आहे.

उपयुक्त माहिती.
मद्य न पिणाऱ्या आमच्यासारख्यांना मद्य पिणाऱ्या माणसांचे निरिक्षण करायला आवडते. आमच्या एका मित्रांनी पूर्ण धुंदित असताना अगदी सुरेल आवाजात गाणे ऐकवून त्रुप्त केले होते.

आंतरजालावर वाचलेला किस्सा
"माझा एक मित्र त्याच्या होणाऱ्या बायकोला घेऊन पहिल्यांदाच डिनर साठी गेला. ऑर्डर करायच्या आधी, "मी ड्रिंक घेतलं तर चालेल ना" असं तिला विचारलं. ती हो म्हणाली. त्यानी वेटरला बियर सांगितली.
वेटरनी बियरची बाटली त्यांच्या टेबलवर आणून ठेवली. त्या बाटलीकडे बघून भावी-बायकोनी राग-युक्त आश्चर्यानी विचारलं, "ही एवढी दारू तू पिणार आहेस?"
मित्रानी विचारलं, "नको का एवढी? बरं..." वेटरला बोलावलं आणि म्हणाला, "हे घेऊन जा रे... आणि एक निप आण"...!
वेटरनी आणून ठेवलेली क्वार्टरची बाटली भावी बायकोला दाखवत विचारलं, "ही एवढी प्यायलेली चालेल का?"....
तो आपल्याला विचारतो आणि आपलं ऐकतो या आनंदात अत्यंत प्रेमानं ती म्हणाली, "हो... ही चालेल... आधीची फारच मोठी होती बाटली!!"
And they lived happily ever after!!"

माहितीपूर्ण चर्चा.

बस एका वैधानिक इशाऱ्याची कमी आहे.

संसारा उध्वस्त करी दारू
बाटलीस स्पर्श नका करू...

सौजन्य - आमची वाहिनी सह्याद्री वाहिनीवरील एक जुनी जाहिरात.

अवांतर - पांढऱ्या खोडीचे नाव कुणीच कसे घेतले नाही?

स्वत:ला किंवा दुसर्याला त्रास होणार नाही ईतपत,
बीयर,व्हिस्की किंवा स्कॉच(JD) अथवा याच कॉकटेल..
सोबत जर गप्पा मारायला कोणी नसेल तर चांगले पुस्तक वाचत अथवा चित्रपट पहात ..
नंतर जेवण आणी मस्त झोप.

आपण काल काय आणि किती प्यायलो होतो हे आठवण्याइतपतच असावं.

दारू (बियर) पिण्याची गरज माणसाला का पडते. तेही मांसाहारी जेवणासोबतच.

असं म्हटलं तरी न घेणारे घेणार्‍याना सोडण्याचा वा न घेण्याचा उपदेश करतात आणि घेणारे न घेणार्‍याना 'हे काय घेत नाहीस?' 'एकदा चाखुन बघ / आम्हाला साथ दे' असा आग्रह करतात

मी लौकिकार्थाने ज्याला दारु म्हणतात ती २५-३० वर्षांपूर्वी सोडली. मला फक्त ओल्ड मंक आवडायची आणि तीही जशीच्या तशी. सोडा फसफसत राहतो आणि पाण्याने उगाच वस्तुमान वाढते. अन्य मिश्रणाने मूळ चव ढळते. एक एक टोपण ओतुन घ्यायची आणि प्राशन करायची. माथेरान सहलीला जाताना ठाण्याहून रात्री १.४० ची (तेव्हाची) शेवटची कर्जत पकडायची आणि तीन च्या सुमारास नेरळ गाठायचं. साडेपाचच्या सुमारास रस्ता पकडायचा आणि गप्पा, विनोद, उखाळ्या पाखाळ्यां सोबत टोपणा टोपणाने चपटी संपवताना रस्ता कधी संपायचा ते समजायचं नाही.

त्यानंतर फक्त बिअर. जेव्हा मनापासून घ्यावीशी वाटेल, बरोबर हवे ते गडी असतील, खुली जागा असेल, निघायची घाई नसेल, गाडी चालवायची नसेल, शक्यतो रात्री बैठकीच्या स्थानापासून जायची गरज नसेल तेव्हा बिअर घेतो. बरोबर काकडी, गाजर , बीटाचे काप, शेव व मिरचीच्या तलम चकत्यांनी सजवलेली सॉस लावलेली जिरा मोनॅको बिस्किटे, हिरवी चटणी लावलेल्या व मिरपूड शिंपडलेल्या शेव बटाटा पुरीच्या पुर्‍या, चिजचे बारीक तुकडे आणि खमंग भाजलेले पंजाबी मसाला एडीद पापड असे असेल तर काय विचारता! कींगफिशर अल्ट्रा, हनिकन, कार्ल्सबर्ग या आवडत्या. ट्युबोर्गही चांगली आहे. फारा वर्षांपूर्वी प्रथमच चाखलेली कॅफ्रे विलक्षण आवडल्री होती. चीनी दौर्‍यंमध्ये शिंताव फार आवडायची.

असो. असे योग नेहेमी येत नाहीत.

हेमंत लाटकरांचा अत्यंत वाजवी प्रश्न ....कुणी तरी सांगा उत्तर...?

तुमच्या धाग्याला जे शीर्षक आहे त्यातल प्रश्नचिन्ह आणि '' किती'' हा शब्द काढून टाका = उत्तर

माझी आणि बऱ्याच मिपाकरांची आवड एकच आहे हे वाचुन छान वाटले. व्होडका, व्हिस्की कधीच आवडले नाही. रममध्ये सुध्दा फक्त म्हातारा संन्याशी. नाहीतर कट्टयाला मिपाकरांबरोबर बिअर.
किमान तिन पेग आणि जास्तीत जास्त चार पेग, तेसुध्दा पाण्यातुन. कोल्ड ड्रिंक सोडा यामुळे दारूची सगळी मजा जाते. घसा ओला व्हायला एक लार्ज पेग लागतो. त्यामुळे ९० मिली / दोन पेग पिण्यापेक्षा न प्यायलेली बरी.

किमान तिन पेग आणि जास्तीत जास्त चार पेग, तेसुध्दा पाण्यातुन. कोल्ड ड्रिंक सोडा यामुळे दारूची सगळी मजा जाते.

"शाही हरीण निवडक पिंप" पाण्याबरोबर काय लागते. अहाहा.

जाणकारांच्या उत्तराच्या प्रतिक्षेत :)

हेलाकाका...कधी फक्त चव घेण्यासाठी प्यायची असेल तर अ‍ॅबसिंथची चव घ्या

दारुड्यांनी बेवड्यांबरोबर संस्क्रूतीला बूडवन्यासाथी काडलेला धागा

- ले"संत" बाटकर