कृती करूया!

अनंत छंदी, कल्पना मांडल्याबद्दल धन्यवाद.
मी विचार करत होतो की शहीद झालेले जे कमी हुद्द्यावरचे पोलीस आहेत कॉन्स्टेबल वगैरे त्यांची माहिती घेऊन काही आर्थिक मदत व कृतज्ञता व्यक्त करावी. मिसळपाव वर जर हे झाले तर खुपच चांगलं.
तात्या, तुम्हाला काय वाटतं? तुम्ही / विजुभाऊ / मुंबइतील अजून काही मिपाकर पुढाकार घेत असतील तर अकाऊंट डिटेल्स व्य नि द्वारे कळवा.

अधिकः अजून पूर्ण नियंत्रणात नाहिये. किती अतिरेकी शस्त्रं घेऊन कुठे हिंडत आहेत सांगणं कठीण आहे. सर्व मिपाकरांनी काळजी घ्या व सुरक्षितता बाळगा. हे मुंबइ बाहेरील इतर शहरांनाही लागू आहे.

कल्पना खरच चांगली आहे पण मला नेहमी प्रश्न पडतो की पैसे दिल्यानेच सगळे प्रश्न सुटतात का?
त्यांच्या जीविताच मोल पैशाने लावण हेच मुळात चुकीच आहे अस नाहि का वाटत?
जखमींना मदत करण्याच्या बाबतीत या पर्यायाचा विचार होवु शकतो.
"अनामिका"

थोड्या दिवसात जे शिपाई शहिद झाले त्यांना समाज विसरुन जाईल. परत सर्व काही नेहेमीप्रमाणे सुरुळित. पुन्हा हल्ला होईपर्यंत. मला मान्य नाही हे. जीव कळवळला. उठलो. गेलो एरियातील पोलिस स्टेशनला. तिथल्या सर्वात मोठ्या अधिकार्-याना भेटलो. कुठ्ल्याही प्रसिद्धिला फाटा देउन शिपायांच्या घरातल्या एका मुलाच्या शिक्षणाची जबाबदारी घेण्याचे वचन दिले. माझे कार्य शिक्षण
क्षेत्रात असल्यामुळे मी हे करू शकतो. अधिकारी चकित झाले ह्याचे आश्चर्य वाटते.
घरातला कर्ता गेल्यावर काय होते ने मी स्वःत अनुभवलेले आहे.
मी जे करु शकतो ते मी केले, बस्स

मैत्र ,अनंत छंदी
तुमच्या या मोहिमेत सहभागी व्हायला नक्कि आवडेल.
मला जे त्याक्षणी वाटल ते मी लिहिल होत .
कुणिहि राग मानु नये.
"अनामिका"

असा निधी संकलीत करणे उचीत ठरेल. मिपा तर्फे व्यवस्थापनाने असा निधीकोष स्थापन करावा. सदस्यांनी स्वखुषीने जे द्यायचे ते द्यावे.
इथे संकलन व व्यवस्थापन हे पगारी नोकर वा व्यापारी संस्थेकडुन होणार नसून ते काम काही व्यक्ती केवळ सामाजिक जाणीव म्हणुन करणार असल्याने पावती/ हिशेब वगरेला थारा नसावा. मिपा व्यवस्थापन व निधी व्यवस्थापन या निधीचा योग्य वापर करेल असा ज्यांना विश्वास आहे, केवळ त्यांनीच सहभागी व्हावे.

'कुठल्याही आर्थिक बाबीत ताळेबंद् आवश्यक आहे' असे मत असलेल्यांनी केवळ तशी सूचना वा अपेक्षा व्यक्त न करता ती जबाबदारी स्विकारावी.

माझी एक सूचना: समजा मिपा हे जर सशुल्क संकेतस्थळ असते तर मी काय शुल्क मोजायला तयार झालो असतो? असा विचार करुन त्या शुल्काइतकी रक्कम सदस्यांनी द्यायला हरकत नाही.

मला कसलीही पावती नको. मला मिपा हीच मोठी पावती. तात्यांनी पुढाकार घ्यावा. ताबोडतोब हजर होईन.

/<<माझी एक सूचना: समजा मिपा हे जर सशुल्क संकेतस्थळ असते तर मी काय शुल्क मोजायला तयार झालो असतो? असा विचार करुन त्या शुल्काइतकी रक्कम सदस्यांनी द्यायला हरकत नाही>>

येस्स, सर्वसाक्षी मनातलं बोललात. काहीच हरकत नाही. तात्यांनी एखादे खाते उघडून त्यांचा नंबर द्यावा. सगळे त्याच्यात आपली मदत जमा करतील

http://kalekapil.blogspot.com/

>>तात्यांनी एखादे खाते उघडून त्यांचा नंबर द्यावा. सगळे त्याच्यात आपली मदत जमा करतील

सहमत. सद्ध्या तरी एवढेच करु शकते.
याचा अर्थ फक्त पैसे देऊन जबाबदारी टाळायला पहात आहे वगौरे, असा कृपया लावू नका कोणी...

स्तुत्य योजना मात्र माझ्यामते आज या घडीला त्या पोलिस कुटुंबांवर मदतीचा वर्षाव होईल आणि पुढे, काहि महिन्यांनी लोक त्यांना विसरतील... आणि तेव्हाच या कुटुंबांना खर्‍या मदतीची गरज असेल..

थोडक्यात आज खरोखर जर मदत करायची असेल तर गेल्या रेल्वे बॉम्बस्फोटात मेलेल्या व्यक्तींच्या कुटुंबियांना करा असे सुचवावेसे वाटते.

-('मिसळ'लेला) ऋषिकेश

विप्र, मान गये आपको.
आम्ही तुमच्या एवढ नाही करु शकलो तरी काही तरी करायची इच्छा आहे. फुल ना सही फुलाची पाकळी.

विप्र, मान गये आपको.
आम्ही तुमच्या एवढ नाही करु शकलो तरी काही तरी करायची इच्छा आहे. फुल ना सही फुलाची पाकळी.

मिपावर व माझ्यावर पूर्ण विश्वास दाखवून केलेल्या सर्वांच्या सूचनांबद्दल, आग्रहाबद्दल मनापासून आभारी आहे..

परंतु मी स्वत: किंवा मिसळपाव डॉट कॉम सध्या तरी कुठल्याही आर्थिक जबाबदारीत अडकू इच्छित नाही.. कुठल्याही आर्थिक व्यवहारात मिसळपाव डॉट कॉम सहभागी होऊ इच्छित नाही..

सभासदांनी व्यक्तिगतरित्या ज्याला जी मदत करायची असेल ती जरूर करावी, मीही करणार आहे. परंतु मी किंवा मिसळपाव डॉट कॉम कुठल्याही आर्थिक व्यवहारात मध्यस्थ म्हणून काम पाहू शकत नाही असे अत्यंत विनम्रपणे सांगावेसे वाटते..

पुनश्च एकदा आभार...

तात्या.