१२ वी नंतर करिअर संबंधी मार्गदर्शन

असे पर्याय सुचवावे वाटतात जे थोडे हटके आहेत
हे जरा जपून.काही ओळखी/गाईडन्स/लींक असतील तर असले धाडस करावे. aircraft maintenance चांगल्या मार्काने पास होऊनही ४-५ वर्षापासून वैतागलेला १ मित्र आता परत MBA करतोय.
अशा कोर्सेसना जॉब ओपनिंग कमी असते. exception ही आहेत. बाकी रिस्क जास्त असेल तिथे बार्याचदा फायदेही जास्त असतात. पण जपून.

IISER हा एक पर्याय होउ शकेल.
माझी एक नातेवाईक चांगल्या शासकिय अभियांत्रिकी महाविद्यालयात होती, पण तिथे मन लागत नव्हते. शेवटी IISER ला प्रवेश मिळवला, आत अगदी खुश आहे. पाच वर्षांचा BS-MS अभ्यासक्रम आहे, आणि महिना ५००० ( बहुधा ) शिक्षणभत्ता मिळतो. जर विज्ञानात रुची असेल तर विचार करा.
http://www.iiseradmission.in/

सायन्स होता का १२ वी ला ?
ग्रुप कोणता होता ?
कंपनी सेक्रेटरी हा एक उत्तम कोर्स आहे.
बी एससी नर्सिंग हा एक चांगला पर्यात आहे ( गल्फमध्ये खूप जॉब्स आहेत).
बी एससी इन मेडिकल टेक्नॉलॉजी ( सिटी स्कॅन , कलर डॉप्लर , कॅन्सर संदर्भामधल्या टेस्ट्स ईई) या संदर्भामधल्या तंत्रज्ञ असे जॉब असतात.

बी एससी इन फोरेन्सिक सायन्स हा देखील उत्तम कोर्स आहे.

बाकी मुलाचा कल , आर्थिक क्षमता या बाबी कळाल्या असत्या तर अजून माहिती देता आली असती.

इंजिनिअरिंग ला गव्हर्मेंटला मिळाली अ‍ॅडमिशन तर उत्तम होईल. त्याचा कल कुठे आहे त्याप्रमाणे साईड निवडायला सांग.

इंजिनिअरिंग नको असेल तर सायन्स ग्रॅजुएट होउन सरकारी परिक्षा द्यायला सांग. अधिक माहिती मिपाकर चिगो ह्यांच्याकडुन मिळु शकेल.

तेही नको असेल तर मग अ‍ॅनिमेशन वगैरे फिल्ड पण ओपन आहेतचं हातामधे कला असेल तर.

__________

दंगा:

मला वाटलं परत बारावी दिलीस का काय ;)

चार्टर्ड अकाउंटंसी हाही एक चांगला पर्याय होऊ शकतो.

एकतर फी कमी असते. दुसरं म्हणजे "कमवा आणि शिका" हा पर्याय जवळजवळ लगेच उपलब्ध होतो. प्रॅक्टिस करणारे सीए हुशार, कामसू मुलाच्या शोधात असतातच.

मुलगा हुशार+अभ्यासू असेल तर दनादन पास होत जाईल आणि वयाच्या २१/२२व्या वर्षी सीए होऊन आत्मनिर्भर होऊ शकेल. पुढे नभस्पर्शम् दीप्तम् असं पोटेन्शियल आहे.

प्रतिकूल परिस्थितीतून सीए झालेले अनेक लोक माझ्या परिचयाचे आहेत. बारावीच्या सुमाराला सीए करायचा निर्णय परिस्थिती अनुकूल असतानाही अवघड असतो. तो मुलगा पुण्यात असेल तर काही मदत मी नक्की करू शकेन. व्यनि कर.

जर भारतीय सेनेत जाण्याची इच्छा असेल तर. एनडीएत जाऊ शकतो. एनडीए प्रवेशानंतर अभ्यासक्रम सरकारकडून मोफत, पुर्ण झाल्यावर सायन्स असल्याने एअरफोर्स वा नेवी असे पर्याय आहेत. बाकी त्याबद्दल माहिती इथे मिळेल. तयारी चांगली केल्यास प्रवेश मिळून आयुष्य बदलून जाईल.

एखादी फॉरेन लँग्वेज शिकावी.

BAF - Bacholour of Accounts and Finance हा ही चांगला पर्याय आहे. पण मुंबईत खुप कमी कॉलेजेस मधे ही डीग्री आहे आणि अ‍ॅडमिशन कट ऑफ लिस्ट ही ८५% च्या वर आहे. मुंबई बाहेर चौकशी करण्यास हरकत नाही.

मुलगा पुण्यात राहून शिकणार आहे की कणकवलीत शिक्षण घेणार आहे?

(पुण्यात शिक्षण घेणार आहे असे ध्वनीत होते असले तरी एकदा खात्री करावी म्हणून विचारत आहे)

शक्यतो काही सल्ले देऊ नका. पर्याय सांगा, माहिती सांगा. निवड त्याची त्याला करू द्या, आवडीनुसार.

There are colleges in pune offering these courses. Diploma courses available in Pune. Degree courses in Mumbai, dhule, Jalgaon

There are colleges in pune offering these courses. Diploma courses available in Pune. Degree courses in Mumbai, dhule, Jalgaon

सरफेस कोटींग टेक्नोलोजी जर इंडस्ट्रीयल प्रीपेंटेड कलर कोटींग शीट्स (स्टील शीट्स) बद्दल म्हणत असाल तर त्याला जास्त स्कोप नाही कारण स्टील पेंट मॅनुफॅक्चरीं कंपन्या पुर्ण भारतात मोजुन ५-६ आहेत त्यामुळे नोकरीसाठी प्रॉब्लेम होतो आणि मग बाकीच्या क्षेत्रात ही फारसा वाव नाही.

़अ

कविता,

हे क्षेत्र त्या पेक्षा खुप मोठे आहे. नोकरी आणि व्यवसायाच्या खुप संधी आहेत.